Mika 7:14 - Tonga Bible 1986

¹⁴ Liskani ŵanthu ŵinu ndi ndodo yinu, mskambu winu wo mwasankha wo uja mu lisuwa mukati mu charu cha minda; muwuleke ukarghenge mu Bashani ndi mu Gileada nge ndi mu mazuŵa gha kali.

Mika 7:14 ပူးပေါင်းရင်းမြစ်များ

Sumu 100:3

Ziŵani kuti Ambuya ndiyo Chiuta! Ndiyo wangutata ndipo ifwe te ŵake; te khamu lake, ndi mberere za uliska wake.

Sumu 143:5

Ndikumbuka mazuŵa gha mwaka; ndirunguruka ndi vyose vyo mukuchita, nditaskavya nchitu za manja ghinu.

Sumu 28:9

Taskani ŵanthu ŵinu, ndi ŵatumbikeni wo mbakumwaŵeni, muŵe imwe mliska wawo, ndipo muŵanyamuwe muyaya.

Sumu 95:7

Ndipo ifwe te khamu la uliska wake, ndi mberere za janja lake. Msana wale tegherezgani ku mazu ghake:

Chituwa 33:16

Pakuti kukaziŵikanga uli kuti ine ndasaniya wezi mu maso ghinu, ine ndi ŵanthu ŵinu? Si nchifukwa chakuruta nafwe pamoza imwe, kuti tiziŵikadi, ine ndi ŵanthu ŵinu, kuti tipambana nawo ŵanthu wose ŵanyake wo ŵe pa charu chapasi?”

Sumu ya Zisumu 4:1

Ehe, ndiwe wakutowa, chanju changu, awona, ndiwe wakutowa. Maso ghako ghenge nga nkhunda, musina mwa chivwinkhu chako. Sisi lako lenge ndi muskambu wa mbuzi, wakusika pa vinkhwawu vya Gileada.

Yesaya 27:13

Ndipo mu zuŵa liya mbata yikuru yikambikanga, sono wo ŵangusoŵe mu charu cha Asiriya ndi wo wangudikiskikiya ku charu cha Egipiti wakazanga ndi kusopa Ambuya pa phiri lakupaturika mu Yerusalemu.

Yesaya 35:2

likachitanga maluŵa ghakupasiya; uli ndi hanyezi likachitanga maluŵa ghanandi. Kusangaruka ndi likondwa ndi kumba, unkhankhu wa Lebanoni ukapaskikanga kwaku lo, kuziza kwa Karmele ndi Sharoni. Ŵakawonanga unkhankhu wa Ambuya, kuziza kwaku Chiuta widu.

Yesaya 37:24

Mu ŵateŵeti wako wayeyiyamo Ambuya, ndipo wanena kuti, Ndi magareta ghangu ghanandi ndakwera pachanya pa mapiri, ku malo gha kutali gha Lebanoni. Ndingudumuliya pasi milanji yake yitali ukongwa, ndi miti yake yinyake yakunozga; ndinguza ku songo yake yakuruska zose mu utali, lisuwa lake lakukho miti kwakuruska.

Yesaya 40:11

Wakaliskanga muskambu wake nge ndi mliska, wakuwunjikanga twana mberere mu manja ghake wakutunyamuwanga pa chifukwa chake, ndipo wenguwengu wakarongozganga zo zendi ŵana.

Yesaya 49:10

kuti ŵakavwanga nja chingana ndi nyota cha, mphepo yakocha pamwenga lumwi kuti vikaŵapwetakanga cha, pakuti yo wendi chitima paku iwo wakaŵarongozganga, ndipo mu visima vya maji wakaŵarongozganga.

Yesaya 65:10

Sharoni wakasandukanga uliska wa miskambo, ndi chinkhwau cha Akoro malo gha kugonamo miskambo ya ŵanthu ŵangu wo ŵatindipenja.

Yeremiya 49:31

“Sokani, kaninga pa mtundu wo mgwakufwasa wo uja kwambura mantha, atiti Ambuya, wo ulivi malikomo pamwenga mipiringizgu, wo uja paku wija.

Chitenje 1:7

Yerusalemu wakumbuka mu mazuŵa gha suzgu yake, ndi kuŵaŵa, vinthu vyose vyakuzirwa vyenivyo vyenga vyake kutuwa ku mazuŵa ghamwaka. Penipo ŵanthu ŵake ŵanguwa mu manja gha ŵarwani, ndipo pengavi nanga njumoza kumovya, ŵarwani ŵangukondwere pake, ŵanguseka pakubwanganduka kwake.

