Nehemiya 10:34 - Tonga Bible 1986

³⁴ Ndipo tinguchita mphenduzga pa ŵazukuru, ŵaLevi, ndi pa ŵanthu kwachichita sembe ya nkhuni, kuza nayo mu nyumba yaku Chiuta, mwenimo zikuŵiya nyumba za auskefwe, pa nyengo zakutemeka, chirimika ndi chirimika, kuzachocha pa jochero la sembe la Ambuya Chiuta widu, kwakuyana ndimo kukulembeke mu dangu.

Nehemiya 10:34 ပူးပေါင်းရင်းမြစ်များ

1 Mikoka 24:5

Ŵangugaŵika ndi mphenduzga, wose ŵakuyana, chifukwa ŵakulangula ŵa malo ghakupaturika ndi ŵakulangula ŵaku Chiuta wose ŵenga ŵamu ŵana ŵaku Eleazara ndi ŵana ŵaku Itamara.

1 Mikoka 24:7

Sono mphenduzga yakudanga yinguwiya Yehoyaribu, yachiŵi Yedaya

2 Mikoka 2:3

Solomoni wangutuma mazu kwaku Hiramu, karonga waku Turo kuti, “Nge ndimo munguchitiya ndi Davidi ada ndi kuŵatumiya miti ya milanji yakuzenge myumba yawo yakujamo, viyo ndimo muchitiye ndi ine.

Ezra 3:5

Pavuli pake, ŵaperekanga sembe zakocha rutaruta, za myezi yifya, ndi madghera ghose gho Chiuta wakughapatuwa ndi vyawanangwa vya munthu yose vyo waperekanga kwaku Chiuta.

Nehemiya 11:1

Sono ŵarongozgi ŵa ŵanthu ŵajanga mu Yerusalemu; ndipo ŵanthu wose ŵanguchita mphenduzga kutuzgamo yumoza mwaku ŵa chumi kwachija mu Yerusalemu, msumba wakupaturika, penipo ŵankhonde ndi ŵanayi ŵangujaliriya mu mizi yinyake.

Nehemiya 13:31

ndipo ndingurongosole mpasku wa nkhuni pa zinyengo zakutemeka ndi kurongosole vipasi vyakudanga, mundikumbuke ine, Chiuta wangu chifukwa cha umampha.

Nthanthi 18:18

Mphenduzga yimara suskanu ndipo yiteruzga pakati pa ŵakupindana ŵanthazi.

Yesaya 40:16

Lebanoni kuti wangakwaniska nkhuni cha, chingana ndi nyama zake kuti zikwana kuchitiya sembe yakocha cha.

ŴaLevi 24:5

“Ndipo mukatonga ufwa wamampha, ndi kocha tuviŵande chumi ndi tuŵi, ke kose ka ufwa wa vigaŵa viŵi vya vigaŵa chumi vya mweso wa sokora.

ŴaLevi 24:6

Ndipo mukatuŵikanga mu mizere yiŵi; tunkhonde ndi kamoza mu mzere umoza, pa gome la golide wakwengeka.

Maŵerengedu 28:2

“Walanguliye ŵaYisraele, uŵanene kuti, ‘Muphwerenge kupereka kwangu pa nyengo yake yakutemeka, mpasku wangu, kurgha kwa mipasku yangu yapa moto, fungu lamampha.’

Machitidu gha Ŵakutumika 1:26

Ndipo ŵanguŵapenduzgiya; ndipo mphenduzga yinguwiya paku Matiya; ndipo wangupendeke pamoza ndi ŵakutumika chumi ndi yumoza wo.

Yoswa 9:27

Kweni zuŵa liya Yoswa wanguŵachita kuŵa ŵakudumuwa nkhuni ndi ŵakunegha maji, kuneghe mpingu ndi jochero la Ambuya kurutiliya mpaka ku zuŵa lino, mu malo gho iyo wangasankha.