Mika 7:5 - Tonga Bible 1986

⁵ Mungagomezganga muzengezgani winu cha, mungagomezganga mubwezi cha; rondani makhomo gha mlomo winu nanga nkhu muwoli wako yo wagona mu chifuŵa chako;

Mika 7:5 ပူးပေါင်းရင်းမြစ်များ

Sumu 141:3

Ambuya, ŵikani mlinda pa mlomo wangu, mlinda pa khomo la milomo yangu.

Sumu 38:14

Inya, ndi nge ndi munthu wambura kuvwa, yo mu mlomo wake mulivi vyakususka.

Sumu 41:9

Nanga ndi mwanasi wangu wapa mtima mwaku mweniyo ndingugomekezga, yo wangurgha kurgha kwangu, nayu so wandisoske chitende chake.

Yeremiya 9:3

Ŵapinda malilime ghawu uli ndi uta; mu charu mwazara ndi kupusika, uneneska cha, pakuti ŵarutiriya kutuwa pa uheni kuya pa uheni, ndipo kuti ŵatindiziŵa cha ine, atiti Ambuya.

Yeremiya 9:4

We yose wacheŵe ndi mwanasi wake, wareke kugomezga mu mwana munyake; pakuti mbali yose wasere mu malo gha mwana munyake ndi uchenjezi, ndipo mwanasi we yose ndi mwenda nato.

Chitenje 1:2

Uliya kwakuŵala ndi usiku, masozi pa matama ghake. Mu ŵakwanjiwa ŵake wose palivi nanga njumoza, waku wusangaruska; mabwezi ghake ghose ghaŵa ghakumutinkha, ghasanduka ŵamawongo ŵake.

Mateyu 10:16

“Awonani, ndikutumani imwe nge ndi mberere mukati mu zimphumphi. Viyo muŵe ŵachinjeru nge ndi zinjoka, ndi ŵakuzika nge ndi zinkhunda.

Ŵeruzgi 14:17

Wanguliya munthukazi paurongo pake mazuŵa ghankhonde ndi ghaŵi gha dghera; ndipo pa zuŵa la chinkhonde ndi chiŵi wangumunene, pakuti wangumugundizga ukongwa. Viyo munthukazi wanguŵanene ntharika yo ŵanthu ŵake.