Mika 7:6 - Tonga Bible 1986

⁶ pakuti mwana munthurumi wayuyuwa awiske, mwana munthukazi wayuyuwa anyina, mukumwana wayukiya apongozi ŵake; ŵarwani ŵa munthu mbanthu ŵa mu nyumba yake.

Mika 7:6 ပူးပေါင်းရင်းမြစ်များ

Chiyambo 49:4

Wambura bata ulaka ndi maji, kuti ukaŵanga ndi kuruska cha chifukwa unguruta ndi kukwere ku chita cha ausu viyo unguchikazuzga; iwe ungukwere pa chakurapo changu!

2 Samuele 16:11

Davidi wangunena ndi Abishai ndi ku ŵateŵeti ŵake wose, “Awonani, mwana wa mumoyo mwangu ndiyo wapenja umoyo wangu; ipo uli ukongwako muBenjamini uyu! Murekeni, watuki; pakuti ndimo Ambuya amunene.

Sumu 41:9

Nanga ndi mwanasi wangu wapa mtima mwaku mweniyo ndingugomekezga, yo wangurgha kurgha kwangu, nayu so wandisoske chitende chake.

Nthanthi 30:11

Ŵalipo ŵeniwo ŵatemba auskeu, ndi kuti ŵatumbika ŵanyinawo cha.

Nthanthi 30:17

Jiso lenilo liyeya awiske ndi kutukana kuvwiya anyina, likatondorekanga ndi ŵakaholi ŵamu dambo ndi kurghika ndi makuŵi.

Yesaya 3:5

Ndipo ŵakayuzgananga uyu ndi munyake, munthu yose pa munyake we yose pa mwenasi wake; ŵanyamata wakaŵanga ŵa mwanu ku ŵara, ndi ŵa pasi ku ŵanthu ŵakuzirwa.

Yesaya 9:19

Kutuliya mu ukari wa Ambuya wa maŵanja charu chitufya, ndipo ŵanthu ŵe uli ndi nkhuni za moto; palivi munthu yo wachitiya lisungu mwana munyake.

Yeremiya 12:6

Pakuti chingana mbana ŵanyinu ndi mphapu ya auskemwe iwo nawo ŵachita namwe kwakupusika, ŵaliya, kwakufikapo kuliriya imwe; mungavwananga nawo cha, chingana ŵangarongoro namwe mazu ghakunozga.”

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Yeremiya 9:4

We yose wacheŵe ndi mwanasi wake, wareke kugomezga mu mwana munyake; pakuti mbali yose wasere mu malo gha mwana munyake ndi uchenjezi, ndipo mwanasi we yose ndi mwenda nato.

Ezekiele 22:7

Mwaku iwe wiske ndi nyina ŵapepulika ukongwa; mlendo wakuja mukati mwako wakomwa ndi suzgu; muranda ndi choko mwaku iwe ŵanangika.

Obadiya 1:7

Ŵanthu wose wo ŵenga pa chimangu ndi iwe ŵakupusika, ŵakudikiskiya ku mphaka; wose wo ŵenga pa phangano nawe ŵakugoda; ŵabwezi ŵako ŵamagomekezgeka ŵakuthya msampha kusi kwako kuti iwe uziŵa ndi ichi cha.

Mateyu 10:21

Ndipo mbali wapachiyenge mbali ku nyifwa, ndi wiske mwana: ndipo ŵana ŵayukiyenge pa ŵapapi, ndi ŵaŵabayiskenge.

Mateyu 26:23

Kweni wakwamuka wanguti, “Wakubwenga pamoza nane janja lake mu mbali, ndiyo wandipachiyenge.

Luka 12:53

Agaukanenge, wiske pa mwana, ndi mwana pa wiske; nyina pa mwana munthukazi, ndi mwana munthukazi pa nyina; mpongozi pa mkumwana wake, ndi mkumwana pa mpongozi.”

Luka 21:16

Kweni mukombolekenge ndi ŵapapi nawo, ndi ŵabali, ndi vinini, ndi mabwezi; ndipo ŵabayengepo ŵanyake ŵaku imwe.

Yohane 13:18

Kuti ndinena imwe mose cha; ine ndiziŵa wo ndatondo: kweni kuti lifiskike lembo lo, ‘Wakurgha chiŵande pamoza nane wasoske paku ine chitende chake.’