Nehemiya 13:14 - Tonga Bible 1986

¹⁴ Mundikumbuke ine, Chiuta wangu, paku ichi, ndipo mungasistanga cha nchitu zangu zamampha zo ndachitiya nyumba yaku Chiuta wangu ndi uteŵeti wake.

Nehemiya 13:14 ပူးပေါင်းရင်းမြစ်များ

2 ŴaKaronga 20:3

“Kumbukani sono, Ambuya, nditukuŵeyereni mwenimo ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu!” Ndipo Hezekiya wanguliya kwakuŵaŵa.

1 Mikoka 29:3

Ndipo so chifukwa ndikondwa ndi nyumba yaku Chiuta wangu ndisazgiyako kwaku vyo vyose ndalongosole nyumba yakupaturika, nge ndi vyuma vya golide ndi vya siliva vyakundamweni vyo ndipereka ku nyumba yaku Chiuta wangu:

2 Mikoka 24:16

Wangumuŵika mu msumba waku Davidi mukati mu ŵakaronga, chifukwa wanguchita umampha mu Yisraele ndi kwaku Chiuta ndi ku nyumba yake.

Ezra 7:20

Ndipo chose cho chikhumbikenge ku nyumba yaku Chiuta wako chitenere kuperekeka, uchitonge mu chuma cha karonga.

Ezra 7:24

Ndipo so timuziŵiskani kuti ŵazukuru ndi ŵaLevi, ndi ŵakumba, ndi ŵalinda malikomo, ndi ŵateŵeti ŵa kasopi, ndi ŵanchitu ŵake ŵanyake kuti kuzomerezgeke cha kuŵasonkheska msonkho, pamwenga mthulu, pamwenga msonkho wa miseu.

Ezra 7:27

Atumbikike Ambuya Chiuta wa ŵambuyafwe, yo wanguŵika chinthu cha viyo mu mtima wa karonga, kutozga nyumba yaku Chiuta mu Yerusalemu;

Nehemiya 13:22

Ndipo ndingulamuliya ŵaLevi kuti ŵajitozgenge ndi kuza kulonda malikomo, kusunga zuŵa la sabata kuŵa lakupaturika. Kumbukani ichi nacho kurumba ine, Chiuta wangu, ndipo mundisunge kwakuyana ndi ukuru wa chifundu chine.

Nehemiya 13:31

ndipo ndingurongosole mpasku wa nkhuni pa zinyengo zakutemeka ndi kurongosole vipasi vyakudanga, mundikumbuke ine, Chiuta wangu chifukwa cha umampha.

Nehemiya 5:19

Kumbukani chifukwa cha umampha wangu, a Chiuta wangu, vyose vyenivyo ndachitiya yaŵa ŵanthu.

Yesaya 38:3

wanguti, “Kumbukani sono Ambuya, nditukuŵeyereni, mwenimo ine ndayende paurongo pinu mu ukongorekwa ndi mtima wose, ndipo ndachita cho nchamampha mu maso ghinu.” Hezekiya wanguliya kwakuŵaŵa.

ŴaHebere 6:10

Chifukwa kuti Chiuta ngwambura urunji cha kuruwa nchitu yinu ndi chanju cho mungurongole zina lake, po munguteŵete ŵakupaturika wo, ndi muchaŵateŵete.

Chivumbuzi 3:5

Yo wapunda wakavwarikikanga viyo minjirira yakuti tu! Ndipo kuti nkhasisitanga cha zina lake mu buku la umoyo; ndipo nkhazumbuwanga zina lake paurongo pa Ada, ndi paurongo pa ŵangelo ŵawo.