Nehemiya 12:25 - Tonga Bible 1986

²⁵ Mataniya Bakabukiya, Obadia, Meshulama, Talamoni ndi Akubu ŵenga ŵasungi malikomo ŵakulonda pa nyumba za mbiku za malikomo.

Nehemiya 12:25 ပူးပေါင်းရင်းမြစ်များ

2 ŴaKaronga 7:10

Viyo wanguza ŵangudana ŵalinda malikomo gha msumba, ŵanguŵanene, “Tinguza ku ugoŵi wa ŵaSiriya, awonani, kwengavi munthu chingana njumoza wakuwonekako kuwa nanga ndi mazu ghakuti ghavwikeko, kulivi, kweni ŵakavalo ŵakumangika, mbunda zakumangika, ndi misasa mo yikumiya.”

1 Mikoka 23:32

Viyo ŵakasunganga hema lakuwunganamu, ndi malo ghakupaturika, ndipo ŵateŵetiyenge ŵana ŵaku Aroni, ŵabali ŵawo mu mlimu wa nyumba ya Ambuya.

1 Mikoka 26:12

Vigaŵa ivi vya ŵalinda malikomo, kwakulingana ndi ŵana ŵawo vyenga ndi milimu kwakulingana nge ndimo ŵabali ŵawo ŵanguchitiya, ŵakuteŵete mu nyumba ya Ambuya;

1 Mikoka 26:15

Yaku Obededomu yingumuwiya kuchiri ku mwera, ndi ku ŵana ŵake nyumba ya vyuma.

1 Mikoka 26:17

Ku vuma, kwenga ŵankhonde ndi yumoza pa zuŵa limoza, ku nkhonde kwenga ŵanayi pa zuŵa, ku malaŵi, ŵanayi zuŵa limoza, kwakuyana ŵaŵi ndi ŵaŵi pa nyumba ya vyuma.

2 Mikoka 8:14

Kwakuyana ndi langulu laku Davidi awiske wanguŵika vigaŵa vya ŵazukuru ku milimu yawo ndi vigaŵa vya ŵaLevi ku nchitu yawo ya mathamiko ndi ya uliska pa maso pa ŵazukuru nge ndimo mlimu wa zuŵa weneriyanga; ŵalinda malikomo nawo mu vigaŵa vya wo pa malikomo ghose; chifukwa viyo ndimo karonga Davidi munthu waku Chiuta wangulanguliya.

Yesaya 21:8

Sono yo wanguwona wanguliya: “Ndituma pa chitanthali chaulonda, Ambuya mwe, nyengo zose ndi msana, ndipo pa nchitu yangu ndimiskapo mausiku ghose.