Mika 7:18 - Tonga Bible 1986

¹⁸ Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Mika 7:18 ပူးပေါင်းရင်းမြစ်များ

Chiyambo 4:7

Asani uchita umampha, kumbi kuti ukalondelekanga cha? Ndipo asani ureka kuchita umampha, uheni ukhazga pa khomo; ukhumba iwe, kweni iwe uwutufuliye.”

1 ŴaKaronga 8:23

ndi wanguti, “Ambuya mwe, Chiuta waku Yisraele, kulivi Chiuta wakukozgana ndi imwe, kuchanya ko pamwenga pasi pa charu wakusunga phanganu ndi kurongo chifundu ku ŵaŵanda ŵinu wo ŵatenda paurongo pinu ndi mtima wawu wose,

2 Mikoka 30:9

Chifukwa asani mu were ku Ambuya, ŵabali ŵinu, ndi ŵana ŵinu ŵasaniyenge lisungu kwaku wo ŵakuŵako umkoli, ndi ŵakaweriyanga ku charu ichi. Chifukwa Ambuya Chiuta winu ngwalisungu ndi ngwaulemu, ndipo kuti wakang'anamuliyanga chisku chake kunyake kutuwako kwaku imwe cha, asani imwe muwere.”

2 Mikoka 6:21

Vwani kuŵeyere kwaku ndamteŵeti winu, ndi kwa ŵanthu ŵinu ŵaYisraele ŵachiromba mu malo yagha; inya vwaninga imwe muchiŵa mu malo ghinu ghakujamo kuchanya, ndipo muchivwa gowokiyani.

Nehemiya 9:17

ŵangukana kuvwiya, ndipo kuti ŵangughanaghanako cha vya minthondwi vyo munguchita mwawo; kweni ŵangungangamiska khosi lawo ndi ŵangumika murongozgi kuti ŵaweriyenge ku uŵanda wawo mu Egipiti. Kweni imwe mwe Chiuta yo we muchanya kale kugowoke, wa wezi ndi walisungu, mwambura kukala ruŵi ndi wakuzala chifundu, ndipo kuti munguŵajowo cha.

Sumu 103:13

Nge ndimo liliri lisungu la wiske pa ŵana ŵake, ndimo Ambuya achitiya lisungu pa ŵakuŵawopa.

Sumu 130:4

Kweni mutitigowoke, alinga kuti timopeni imwe.

Sumu 35:10

Viwanga vyangu vyose vikatinge, “A! Ambuya, njani wakuyana ndi imwe, ndimwe mutaska wambura nthazi kwaku yo ngwanthazi zakuruska iyo, wakutomboroka ndi msauchi kwaku mweniyo watimuskoŵa?”

Sumu 65:3

pa chifukwa cha mauheni ghawo, vyakulakwa vidu vyatipunda kweni imwe mugowoke.

Sumu 65:4

Ŵakukondwa mbeniwo imwe musankha, wo mutiŵajarika mumalo ghinu ghakupaturika! Tikakhorwanga ndi vyamampha vya mu nyumba yinu, vitumbiku vya mu nyumba yinu yakupaturika!

Sumu 71:19

Urunji winu, Chiuta ufika ku mitambo. Vyo mwachita, mwachita vikuru ukongwa; kulivi nanga njumoza wakuyana namwe!

Sumu 86:15

Kweni imwe, Ambuya, mwe Chiuta walisungu ndi wakwanja, wachizita ku ukari, nyengo yose waulemu ndi ukongorekwa.

Sumu 86:5

Pakuti mwe amampha, Ambuya, ndi akugowoke; mwaŵakuzara chanju chakufikapo kwaku wose wo ŵadana kwaku imwe.

Sumu 89:6

Kuchanya kulivi wakuyana ndi imwe, Ambuya; kulivi nanga njumoza mu ŵachita wakulingana namwe,

Sumu 89:8

Ambuya Chiuta wa maŵanja, njani wendi mazaza nge ndigho mwenagho imwe, Ambuya? Mwe ŵamagomekezgeka mu vinthu vyose, A Chiuta.

