Mika 6:4 - Tonga Bible 1986

⁴ Pakuti ndamutuzgani mu charu cha Egipiti, ndi kumuwomboni mu nyumba ya uŵanda; ndipo ndingukutumiyani panthazi pinu Mosese, Aroni ndi Miriamu ŵarongozge.

Mika 6:4 ပူးပေါင်းရင်းမြစ်များ

2 Samuele 7:23

Ndi mtundu nuwu unyake pa charu chapasi wo uyana ndi khamu linu Yisraele, ŵeniwo Chiuta wanguruta kwachiŵawombo kuti ŵaŵe wanthu ŵake, kujichitiya mweneko zinandi kuŵachitiya vinthu vikuru ndi vyakofya pa kudikiskiya kubwalo mutundu ndi ŵachiuta ŵake paurongo pa ŵanthu ŵake?

Sumu 77:20

Mungurongozga ŵanthu ŵinu nge ndi muskambu, ndipo Mosese ndi Aroni ndiwo ŵenga ŵakuŵatufuliya.

Chituwa 12:51

Ndipo mu zuŵa leniliya Ambuya angutuzga ŵaYisraele mu charu cha Egipiti mu maŵanja ghawo.

Chituwa 20:2

“Ine ndine Ambuya Chiuta wako, mweniyo wangukutuzga mu charu cha Egipiti kutuwa mu nyumba ya uŵanda.

Chituwa 3:10

Zanga ndikakutumanga kwaku Farao kuti ukatuzge ŵanthu ŵangu, ŵana ŵaku Yisraele, mu charu cha Egipiti.”

Chituwa 4:10

Kweni Mosese wanguti ku Ambuya, “Owe Ambuya, ine kuti nde salala cha pakukamba kwamba kale; pamwenga po mwambiya kukamba kwaku ine, muŵanda winu; kweni kukamba chizitu-zitu ndi lilime nalo ndizitu.”

Chituwa 4:16

Iyo wamukukukambiya ku ŵanthu, ndipo wakaŵanga mlomo wako, ndipo iwe ukaŵanga nge ndi Chiuta kwaku iyo.

Chituwa 6:27

Ŵenga iwo ŵeniwo ŵangukamba kwaku Farao karonga wa Egipiti makani ghakutuzga mtundu wa ŵaYisraele ku Egipiti, Mosese mwenuyu ndi Aroni mwenuyu.

Yeremiya 32:21

Mungutuzga ŵanthu ŵinu ŵaYisraele mu charu cha Egipiti ndi visimikizgu ndi vyakuziziswa, mungutambaruwa janja la nthazi, ndi kofyeska ŵanthu ukongwa;

Amosi 2:10

Ndipo so ndingumutuzgani mucharu cha Egipiti, ndipo ndingumurongozgani kwa virimika machumi ghanayi (40) mu bozwa, kwazachironda charu cha Amori.

Maŵerengedu 12:1

Ndipo Miriamu ndi Aroni ŵangurongoro kumikana ndi Mosese chifukwa cha muwoli wake, pakuti wanguto munthukazi mu Etiopia.

Maŵerengedu 33:1

Yagha ndi maulendo gha ŵa Yisraele, ŵachituwa mu charu cha Egipiti mu mafuku ghawo pasi pa urongozgi waku Mosese ndi Aroni.

Machitidu gha Ŵakutumika 7:36

Ndiyo wanguŵatuzgamo, wati wachita virwita ndi visimikizgu mu charu cha Egipiti ndi mu Nyanja Yiyera, ndimu bozwa lo virimika machumi ghanayi (40).

Marangu 15:15

Mukakumbukanga kuti mwenga ŵaŵanda mu charu cha Egipiti, ndipo Ambuya Chiuta winu wangumuwomboni, viyo ndimulanguliyani dangu ili zuŵa ili.

Marangu 24:18

kweni mukakumbukanga kuti imwe mwenga ŵaŵanda mu Egipiti, ndipo Ambuya Chiuta winu wangukuwomboni kutuwamo muwa, mwaku cho nditumulanguliyani kuchita ichi.

Marangu 4:20

Kweni Ambuya amutoni ndi kumutuzgani, mu Egipiti, nge ndi mu ng'anjo ya chisulo kuti muŵe ŵanthu ŵapa mtima wake mo mulili zuŵa ili.

Marangu 4:34

Paŵavi chiuta nanga njumoza yo wesapo kuruta ndi kwachijitore mtundu wa ŵanthu mukati mu mtundu wa ŵanthu ŵanyake, ndi kuŵasosomo ndi visimikizgu ndi vyakuziziswa, ndi nkhondo, ndi janja la nthazi ndi mkono wakunyoroka, ndi vyakofya vikuru kwakuringana ndi vyose vyo Ambuya Chiuta winu wangukuchitiyani mu Egipiti pa maso ghinu?

Marangu 5:6

“ ‘Ndine Ambuya Chiuta wako, yo wakutuzga mu charu cha Egipiti, mu nyumba ya uŵanda.

Marangu 7:8

Kweni nchifukwa chakuti Ambuya atumwanjani, ndipo asunga rapu lo angurapa ku auskemwe, ndimo Ambuya amutuzgiyani ndi janja lanthazi ndi kumuwomboni ku nyumba ya uŵanda, kutuwa mu janja laku Farao karonga wa Egipiti.

Marangu 9:26

Ndinguromba ku Ambuya, ndinguti, ‘Ambuya Chiuta, rekani kupasuwa ŵanthu ŵinu, wo mukuŵasankha, ŵeniwo mwaŵawombo mu ukuru winu mwaŵatuzga mu Egipiti ndi janja la nthazi.

1 Samuele 12:6

Samuele wanguti, “Ambuya ndi kaboni, yo wangusankha Mosese ndi Aroni yo wangutuzga auskemwe mu charu cha Egipiti.