Mika 7:9 - Tonga Bible 1986

⁹ Nkhakunthiyangapo kandundu ka Ambuya chifukwa ndaŵanangiya, mpaka andikambiye mlando wangu, ndi kunderuzga. Akanditoriyanga ku ukweru; nkhawonanga utaski wake.

Mika 7:9 ပူးပေါင်းရင်းမြစ်များ

2 Samuele 24:17

Davidi wanguti wawona mungelo yo wakosonga ŵanthu wangunena ndi Ambuya, wanguti, “Wonani, ndananga, ndipo ndachita uheni; kweni nanga mberere izi, kumbi zachitanji? Janja linu, ndi murombani, limikani ndi ine ndipo limikani ndi nyumba ya ada.”

Jobu 23:10

Kweni waziŵa nthowa yo nditendamo; po watindesa, nkhaŵanga nge ndi golide.

Jobu 35:14

Nanga mutiti mutimuwona cha, nanga mutiti mrandu we paurongo pake, ndi kuti mutimurindizga!

Sumu 119:154

Vikiriyani mlando wangu, ndipo ndisanduskeni mwanangwa; nditaskeni nge ndimo mukupanganirana!

Sumu 37:6

Atuzgenge urunji wako pakweru nge nkhungweruka, ndi kweruzga kwako nge ndi msana pakati.

Sumu 43:1

Nderuzgeni, A Chiuta mundikambiye mlando wangu ndi ŵanthu ŵambura kuziŵa Chiuta; ku ŵanthu ŵakupasika ndi ŵakubende nditaskeni!

Sumu 7:6

Sokani, Ambuya, mu ukari winu, mujiyinuskiye pakumikana ndi ukari wa ŵakupindikana nane, yukani, A Chiuta wangu, imwe mwamika cheruzgu.

Sumu 94:15

Urunji ukasanirikanga so mu mphara zakweruzgiyamo, ndipo ŵakawurondonga wose wo mbakutuwamu mtima.

Yesaya 42:16

Ndipo ndikarongozganga ŵachiburumutiya mu nthowa yo ŵalivi kuyiziŵa, mu tunthowa to ŵalivi kutuziŵa kale ndikaŵarongozganga. Ndikasanduskanga mdima wa paurongo pa wo kuŵa ukweru, malo ghavibokuboku kuŵa ghakunyoroka. Ivi vinthu ndi vyo nkhachitanga, kuti nkhavirekanga cha.

Yesaya 42:7

kujura maso gha ŵachiburumutiya, kutuzga ŵamagoŵa mu chizenje, mu nyumba ya magoŵa wo ŵaja mu mdima.

Yesaya 46:13

Ndituza nacho pafupi chipozomosku changu, kuti che kutali cha, ndipo utaski wangu kuti ukasweranaga cha; ndikaŵikanga utaski mu Zioni; chifukwa chaku Yisraele unkhankhu wangu.”

Yesaya 51:22

Viyo atiti Ambuya, Ambuya, Chiuta winu yo wavikiriya mrandu wa ŵanthu ŵake: “Ehe, ndatuzgako ku janja linu nkhombo ya kuzendazenda; chandi cha ukari wangu kuti mukamwanga so cha;

Yesaya 56:1

Viyo atiti Ambuya: “Sungani cheruzgu chirunji, chitani, ukongorekwa, chifukwa utaski wangu ukazanga ruŵi, ndipo uwombozi wangu ukavumbulikanga.

Yeremiya 10:19

Owe soka ine chifukwa chakupwetekeka kwangu! Bala langu ndachitima. Kweni ndinguti, “Kwakuneneska ili ndi yuzgu, nditenere kukunthiyapo.”

Yeremiya 14:7

“Chingana mautimbanizi ghidu ghatitisimika, tovyeni, Ambuya, chifukwa cha zina linu; pakuti kutondeka kwidu kwaŵa kukuru, talakwiya imwe.

Yeremiya 51:10

Ambuya ŵaza ndi uneneska widu; tiyeni, titaule mu Zioni, nchitu ya Ambuya Chiuta widu.

Chitenje 1:18

“Ambuya ŵemukuruwika, pakuti ŵagarukiya mazu ghawo; kweni vwani, mwa ŵanthu imwe mose, ndi teskani suzgu yangu; ŵamwali ŵangu ndi ŵanyamata ŵangu ŵaruta mu umkoli.

ŴaLevi 26:41

viyo kuti nane so ndingwenda kwakupambana nawo, ndi kuŵatole mu charu cha ŵamawongo ŵawo, asani mtima wawo wambura kuchinjika ukajiyuyuwanga ndi kuchita umampha mu malo gha uheni wawo;

Malaki 3:18

Viyo so mwamupatuwa murunji ku muheni, wakuteŵete Chiuta ndi yo wareka kumuteŵete.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.

2 Timote 4:8

chajako kuti chiŵikikiye ine chifuku cho cha urunji, chenicho Mbuya, cheruzga yo murunji, wandipaskenge mu zuŵa liya: ndipo kwaku ine pe cha, kweni so kwaku wose ŵeniwo ŵanja chiwoneka chake.

Chivumbuzi 18:20

Kondwereni paku iyo, kuchanya ko, ndi imwe mwaŵakupaturika, mwaŵakutumika ndi ŵamchimi; chifukwa Chiuta wamweruzga paku vyo wangumuchitiyani.”

1 Samuele 24:15

Ambuya ndiwo aŵe ŵeruzgi, apaske cheruzgu pakati paku ine ndi imwe, awone, andikambiye mlando wangu, anditaske mu janja linu.”

1 Samuele 25:39

Davidi wanguti wavwa kuti Nabala wafwa, wanguti, “Atumbikike Ambuya wo awezge nduzga kupwetekeka ko ine ndinguronde pa janja laku Nabala, ndipo wasungirizga ndamteŵeti wake ku kwananga, Ambuya awezge uheni waku Nabala pa mutu wake.” Ndipo Davidi wangutuma kwa chifumba Abigaili, kuti waŵi muwoli wake.

1 Samuele 26:10

Davidi wanguti, “Mo aliri Ambuya amoyo, Ambuya amubayenge; pamwenga zuŵa lake likazanga wafwenge; pamwenga wasikiyenge ku nkhondo ndi kwachimariya kweniko.

1 Samuele 3:18

Viyo Samuele wangumukambiya vyose ndipo kuti wangubisa kanthu cha. Ndipo Eli wanguti, “Ndi Ambuya; iko achite cho chingaŵa chamampha kwaku iwo.”