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

Chituwa 34:9

Ndipo wanguti, “Asani sono ndasaniya wezi mu maso ghinu Ambuya mwe, iku nditukupemphani Ambuya, muŵe mukati mwidu, chingana te ŵanthu ŵa mtima unonono; ndi mugowoke ulakwi widu, ndipo mutito kuŵa ŵanthu ŵinu.”

Yesaya 1:18

“Zaninga sono, tipaskane fundo,” atiti Ambuya: “Chingana uheni winu ungaŵa waku chesama, ukaŵanga utuŵa nge ndi nyankhuŵinda, chingana ungaŵa wakuti jee ngendi nkhama, ukasandukanga nge ndi weya wa mberere.

Yesaya 33:24

Ndipo pakaŵangavi wakujamo mu muzi wo yo wakakambanga kuti, “Ndatama”; ŵanthu ŵakuja mwenimuwa ŵakagowokerekiyanga mauheni ghawo.

Yesaya 38:17

Ehe nchifukwa chaku ndamweni ndinguŵa ndi urwirwi ukuru; kweni imwe mwawezgako umoyo wangu ku zenje la pharghaniko, pakuti mwapong'a uheni wangu wose kuvuli ku msana winu.

Yesaya 40:18

Na nkhwakuyani ko mumuyaniskenge Chiuta, pamwenga nchikozgu nichi chakumuyaniskiyapo?

Yesaya 40:25

Na sono mundiyaniskenge ndi yani, kuti ndikozgani nayo? watiti Mtuŵa Yumoza yo.

Yesaya 43:25

“Ine, Ndine Iyo mweniyo wasisita mautimbanizi ghinu chifukwa cha zina langu, ndipo kuti ndikakumbukanga mauheni ghinu cha.

Yesaya 44:22

Ndapeya mautimbanizi ghako uli ndi mtambo, ndi uheni wako uli ndi munkhorwe; were kwaku ine, pakuti ndakuwombo.

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Yesaya 57:10

Munguvuka ndi utali wa nthowa yinu, kweni mwengavi kukamba, kuti, “Palivi gomezgu”; nthazi yinu munguyisaniliya umoyo ufya, chifukwa cho kuti mungulakatuka cha.

Yesaya 57:16

Pakuti kuti ndikakwiyanga Muyaya cha, chingana nkhuti ndikakaripanga nyengo zose cha; pakuti kwangu ndiku kutuwa mzimu wo, ndipo ndine ndikulenga mvuchi waumoyo.

Yesaya 62:5

Pakuti mo munyamata watole mwali, viyo ŵana ŵinu ŵakatonga imwe, nge ndimo mweninthengwa wakondwe pa mwali yo wato, viyo so ndimu Chiuta wakondwere paku imwe.

Yesaya 64:9

Mungakaripanga kwakurutilizga, Ambuya mwe; ndipo rekani kukumbuka kulakwa muyaya. Ehe, ghanaghanani, ifwe tose te ŵanthu ŵinu.

Yesaya 65:19

Ndikakondwanga mu Yerusalemu ndikasekerenga mu ŵanthu ŵangu; chiwawa cha kuliya kuti chikavwikanga so cha mwaku iyo ndi kuliya kwa masuzgu.

Yeremiya 3:12

Ruta, ukarati maso ku nkhonde, ukamemeze mazu yagha kuti, ‘Weko Yisraele wambura magomekezgeka, atiti Ambuya. Kuti ndikakulereskanga mu ukari cha, pakuti nde wa lisungu, atiti Ambuya; kuti ndikakalipanga muyaya cha.

Yeremiya 3:5

kumbi wakakalipanga muyaya? Kumbi wakakaranga mpaka ku umari?’ Ehe, imwe mwakamba kweni mwachita uheni wose weniwo munguziŵa kuchita.”

Yeremiya 31:20

Kumbi Efraimu ndi mwana wangu wakwanjiwa? Kumbi ndi mwana wangu wapa mtima? Pakuti chingana ndingamukaripiya, nditumukumbuka mbwenu. Chifukwa cho mtima wangu uyereyeta nayo; kwakuneneska ndikamuchitiyanga lisungu, atiti Ambuya.

