Nehemiya 10:37 - Tonga Bible 1986

³⁷ ndi kuza ndi mabulunga ghidu ghakudanga gha ufwa wakukanya, ndi mipasku yidu, chipasi cha muti we wose, vinyo ndi mafuta ku ŵazukuru, kuvipinda vya nyumba yaku Chiuta widu, ndi kutole ku ŵaLevi vya chichumi vya nyata yidu, pakuti mba Levi ŵeniwo ŵalonde vya chichumi mu mizi yidu yose zingirizgi.

Nehemiya 10:37 ပူးပေါင်းရင်းမြစ်များ

2 Mikoka 31:6

Ndipo ŵaYisraele ndi ŵaYuda wo ŵajanga mu misumba yaku Yuda nawo so ŵanguza ndi vyachichumi vya ng'ombe ndi mberere, ndi vinthu vyakupaturika vyo vingupaturiskikiya ku Ambuya, Chiuta wawo ndi ŵanguviwunjika mu zindundu.

Nehemiya 13:10

Ndingubowozga so kuti phande la ŵaLevi ŵengavi kupaskika; viyo kuti ŵaLevi ndi ŵakumba ŵeniwo ŵachitanga nchitu, ŵanguthaŵiya we yose ku munda wake.

Nehemiya 13:12

Sono ŵaYuda wose ŵanguza ndi vya chichumi vya kurgha, vinyo, ndi mafuta mu nyumba zambiku.

Nehemiya 13:5

wangurongosole Tobiya chipinda chikuru mwenimo kale ŵaŵikangamo mipasku ya ufwa, vyachema, viyaŵi, ndi vya chichumi vya vyakurgha, vinyo, ndi mafuta, vyenivyo vingupaskika ndi langulu ku ŵaLevi, ŵakumba, ndi ŵasungi malikomo, ndi vyaulera vyakupaskikiya ŵazukuru.

Nehemiya 13:9

Ndipo ndingulangula ndi ŵangutozga vipinda; ndi ndinguwerezgamo viyaŵi vya nyumba yaku Chiuta, ndi mipasku ya ufwa ndi vyachema.

Chituwa 13:12

mukapatuliyanga pade ku Ambuya chose cho chijura chibali. Chaumwali chose cha ng'ombe zinu cho nchinthurumi chikaŵanga cha Ambuya.

Chituwa 13:2

“Undipatuliye waumwali wose, che chose cho nchakudanga kubanuwa chibali mukati mu ŵaYisraele, wose ŵa munthu ndi ŵa nyama, mbangu.”

ŴaLevi 23:17

Mukazanga kutuwa mo muja ndi viŵande viŵi vyakuchitika ndi vigaŵa viŵi vya chumi vya sokora kuŵa vyakuzungung'a; vikaŵanga vya ufwa wamampha, vikachitikanga ndi mtupu, kuŵa vipasi vyakudanga ku Ambuya.

Malaki 3:10

Zina ndi vyachichumi vyamphumphu ku nyumba yakusungiyamo, mwakuti muŵe vyakurgha mu nyumba yangu. Po ndipo mudese, atiti Ambuya ŵa maŵanja, asani kuti nkhamujuliyaninga cha madangazi gha kuchanya, ndi kumupunguliyani vitumbiku vyakuzara.

Malaki 3:8

Kumbi munthu wangamubiya Chiuta? Ndipuuli, mutindibiya. Kweni mutiti, ‘Tikubiyani uli?’ Pakupereka vyachichumi vinu, ndi pakupaska mpasku winu wambura kwenere.

Maŵerengedu 18:15

Che chose cho chijula chibali cha vyamoyo vyose, manyi ndi munthu pamwenga chakuŵeta cho ŵapereka ku Ambuya, chikaŵanga chako; kweni ndipuuli mwana wa umwali wa munthu ukamuwombonga ndi cha umwali cha vyakuŵeta vyo vye ndi kalema, ukachiwombonga.

Maŵerengedu 18:18

nyama yake yikaŵanga yako nganga yakuzungung'a ndi chigha chasika chaku marghe vyoko.

Maŵerengedu 18:21

“ŴaLevi ndaŵapaska nge nchihara chawo, chigaŵa chimoza cha vigaŵa chumi mwaku vyose vya ŵaYisraele, chifukwa cha uteŵete wo ŵatakataka, uteŵete wawo wamu hema lakuwunganamo.

ŴaRoma 11:16

Ndipo asani chigaŵa chakudanga cha chiŵande nchakupaturika, iku chiŵande chose nchakupaturika; ndipo asani nkhorozu njakupaturika mphanda nazo zipaturika.

Marangu 14:22

“Muperekenge chachichumi cha vipambi vya mbeu yinu vyenivyo vituwa mu munda, virimika vyose.

Marangu 18:4

Vipasi vyakudanga vya mbeu zinu, vya vinyo winu, ndi mafuta ghinu, ndi vyakudanga vya weya wa mberere zinu, mukamupaskanga.

Marangu 26:2

mwamutopo vipasi vinyake vyose vyakudanga vya dongu lo, vyo mukavunanga. Mukaviŵikanga mu sokora, ndipo mukarutanga ku malo gho Ambuya Chiuta winu wakasankhanga, kuti zina lake liŵenge penipa.