Nehemiya 13:10 - Tonga Bible 1986

¹⁰ Ndingubowozga so kuti phande la ŵaLevi ŵengavi kupaskika; viyo kuti ŵaLevi ndi ŵakumba ŵeniwo ŵachitanga nchitu, ŵanguthaŵiya we yose ku munda wake.

Nehemiya 13:10 ပူးပေါင်းရင်းမြစ်များ

2 Mikoka 31:4

Ndipo so wangulanguliya ŵanthu wo ŵajanga mu Yerusalemu kupereka phande lakwenere ŵazukuru ndi ŵaLevi mwakuti ŵajipereke ku dangu la Ambuya.

Nehemiya 10:37

ndi kuza ndi mabulunga ghidu ghakudanga gha ufwa wakukanya, ndi mipasku yidu, chipasi cha muti we wose, vinyo ndi mafuta ku ŵazukuru, kuvipinda vya nyumba yaku Chiuta widu, ndi kutole ku ŵaLevi vya chichumi vya nyata yidu, pakuti mba Levi ŵeniwo ŵalonde vya chichumi mu mizi yidu yose zingirizgi.

Nehemiya 10:39

Pakuti ŵaYisraele ndi ŵana ŵanthurumi ŵaku Levi ŵakazanga ndi mipasku ya vyakurgha, vinyo, ndi mafuta ku vipinda, mwenimo mwe viyaŵi vya nyumba yakupaturika, ndi ŵazukuru ŵakuteŵeta, ndi ŵasungi malikomo, ndi ŵakumba. Kuti tikayiruwanga nyumba yaku Chiuta widu cha.

Nehemiya 12:47

Ndipo ŵaYisraele wose mu mazuŵa ghaku Zerubabele ndi mu mazuŵa ghaku Nehemiya ŵangupaska vigaŵa vya zuŵa vya ŵakumba ndi ŵasungi-malikomo; ndipo ŵangupaturiya pade payija vya ŵaLevi; ndipo ŵaLevi ŵangupaturiya pade payija vyo vyenga vya ŵana ŵaku Aroni.

Yesaya 43:23

Mulivi kundiziya ndi mberere za visopo vya kocha, pamwenga kundipaska thumbiku ndi mipasku yinu. Ndilivi kukupingizgani ndi mipasku, pamwenga kumuvuskani ndi vyachema.

Malaki 3:8

Kumbi munthu wangamubiya Chiuta? Ndipuuli, mutindibiya. Kweni mutiti, ‘Tikubiyani uli?’ Pakupereka vyachichumi vinu, ndi pakupaska mpasku winu wambura kwenere.

Maŵerengedu 35:2

“Unene ŵaYisraele, kuti ŵaŵapaske ŵaLevi, mizi yakujamo kutuliya mu chihara chawo: ndipo iwe ukaŵapaskanga ŵaLevi charu cha chipozwa kuzingilizga misumba.

Marangu 12:19

Chenjeni, mungamutayanga muLevi mu kuja kwinu kose mu charu chinu.