Yeremiya 31:34

Ndipo munthu kuti warunguchizgenge so mwanasi wake nanga ndi mwana munyake cha kuti, ‘Ziŵa Ambuya,’ pakuti wose ŵakandiziŵanga, kutuwa ku mumana mpaka ku mura, atiti Ambuya; pakuti ndikagowokiyanga mautimbanizi ghawo, ndipo uheni wawo kuti ndikawukumbukanga so cha.”

Yeremiya 32:41

Ndikakondwerenga mu kuŵachitiya umampha iwo, ndipo ndikaŵapandanga mu charu ichi, ndi mtima wangu wose ndi mzimu wangu wose.

Yeremiya 33:8

Ndikaŵasukanga ku mlando wa uheni wawo wose wa paku ine, ndipo ndikagowoliyanga uheni wose wa kugarukiya ine.

Yeremiya 38:8

Ebedimeleke wanguruta kutuwa mu nyumba ya karonga ndi wanguti ku karonga.

Yeremiya 50:20

Mu mazuŵa gho ndi mu nyengo yiya, atiti Ambuya, utimbanizi waku Yisraele ukapenjekanga, ndipo kuti ukaŵangapo cha nanga ngumoza; uheni mwaku Yuda, kuti ukasanirikanga cha nanga ngumoza; pakuti ndikagowokiyanga wo ndikasiyanga kuŵa ŵakujapo.

Yeremiya 9:24

kweni yo watumbwa watumbwiye mwaku ichi, chakuti wawamo ndi watindiziŵa ine, kuti ndine Ambuya akuchita chifundu, cheruzgu ndi urunji mu charu, pakuti mu vinthu ivi ndimu ine ndikondwere, atiti Ambuya.”

Ezekiele 18:23

Kumbi ndenalo likondwa pa nyifwa ya muheni, atiti Ambuya Chiuta, asi chakuruska nchakuti wang'anamukeko ku nthowa yake waŵe ndi umoyo?

Ezekiele 33:11

Uŵanene kuti. Mo ndiliri wamoyo, atiti Ambuya Chiuta, ndilivi likondwa mu nyifwa ya muheni, kweni kuti muheni waweko ku nthowa yake, waŵe ndi umoyo; weniko, weniko ku nthowa zinu ziheni; kumbi mufwiyengenji, mwa ŵa nyumba yaku Yisraele?

Ezekiele 33:16

Palivi nanga ngumoza wa mauheni gho wakuchita ghakakumbukikanga paku iyo; wachita cho nchakwenere ndi chakurunjika, nadi wakaŵanga ndi umoyo.

Danyele 9:9

Ku Ambuya Chiuta widu, kwe lisungu ndi chigowoke; chifukwa tamunangiya,

Hoseya 14:2

Uwere kwa Ambuya, uze ndi mazu ukambe kwaku iwo ghakuti; “Mutuzgeko ubendezi wose; muzomerezge cho nchamampha, ndipo tiperekenge vipasi vya milomo yidu.

Hoseya 14:5

Ndiŵenge nge ndi dungwi kwaku Yisraele, wakaŵanga ndi maluŵa nge ndi lombo; ndi kuthaza misisi yake nge ndi mukongwe.

Yoele 2:32

Ndipo kuŵenge kuti, yose yo wadanenge pa zina laku Chiuta wataskikenge; chifukwa mu phiri Zioni ndi mu Yerusalemu ŵakaŵangamo wo ŵapozomokenge, nge ndimo Ambuya anene; ndipo mwaku wo ŵajako ndi umoyo, muŵenge wo Ambuya atuŵandana.

Amosi 1:11

Viyo atiti Ambuya: “Chifukwa cha maulakwi ghatatu gha Edomu, ndi wachinayi, kuti nkhawezganga kulangika kwake cha; chifukwa wangudikiska mbali wake ndi lipanga, ndi kutaya lisungu lose, ukari wake unguparuwa kwambura kulekezga, ndi wangusunga ukari wake muyaya.

