Mika 7:2 - Tonga Bible 1986

² Ŵarunji ŵakumara pa charu, ndipo palivi murunji mukati muŵanthu; wose ŵalindizga ndopa; ndipo yose wasaka mbali wake ndi ukondi.

Mika 7:2 ပူးပေါင်းရင်းမြစ်များ

Sumu 10:9

Wabisama ndi kukhazgha kuko nge ndi nkharumu mu malo ghake, wapenja ŵasauchi, kuŵakore mu chiŵana chake.

Sumu 12:1

Ambuya, wovyani, chifukwa sono kulivi nanga njumoza yo watimuwopani imwe; pakuti ŵakugomekezga ŵaparghang'ika mukati mu ŵana ŵa ŵanthu.

Sumu 12:2

Munthu yose wakamba utesi ku mwanasi wake; ndi milomo yauteremusi, ndi mtima wa paŵi ŵakamba.

Sumu 57:6

Wanguthyiya chirepami chapu yangu; mzimu wangu ungukotama pasi. Wangukumba zenje munthowa yangu, kweni iwo ŵeneko ndiwo ŵawamo.

Nthanthi 1:11

Asani watiti, “Zanga pamoza nafwe, tikakhazge kudiska ndopa, tikakhazgi ŵambura kafukwa,

Nthanthi 12:6

Mazu gha wa mphurupulu ghakhazga ndopa, kweni mlomo wa akunyoroka utaska ŵanthu.

Yesaya 3:5

Ndipo ŵakayuzgananga uyu ndi munyake, munthu yose pa munyake we yose pa mwenasi wake; ŵanyamata wakaŵanga ŵa mwanu ku ŵara, ndi ŵa pasi ku ŵanthu ŵakuzirwa.

Yesaya 57:1

Munthu murunji watufwa, ndipo palivi yo waphwereko mu mtima wake; ŵanthu ŵakusopa ŵatoreka, penipo palivi yo wawamo. Pakuti munthu murumji watorekako ku masoka,

Yesaya 59:7

Marundi ghawo ghachimbiriya ku uheni, ndipo watinthimikiya kukudira ndopa; maghanughanu ghawo ndi maghanughanu gha mphurupuru, uyiku ndi phasulu vye mu ŵagurwi ŵawo.

Yesaya 9:19

Kutuliya mu ukari wa Ambuya wa maŵanja charu chitufya, ndipo ŵanthu ŵe uli ndi nkhuni za moto; palivi munthu yo wachitiya lisungu mwana munyake.

Yeremiya 16:16

“Ehe, ndikadananga ŵarovi ŵa somba ŵanandi, atiti Ambuya, ndipo ŵakaŵakonga; pavuli ndikadananga ŵachiŵinda ŵanandi, ndipo ŵakaŵasakanga mu phiri lose ndi mtunthu wose ndimumalijengwajengwa gha majarawi.

Yeremiya 5:16

“Phodo lawo lenge ndi muunda wa mwazi, wose mbanthu ŵakulimba.

Yeremiya 5:26

Pakuti ŵanthu ŵaheni ŵawoneka mukati mu ŵanthu ŵangu; ŵabisama nge ngwakuthya nkhwali. Watuthya chiŵana; ŵatonja ŵanthurumi.

Yeremiya 8:6

Ine ndaphwere ndi kutegherezga, kweni kuti ŵakamba kwakurunjika cha; palivi munthu yo wang'anamuka ku uheni wake, kunena kuti, ‘Nchine cho ndachita?’ Munthu yose wawere ku nthowa yake, nge ndi kavalo wakuchimbiriya mu nkhondo.

Chitenje 4:18

Ŵanthu ŵangukhazga mendedu ghidu mwakuti tireke kwenda mu miseu yidu; umari widu ungundere pafupi; mazuŵa ghidu ghangukwana; pakuti umari widu unguza.

Ezekiele 22:12

Mwaku iwe ŵanthu ŵaronda vimbundi vya kudiskiya ndopa, uronde chanduwu ndi chakusazgiyapo upindula vya ŵanasi ŵako mwa nkhaza; ndipo wandiruwa ine, atiti Ambuya Chiuta.

Ezekiele 24:6

“Chifukwa cho atiti Ambuya Chiuta: Soka lo msumba wa ndopa, ku mumphika wo wachita uloso, weniwo uloso wake kuti waturiya kubwalo cha! Tuzganimo thuŵi ndi thuŵi, kwambura kusankha cha.

Hoseya 5:1

Vwani ichi, mwa ŵazukuru! Vwiyani, mwa ŵanyumba yaku Yisraele! Vwiyani, mwa ŵanyumba ya karonga! Chifukwa cheruzgu nchinu; pakuti mwenga chiŵana pa Mizipa, ndi ukonde wakupong'eka pa Taboro.

Hoseya 6:9

Nge ndimo ŵankhungu ŵakhazgiya munthu, ndimo so ŵazukuru nawo wawungirana pamoza; ŵabaya mu nthowa yakurata ku Shekemu, inya ŵarutiriya kuchita uheni.

Mika 2:8

Kweni uyukiya ŵanthu ŵangunge ndi murwani; utumuzuwa munjilira wakuzika ndiso wo ŵajumpha ndi chigomezgu, kwambura maghanaghano gha nkhondo.

Mika 3:10

Imwe muzenga Zioni ndi ndopa, ndi Yerusalemu ndi ubudi.

Mika 3:2

Imwe mutinkha umampha ndi kwanja uheni, mwaŵenimwe muparuwa khungu la ŵanthu ŵangu, ndi kucheka nyama kutuwa ku viwanga vyawo;

Zekariya 11:6

Ndipo ŵaliska ŵawo kuti ŵe nazo ndi chitima cha. Ndipo nane ndirekenge kuŵa ndi chitima ndiwo ŵaja mu charu ichi, atiti Ambuya. Nadi ndiperekenge munthu yose mu janja la mliska wake, ndipo yose mu janja la karonga wake; ndipo ŵaphwanyenge charu, ndipo kuti nditaskenge nanga njumoza cha mu janja lawo.”

Machitidu gha Ŵakutumika 24:9

Ndipo ŵaYuda nawo ŵangusanganapo, ndi kukokomezgapo kuti vyenivyo vyenga viyo.

1 Samuele 24:11

Awonani ada, wonani mkono wa khanju linu mu janja langu; pakuti ndadumuwako mkano ku khanju linu, kweni kumbayani cha, mtenere kuziŵa ndi kuwona kuti mu manja ghangu mulivi kaheni chingana nkwananga. Palivi cho ndamunangiyani, chingana imwe mupenja umoyo wangu kuwuto.

1 Samuele 26:20

Viyo ndopa zangu zireke kudika pasi, patali ndi chisku cha Ambuya; pakuti karonga waku Yisraele wazakuno kupenja umoyo wangu, nge ndimo chiŵinda chisakiya nkhwali mu mapiri.”