Nehemiya 10:39 - Tonga Bible 1986

³⁹ Pakuti ŵaYisraele ndi ŵana ŵanthurumi ŵaku Levi ŵakazanga ndi mipasku ya vyakurgha, vinyo, ndi mafuta ku vipinda, mwenimo mwe viyaŵi vya nyumba yakupaturika, ndi ŵazukuru ŵakuteŵeta, ndi ŵasungi malikomo, ndi ŵakumba. Kuti tikayiruwanga nyumba yaku Chiuta widu cha.

Nehemiya 10:39 ပူးပေါင်းရင်းမြစ်များ

2 ŴaKaronga 7:10

Viyo wanguza ŵangudana ŵalinda malikomo gha msumba, ŵanguŵanene, “Tinguza ku ugoŵi wa ŵaSiriya, awonani, kwengavi munthu chingana njumoza wakuwonekako kuwa nanga ndi mazu ghakuti ghavwikeko, kulivi, kweni ŵakavalo ŵakumangika, mbunda zakumangika, ndi misasa mo yikumiya.”

2 Mikoka 31:11

Viyo karonga Hezekiya wanguŵalanguliya kulongoso vipinda mu nyumba ya Ambuya; ndipo ŵanguvilongoso.

2 Mikoka 31:12

Ŵanguza nayo mithulu kwamagomekezgeka, vyachichumi ndi vinthu vyakupaturika. Wakulamula mura waku vyo wenga Konaniya muLevi. Simeyi mbali wake, wenga wachiŵi;

Nehemiya 12:47

Ndipo ŵaYisraele wose mu mazuŵa ghaku Zerubabele ndi mu mazuŵa ghaku Nehemiya ŵangupaska vigaŵa vya zuŵa vya ŵakumba ndi ŵasungi-malikomo; ndipo ŵangupaturiya pade payija vya ŵaLevi; ndipo ŵaLevi ŵangupaturiya pade payija vyo vyenga vya ŵana ŵaku Aroni.

Sumu 122:9

Chifukwa cha nyumba ya Ambuya, Chiuta widu, ndipenjenge umampha wako.

Maŵerengedu 18:26

“Uŵanene so ŵaLevi kuti, ‘Muchironde chigaŵa chimoza cha vigaŵa chumi cho ndamupaskani kutuliya ku ŵaYisraele nge nchihara chinu, mukaperekanga mpasku winu ku Ambuya kutuliya kwaku vyenivyo, chigaŵa chimoza cha vigaŵa chumi.

Maŵerengedu 18:30

Chifukwa chenichi uŵanene kuti, ‘Asani mwaperekako vyamampha vyakutuliya kwaku vyo, vyakujaliyako vikaŵanga ku ŵaLevi nge nchanduwu cha vyapa mbali, ndi ulaka nchanduwu cha pakuponde mphereska;

Marangu 12:17

Mungarghiyanga mu mizi yinu chachichumi cha trigu winu, chingana ncha vinyo winu, chingana ncha mafuta ghinu, chingana ncha ng'ombe zinu zakudanga kupapika, chingana ncha mberere zinu zakudanga kupapika chingana ndi mpasku winu wose wamarapu gho murapa, chingana ndi sembe zinu za kupereka.

ŴaHebere 10:25

kwambura kujowo unganu waku taŵeni, uli nkharusu ka ŵanyake, kweni ŵakuchiskana; ndipo ukongwa viŵi po muwona kuti zuŵa lo liŵandika.