Amosi 7:8

Ndipo Ambuya anguti kwaku ine, “Amosi, uwonanji?” Ndingwamuka kuti, “Chingwe chakunyoloske-wima.” Viyo Ambuya anguti, “Awona ndiŵika chingwe chakunyoloske-wima mukati mu ŵanthu ŵangu ŵa Yisraele; kuti ndiŵajumphenge so cha;

Amosi 8:2

ndipo wanguti, “Amosi, uwonanji?” Ndipo ndinguti, “Sokora ya vipasi vya chihanya.” Viyo Ambuya anguti kwaku ine, “Umari wafika pa ŵanthu ŵangu ŵa Yisraele; kuti ndiŵajumphenge so cha.

Yona 4:2

Ndipo wanguromba ku Ambuya ndi wanguti, “Ndimurombani, Ambuya, ndatinge uku ndiko kunguŵa kukamba kwangu, penipo ndenga ndeche mu charu changu? Pa chifukwa cho ndinguthaŵiya ku Tarshishi; chifukwa ndinguziŵa kuti ndimwe Chiuta walisungu, ndi wawezi, wachizita kukalipa, ndipo wakuzala chanju, ndi wakugowoke uheni.

Mika 2:12

Nkhamuwunjikaninga mose, A! Yakobe, nkhawunjikanga ŵakujako ŵaYisraele; ndiŵaŵikenge pamoza nge ndi mberere mu khola, nge ndimberere mu uliska wake, mpingu wa ŵanthu ŵa chiwawa.

Mika 4:7

ŵakupunduka ndiŵachitenge kuŵa ŵakujako; ndi ŵakudikiskika kuŵa mtundu wanthazi. Ndipo Ambuya akaŵausanga mu phiri la Zioni kutuwa sono mpaka muyaya.

Mika 5:3

Viyo wakaŵajowonga mpaka yize nyengu kuti yo we pafupi kubara wabare; penipo ndipo ŵakujako ŵa ŵabali ŵake ŵakawerenga ku ŵanthu ŵaku Yisraele.

Mika 7:14

Liskani ŵanthu ŵinu ndi ndodo yinu, mskambu winu wo mwasankha wo uja mu lisuwa mukati mu charu cha minda; muwuleke ukarghenge mu Bashani ndi mu Gileada nge ndi mu mazuŵa gha kali.

Zefaniya 3:17

Ambuya Chiuta wako, we mukati mwako, wanthazi yo wapaska upundi. Wakondwenge paku iwo ndi chimwemwe, wakusanduskenge mufya mu chanju chake.

Maŵerengedu 23:21

Walivi kusaniyamo kaheni mwaku Yakobe: nanga nkhuwonamo suzgu mwaku Yisraele. Ambuya Chiuta wawo we pamoza nawo, ndipo kubangula kwa karonga kwe mukati mwawo.

Luka 15:32

Kweni kungwenere kukondwere ndi kumwemwete: pakuti uyu mhurwa wako wenga wakufwa, ndipo wawere mu umoyo; wenga wakutayika, ndipo wabowozgeka.’ ”

Luka 24:47

ndi kuti ching'anamuka ndi chireke cha vilakwa vimemezeke mu zina lake ku mitundu yose, kwanda ku Yerusalemu.

ŴaRoma 11:4

Kweni lititinji kwaku iyo yankhulaku Chiuta? “Ndajisungiya ŵanthurumi vikwi vinkhonde ndi viŵi, ŵeniwo ŵalive kungwadiya Bala.”

Marangu 33:26

“Palivi nanga njumoza yo we uli ndi Chiuta, Jeshuruni we, mweniyo wasika mu machanya kuzachovya iwe, ndi mu uchiyembwe wake waziya mumdengwendi.

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

Ŵeruzgi 10:16

Viyo ŵangutuzgamo ŵachiuta ŵachilendo mukati mwawo ndi ŵangutataliya Ambuya; ndipo iwo angukaripa pa masuzgu ghaku Yisraele.