Mika 7:12 - Tonga Bible 1986

¹² Mu zuŵa liya wakazanga kwaku iwe, kutuwa ku Asiriya mpaka ku Egipiti, ndi kutuwa ku Egipiti kufika ku Msinji, kutuwa ku nyanja mpaka ku nyanja, kutuwa ku phiri mpaka ku phiri linyake;

Mika 7:12 ပူးပေါင်းရင်းမြစ်များ

Yesaya 11:11

Mu zuŵa liya Ambuya akarutirizganga mbwenu janja lawo nyengo yachiŵi, kusaniya wakujapo wa ŵanthu ŵawo, kutuwa ku Asiriya, ku Egipiti, ku Patrosi, ku Etiopia, ku Elami, ku Shinari, ku Hamati, ndi ku vyaru vya mu likumba la nyanja.

Yesaya 11:16

Ndipo kukaŵanga gurwi kutuliya ku Asiriya chifukwa cha ŵanthu ŵakujapo wo ŵasiyika, uli ndimo wanguŵiya pa ŵaYisraele wachikwera kutuwa mu charu cha Egipiti.

Yesaya 43:6

Ndikakambiyanga nkhonde, ‘Pereka,’ ndi ku malaŵi, ‘Ungakaniliyanga cha;’ wawezge ŵana ŵangu ŵanthurumi kutuwa kutali ndi ŵana ŵangu ŵanthukazi kutuwa kuchigoti cha charu chapasi,

Yesaya 49:12

Inya, yaŵa ŵakatuwanga kutali, inya, yaŵa ŵakutuwa ku nkhonde ndi kuzambwe, ndi yaŵa kutuwa ku charu cha Siyene.”

Yeremiya 23:3

Pavuli ndikaunjikanga ŵakujapo ŵa mskambu wangu kutuwa ku vyaru vyose kweniko ndinguŵadikiskiya, sono ndikaŵawezgiyanga ku khora lawo, ndipo ŵakaŵanga ŵakupapana ndi ŵakwandana.

Yeremiya 3:18

Mu mazuŵa gho nyumba yaku Yuda yikaŵanga pamoza ndi nyumba yaku Yisraele, ndipo wose pamoza ŵakatuwanga ku charu chaku nkhonde kuza ku charu chenicho ndingupaska auskemwe kuchihara.

Yeremiya 31:8

Ehe ndikazanga nawo kutuwa ku charu cha ku nkhonde, ndi kuŵaunjika kutuwa kutali ku umari wa charu chapasi, mukati mwawo mwe wachiburumutiya, ndiwakupunduka, munthukazi wakuŵa ndi nthumbo ndi yo ŵemu urwirwi wakupapa, wose pamoza; mpingu ukuru, ŵakawerenga kuno.

Yeremiya 46:27

“Kweni reka kopa, Yakobe we, wa mteŵeti wangu, chingana nkhufipa mtima, owe Yisraele, pakuti awona, ndikakutaskanga kutuliya kutali, ndi mphapu yako ku charu cha uŵanda wawo. Yakobe wakawenga ndipo wakaŵanga wachimangu ndi wakuyuyuka, ndipo paurengevi yumoza wakumofya.

Ezekiele 29:21

“Pa zuŵa leniliya nkhaŵikanga mazaza ghatumphuke mu fuku laku Yisraele, ndipo ndikajuranga milomo yako mukati mwawo. Penipo ndipo ŵakaziŵanga kuti ine ndine Ambuya.”

Ezekiele 37:21

uŵanene kuti, Viyo atiti Ambuya Chiuta: Ehe, ndikawezganga, ŵaYisraele kutuwa mu mitundu yose mo ŵakuya, ndikaŵawunjikanga kutuwa uku ndi uku, ndikaŵaserezganga mu charu chawo;

Hoseya 11:11

Wakazanga ŵakutenthema nge nthuyuni twakutuwa ku Egipiti, nge ndi nkhunda zakutuwa ku Asiriya, ndipo nkhaŵawezgiyanga ku mizi yawo, atiti Ambuya.