Nehemiya 10:36 - Tonga Bible 1986

³⁶ ndipo so kutole ku nyumba yaku Chiuta widu, ku ŵazukuru ŵeniwo mbakuteŵeta mu nyumba yaku Chiuta widu, ŵana ŵidu ŵanthurumi ŵa umwali ndi ŵa ng'ombe kwakuyana ndimo kukulembeke mu dangu, za umwali za viŵetu vidu ndi miskambu yidu;

Nehemiya 10:36 ပူးပေါင်းရင်းမြစ်များ

2 Mikoka 31:5

Sosonukweni langulu linguti lawandiskika kose-kose, ŵaYisraele ŵangupereka vuna ya trigu yinandi yakudanga, vinyo, mafuta, uchi, ndi vyose vyakutuwa mu minda, ndipo ŵangupereka vya chichumi vinandi ukongwa.

Nehemiya 12:44

Pa zuŵa leniliya ŵanthurumi ŵangumikika kutufuliya vipinda vya kusungiyamo mipasku, vipasi vyakudanga, ndi vyachichumi, kuwunjikamo mwaku vyo phande lakutemeka ndi dangu, la vya ŵazukuru ndi vya ŵaLevi kwakuyana ndi minda yamu mizi; pakuti Yuda wangukondwere pa ŵazukuru ndi ŵaLevi wo ŵateŵetanga.

Nehemiya 13:5

wangurongosole Tobiya chipinda chikuru mwenimo kale ŵaŵikangamo mipasku ya ufwa, vyachema, viyaŵi, ndi vya chichumi vya vyakurgha, vinyo, ndi mafuta, vyenivyo vingupaskika ndi langulu ku ŵaLevi, ŵakumba, ndi ŵasungi malikomo, ndi vyaulera vyakupaskikiya ŵazukuru.

Chituwa 13:2

“Undipatuliye waumwali wose, che chose cho nchakudanga kubanuwa chibali mukati mu ŵaYisraele, wose ŵa munthu ndi ŵa nyama, mbangu.”

Chituwa 23:19

“Vyakundanga vya vipasi vya nyata yinu mukazanga navyo mu nyumba ya Ambuya Chiuta winu. Mungabikanga kana kambuzi mu mukaka wa nyina cha.

Chituwa 34:19

Chose chakujura chibali nchangu, ng'ombe zinu zose zinthurumi, vyakudanga vya ng'ombe yinthukazi ndi mberere.

Malaki 3:10

Zina ndi vyachichumi vyamphumphu ku nyumba yakusungiyamo, mwakuti muŵe vyakurgha mu nyumba yangu. Po ndipo mudese, atiti Ambuya ŵa maŵanja, asani kuti nkhamujuliyaninga cha madangazi gha kuchanya, ndi kumupunguliyani vitumbiku vyakuzara.

Maŵerengedu 3:13

pakuti wose ŵa umwali mbangu; pa zuŵa lo ndingukosole ŵa umwali mu charu cha Egipiti, ndingujipatuliya, kuŵa ŵangu wose ŵa umwali mu Yisraele, wose ŵa ŵanthu ndi ŵa vinyama; ŵakaŵanga ŵangu; ine ndine Ambuya.”

ŴaGalatia 6:6

Kweni yo ngwakusambizgika mazu wasanganenge ndi wakusambizga yo mu vyamampha vyose.

Marangu 12:6

kweniko ndiku mukarutanga, ndipo kweniko ndiku muzenge ndi sembe yinu yakocha ndi sembe yinu yakubaya, ndi chigaŵa chinu chachichumi, mpasku wakuthamikiya, ndi mpasku wakupereka ndi marapu ghinu, ndi mpasku wakupereka, ndi ng'ombe zakudanga kupapika, ndi ŵana ŵakudanga kupapika ŵa mberere zinu.