Chitenje 5:21

Tiwezgiyeni kwaku mwaŵeni Ambuya, alinga kuti tiwezgeke! Nozgani so mazuŵa ghidu nge ndimo ghanguŵiya kale!

Ezekiele 36:11

ndipo ndikandaniskanga paku imwe munthu ndi chakuŵeta; vyandanenge ndi kupapana; ndikamuzenganinga nge ndi munyengo zinu za kali, ndimuchitiyeninga umampha ukongwa kuruska pakudanga. Penipo ndipo mukaziŵanga kuti Ine ndine Ambuya.

ŴaLevi 27:32

Ndipo cha chichumi chose cha miskambu ndi viŵetu, nyama yose yachichumi yo yiwezgeka ndi ndodo ya mliska, yikaŵanga yakupaturida ku Ambuya.

Amosi 9:11

“Mu zuŵa lo ndamuyuska msasa waku Davidi wo ukuwa ndi kulongoso madangazi ghake; ndi kuyuska vyakubwanganduka vyake, kuwuzenga so nge ndi mu mazuŵa ghakali;

Obadiya 1:19

Ndipo ŵaku Negebe ŵakarondanga phiri laku Esau, ndi wo ŵaku Shefela charu cha ŵaFilisti, ŵakarondanga charu chaku Efraimu ndi charu chaku Samaria, ndi Benjamini wakarondanga Gileada.

Mika 5:4

Ndipo wakamanga ndi kuliska mskambu wake, ndi nthazi za Ambuya, ndi kuzirwa kwa zina la Ambuya Chiuta wake. Ndipo ŵakajanga mu kufwasa chifukwa iyo wakaŵanga mukuru mpaka ku vigoti vya charu chapasi.

Zefaniya 3:13

Ŵakujako mu Yisraele; kuti ŵachitenge kanthu kaheni cha, pamwenga kukamba utesi, chingana ndi mu mlomo mwawo kuti lisanirikengemo lilime la utesi cha. Chifukwa ŵarghenge ndi kugona pasi, ndipo pakaŵangavi wakuŵawofya.”

Zekariya 10:10

Ndizenge nawo ku muzi kutuwa ku charu cha Egipiti ndi kuŵawunjika kutuwa ku Asiriya, ndizenge nawo mu charu cha Gileada ndi Lebanoni, mpaka malo ghaŵaŵiye ghamana.

Zekariya 11:7

Viyo ndinguŵa mliska wa mskambu wo wamubayikiya wo ŵagulananga mberere. Ndipo ndingujitore ndodo ziŵi; yimoza ndinguyidana Wezi, yinyake Kurungana. Ndipo ndaliskanga mberere.

Malaki 3:4

Viyo mpasku waku Yuda ndi Yerusalemu ukakondweskanga Ambuya nge ndi mu mazuŵa ghakali ndimu virimika vyakudanga.

Maŵerengedu 23:9

Pakuti ndichija pachanya pa mapiri nditumuwona, pakuja pa mitunthu nditumulereska; ehe, mbanthu ŵakuja pakuŵija, ndipo kuti ŵaŵerengeke pamoza ndi mitundu cha!

Maŵerengedu 32:1

Sono ŵina Rubene ndi ŵina Gadi ŵanguŵa ndi vyakuweta vinandi ukongwa; ndipo ŵanguwona kuti charu cha Jazere ndi cha Gileada, vyenga vyaru vya vyakuŵeta.

Maŵerengedu 32:4

charu cho Ambuya anguthereska paurongo pa khamu la ŵaYisraele, ncharu cha vyakuŵeta; ndipo taŵateŵeti ŵinu tendi viŵeto.”

Mateyu 2:6

‘Ndipo iwe Betelehemu, mu charu chaku Yuda, kuti ndiwe mumana limu kose cha mu ŵarongozgi ŵaku Yuda; chifukwa mwaku iwe mutuliyenge chirongozgi, mweniyo wakawusanga khamu langu Yisraele.’ ”

Yohane 17:16

Kuti mba charu cha, uli ndimo ine kuti ndiriri wa charu cha.

Marangu 33:28

Viyo Yisraele wanguja mu chimangu, chisima chaku Yakobe yija, mu charu cha chakurgha ndi vinyo, inya, machanya ghake ghanthona dungwi.