Mika 7:3 - Tonga Bible 1986

³ Manja ghawo ghe paku chonchiheni, kuchichita ndi phamphu; ŵakaronga ndiŵeruzgi ŵapenja vinda, ndi munthu wakuziŵa wakamba khumbu liheni la mu mtima wake; viyo ŵatiuchita pamoza.

Mika 7:3 ပူးပေါင်းရင်းမြစ်များ

Nthanthi 16:30

Mweniyo wakupiya maso ghake warongoso vinthu vyakupuruska, mweniyo wasunama milomo yake wachitiska uheni.

Nthanthi 17:23

Munthu wa mphulupulu waronda vinda ndi mtima wose kutimbanizga nthowa za cheruzgu chirunji.

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

Yesaya 26:21

Pakuti ehe, Ambuya atuza kutuwa mu malo ghawo, kuzachilanga ŵakuja mu charu pa chifukwa cha kwananga kwawo, ndipo charu chazamvumbuwa ndopa zakudikiya paku cho, ndipo kuti chikabisanga so ŵakubayika ŵake cha.

Yesaya 3:5

Ndipo ŵakayuzgananga uyu ndi munyake, munthu yose pa munyake we yose pa mwenasi wake; ŵanyamata wakaŵanga ŵa mwanu ku ŵara, ndi ŵa pasi ku ŵanthu ŵakuzirwa.

Yesaya 32:7

Mauthyanithyani gha muthyanithyani nkhulakwa; watata vipangu vya utimbanizi, kubwanganduwa ŵasauchi ndi mazu gha utesi, chingana makani gha msokwa ghangarunjika.

Yesaya 5:23

wo ŵapozomoska ŵakulakwa chifukwa cha vinda, ndipo ŵatimuvinda wambura mlando, pa urunji wake!

Yeremiya 3:5

kumbi wakakalipanga muyaya? Kumbi wakakaranga mpaka ku umari?’ Ehe, imwe mwakamba kweni mwachita uheni wose weniwo munguziŵa kuchita.”

Yeremiya 4:22

“Pakuti ŵanthu ŵangu mbakupusa kuti ŵatindiziŵa cha; mbana ŵakupusa, ŵalivi kuwamo. Mbakuchenje mu kuchita uheni, kweni kuchita umampha kuti ŵaziŵa cha.”

Yeremiya 8:10

Chifukwa cho ndipaskenge kuŵanyake ŵawoli ŵawo, ndi minda yawo ku ŵakuŵathereska, chifukwa kwamba ku wakumariya kufika ku mura wakuruska we yose ndi msusi chifukwa cha chanduwu chakupusika; kutuwa ku mchimi kufika ku mzukuru, we yose wachita kwakupusika.

Ezekiele 22:12

Mwaku iwe ŵanthu ŵaronda vimbundi vya kudiskiya ndopa, uronde chanduwu ndi chakusazgiyapo upindula vya ŵanasi ŵako mwa nkhaza; ndipo wandiruwa ine, atiti Ambuya Chiuta.

Ezekiele 22:27

Mafumu ghawo mukati mwake ghayana ndi mphumphi zakuparuwa nyama, kudiska ndopa, kuparghang'a ma umoyo chifukwa chakupenja chanduwu chakupusika.

Ezekiele 22:6

“Awona, mafumu gha ŵaYisraele mukati mwako, yose kwakulingana ndi mazaza ghake, wakotamiya pa kudiska ndopa.

Ezekiele 34:21

Chifukwa mutizikanchizga ndi mbaghara ndi maphewa, ndi kugwaza zambura nthazi ndi masengwe ghinu, mpaka po mwaziparghang'iya kutali,

Ezekiele 9:9

Iyo wangunena nane, “Uheni wa nyumba yaku Yisraele ndi Yuda ngukuru ukongwa; charu chazaza ndopa, msumba wazaza ukazuzi, pakuti ŵatiti, ‘Ambuya achipata charu, ndipo Ambuya kuti alereska cha.’

Hoseya 4:18

Mpingu wa ŵaloŵevu, wajipereka ku maureŵi; ŵatanja kulengeskeka kwakuruska unkhankhu wawo.

Hoseya 7:3

Ŵakondweska karonga ndi mauheni ghawo, ndi ŵakondweska mafumu ndi uchenjezi wawo.

Amosi 5:12

Chifukwa ndiziŵa unandi wamaulakwi ghinu ndi ukuru wa mphuru-puru zinu; imwe musuzga ŵarunji, imwe muronde vinda, ndi kupatuska ŵakavu mu likomo.

Mika 2:8

Kweni uyukiya ŵanthu ŵangunge ndi murwani; utumuzuwa munjilira wakuzika ndiso wo ŵajumpha ndi chigomezgu, kwambura maghanaghano gha nkhondo.

Mika 3:11

Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”

Mika 3:2

Imwe mutinkha umampha ndi kwanja uheni, mwaŵenimwe muparuwa khungu la ŵanthu ŵangu, ndi kucheka nyama kutuwa ku viwanga vyawo;

Mateyu 26:15

Ndipo wanguŵafumba, “Mukandipaskanga chine, asani ndamukombole kwinu?” Ndipo iwo ŵangumwese vyasiliva machumi ghatatu.

1 ŴaKorinte 4:5

Viyo mungeruzgiyanga limu kanthu cha, yindaze nyengo, Ambuya ŵenga ŵandaze, ŵeniwo nawo ŵavumuwenge vibisibisi vya mdima, ndipo ŵawoneskenge pakweru vipangu vya mitima. Penipa ndipo likamuŵiyanga munthu we yose rumbu lake kutuliya kwaku Chiuta.