Nehemiya 12:1 - Tonga Bible 1986

¹ Yaŵa ndiwo ŵazukuru ndi ŵaLevi ŵeniwo ŵanguza ndi Zerubabele mwana waku Shelatieli, ndi Yeshua: Seraya, Yeremiya, Ezra,

Nehemiya 12:1 ပူးပေါင်းရင်းမြစ်များ

Ezra 3:2

Yeshua mwana waku Yozadaka wanguma ndi ŵazukuru ŵake ŵanyake, ndi Zerubabele mwana waku Sealatiele ndi ŵabali ŵake, kuzenga chiguŵa chaku Chiuta waku Yisraele; kuti wawochepo sembe zakocha mo kukulembeke mu dangu laku Mosese munthu waku Chiuta.

Ezra 3:8

Mu chirimika cha chiŵi cha kuza kwawo ku nyumba yaku Chiuta ku Yerusalemu, mu mwezi wa chiŵi, Zerubabele mwana waku Sealatiele ndi Yeshua mwana waku Yozadaka, ndi ŵanyawo ŵanyake, ŵazukuru ndi ŵaLevi, ŵangwamba nchitu pamoza ndi wose wo ŵangutuwa ku uŵanda, kuza ku Yerusalemu. Wangumika ŵaLevi ŵa virimika kuruska machumi ghaŵi kuti ŵachiskenge nchitu ya nyumba ya Ambuya.

Ezra 4:2

Viyo ŵanguza kwaku Zerubabele ndi ku ŵara ŵa auskeu, ŵanguti, “Tizengenge namwe; chifukwa ifwe nafwe tipenja Chiuta winu nge ndimwe. Tamubayiyanga sembe kwamba mu mazuŵa ghaku Esaradoni karonga wa Asiriya yo wangutituma kunu.”

Ezra 5:2

Ndipo Zerubabele mwana waku Sealatiele ndi Yeshua mwana waku Yozadaka ŵangusoka, ŵangwamba kuzenga nyumba yaku Chiuta mu Yerusalemu; ndi ŵamchimi ŵaku Chiuta ŵenga pamoza nawo kuŵawovya.

Ezra 7:7

Ndipo ŵaYisraele ŵanyake ŵangukwera kuruta ku Yerusalemu, ndi ŵazukuru ndi ŵaLevi ndi ŵakumba, ndi ŵalinda malikomo, ndi ŵateŵeti ŵa kasopi mu chirimika cha chinkhonde ndi chiŵi cha karonga Arataserese.

Nehemiya 11:36

Ndi vigaŵa vinyake vya ŵaLevi mu Yuda ŵangusazgikiya kwaku Benjamini.

Nehemiya 12:10

Ndipo Yeshua wenga wiske waku Yoiyakimu, Yoiyakimu wiske waku Eliyashibu, Eliyashibu wiske waku Yoiyada,

Nehemiya 12:2

Amariya, Maluku, Hatushu,

Nehemiya 7:7

Ŵanguza ndi Zerubabele, Yeshua, Nehemiya, Azariya, Ramiyo, Nahamani, Mordekayi, Bilishai, Mispereti, Bigivayi, Nehumu, Bana. Unandi wa ŵanthurumi ŵa ŵaYisraele:

Hagayi 1:1

Mu chirimika cha chiŵi cha karonga Dariusi, mu mwezi wa chinkhonde ndi chimoza pa zuŵa la chimoza la mwezi, mazu gha Ambuya ghanguza kwaku Hagayi mchimi kwaku Zerubabele mwana waku Shealtiele, nduna yikuru ya charu cha Yuda; ndi kwaku Yoswa mwana waku Yehozadaka, mzukuru mura, kuti,

Hagayi 1:12

Viyo Zerubabele mwana waku Shealtiele, ndi Yoswa mwana waku Yehozadaka, mzukuru mura, ndi ŵanthu wose wo ŵangujaliya vuli, ŵanguvwiya mazu gha Ambuya Chiuta wawo, ndi mazu ghaku Hagayi mchimi, nge ndimo Ambuya Chiuta wawo wangumutumiya; ndipo ŵanthu ŵangopa pa maso pa Ambuya.

Hagayi 1:14

Ndipo Ambuya anguyuska mzimu waku Zerubabele mwana waku Shealtiele, nduna yikuru ya charu cha Yuda, ndi mzimu waku Yoswa mwana waku Yehozadaki mzukuru mura ndi mzimu wa ŵanthu wose ŵakujaliya vuli; ndipo ŵanguza ndi ŵangutakataka pa nyumba ya Ambuya ŵa maŵanja,

Hagayi 2:2

“Kamba sono kwaku Zerubabele mwana waku Shealtiele, nduna yikuru ya charu cha Yuda, ndi kwaku Yoswa mwana waku Yehozadaka, mzukuru mura, ndi ku ŵanthu wose ŵakujaliya vuli, kuti,

Zekariya 6:11

Utoko kwaku iwo siliva ndi golide, uchite mphumphu ndi uyiŵike pa mutu waku Yoswa, mwana waku Yehozadaki, mzukuru mura;