Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.
Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?
Pakuti viyo atiti Ambuya Chiuta: Chifukwa wachitanga kumba manja, kuthiniska pasi marundi ghako, kwangara ndi kunyoza kose ko kwenga mwaku iwe pa charu chaku Yisraele,
Nge ndimo iwe ungukondwe pa chihara cha nyumba yaku Yisraele, po yinguŵa phasulu, viyo ndimu ndikachitiyanga nawe; ukaŵanga phasulu, phiri la Seiri, ndi Edomu yose, yose teteti. Penipo ndipo ŵakaziŵanga kuti ine ndine Ambuya.”
chifukwa cho Ambuya Chiuta atiti: Mu kufya kwa sanji yangu ndirongoro, kumikana ndi ŵakujako ŵa ŵamitundu ndi Edomu yose, wo ŵangujipaska charu changu nge nchihara mu likondwa lose ndi mtima wakuyuyuwa, mwakuti chiŵi chihara chawo ndi kuchiskowa.
“Mu zuŵa lo ndamuyuska msasa waku Davidi wo ukuwa ndi kulongoso madangazi ghake; ndi kuyuska vyakubwanganduka vyake, kuwuzenga so nge ndi mu mazuŵa ghakali;
Kweni iwe, mphanyi ungwene ndi zuŵa la mbali wako, zuŵa la soka lake; kuti mphanyi wakondwa cha ndi ŵanthu ŵaku Yuda mu zuŵa la pharghaniko lawo; kuti mphanyi wajikuzga cha, mu zuŵa la suzgu.
Kunkhurukani pasi ndi kutamantha, mwa ŵanthu ŵaku Zioni, nge ndi munthukazi yo wabala; pakuti sono mukatuwanga mu msumba ndi kuja mu dondo; mukarutanga ku Babiloni. Kweniko mwamutaskika ndi kweniko Ambuya amkukuwomboni, mu janja la ŵarwani.
Viyo murwani wanguwakawonanga, ndipo soni zikonge yo wanguti kwaku ine, “Ŵepani Ambuya Chiuta wako?” Maso ghangu ghamudodoleskenge; sono wakandirizgikiyenge pasi nge ndi dongo lamu gurwi.
Mu zuŵa lo Ambuya avikiriyenge ŵakuja mu Yerusalemu, viyo kuti yo ngwakuvuka ukongwa mukati mwawo pa zuŵa lo waŵenge nge ndi Davidi, ndipo nyumba yaku Davidi yiŵenge nge ndi Chiuta, nge ndi mungelo wa Ambuya panthazi pawo.
Viyo Yesu wangurongoro so nawo, wakuti, “Ine ndine Kungweruka kwa charu: wakurondo ine kuti wakendanga mu mdima cha, kweni waŵenge ndi kungweruka kwa umoyo.”
kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’
Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.