Mika 6:14 - Tonga Bible 1986

¹⁴ Mukarghanga, kweni mukagutanga cha; muŵenge ndi nja mukati mwinu; mukaŵikanga pade, kweni kuti mukasunganga cha, ndipo cho musunga ndichiperekenge ku lipanga.

Mika 6:14 ပူးပေါင်းရင်းမြစ်များ

Yesaya 30:6

Vyakukambika vyapa nyama za mdodo zaku Negebu. Kuporota mu charu cha suzgu ndi chitima, kweniko kutuwa nkharamu, yinthukazi ndi yinthurumi, chipiriri ndi njoka yakuphururuka, vipinga mausambasi ghawo pa misana ya zimbunda, ndi vyuma vyawo pa magonyo gha ŵagamila, kuya ku ŵanthu wo ŵangaŵanduliya kanthu cha.

Yesaya 65:13

Chifukwa chenichi atiti viyo Ambuya Chiuta: “Ehe, ŵateŵeti ŵangu ŵakarghanga, kweni imwe mukaŵanga ŵanja; ehe, ŵateŵeti ŵangu ŵakamwanga, kweni imwe mukaŵanga ŵanyota; ehe, ŵateŵeti ŵangu ŵakakondwanga, kweni imwe mukalengeskekanga;

Yesaya 9:20

Ŵakwamphuwa ku marghe, kweni ŵeche ndi nja mbwenu, ndipo ŵaturgha ku maze, kweni kuti ŵaguta cha, we yose waturgha nyama ya munyake,

Yeremiya 48:44

Yo wathaŵa ku mantha, wakawanga muzenje, ndipo yo wakwera kutuwa mu zenje wakawiranga mu chiŵana. Pakuti ndikatolenga vinthu ivi paku Moabu mu chirimika cha kulangika kwawo, atiti Ambuya.

Ezekiele 5:12

Chigaŵa chimoza cha vigaŵa vitatu vyaku imwe ŵakafwanga ndi chiwowota ndi kumara ndi chilala mukati mwinu; chigaŵa cha chitatu ŵakabayikanga ndi lipanga lakumuzingirizgani imwe ndipo chigaŵa cha chitatu ndimbininiskiyenge ku mphepo zose ndipo ndikasoronga lipanga pavuli pawo.

Hoseya 4:10

Warghenge kweni kuti ŵagutenge cha; ŵachitenge ureŵi kweni kuti ŵandanenge cha; chifukwa ŵareka kuphwere Ambuya mwakuti ŵaŵika mitima yawo pa ureŵi.

ŴaLevi 26:26

Panyengo yo nkhadumuwanga uzali wa vyakurgha, ŵanthukazi chumi ŵakamubikiyaninga chiŵande mu zenji limoza, ndipo ŵakachitanga kupima chiŵande chinu; mukarghanga kweni kuti mukagutanga cha.

Hagayi 1:6

Mwapanda vinandi, kweni mwavuna vimanavi; muturgha, kweni kuti muguta cha; mutumwa kuti mukhorwa cha, muvwala, kweni palivi yumoza yo wafunda; ndipo yo waronde malipiro, waronde malipiro kughaŵika muthumba lakutoroka.

Hagayi 2:16

Kumbi mwajanga uli penipo munthu wanguza ku ndundu ya myeso ya machumi ghaŵi, kweni panguŵa chumi pe penipo yumoza wanguza pa chakupondiyamo mphereska kuzachinegha misuku machumi ghankhonde (50), kweni mwenga vinyo wakukwana misuku machumi ghaŵi pe (20).