Mika 6:10 - Tonga Bible 1986

¹⁰ Kumbi ndingaruwa usambasi wa uheni mu nyumba ya muheni, ndi thumba la vyakupimiya vyakupusika yo ngwakutembeka?

Mika 6:10 ပူးပေါင်းရင်းမြစ်များ

Nthanthi 10:2

Vyumba vyakusakatika ndi mphulupulu kuti vitanduwa kanthu cha, kweni urunji utaska ku nyifwa.

Nthanthi 11:1

Mweso wakupusika mbukazuzi ku Ambuya, kweni mweso wakunyoroka ndi likondwa lawo.

Nthanthi 20:10

Myeso yakupambana ndi kupima kwakupambana viŵi viyo vikozgana, mbukazuzi ku Ambuya.

Nthanthi 20:23

Myeso yakusiyana mbukazuzi ku Ambuya, ndipo vipimu vyakupusika kuti vyamampha cha.

Nthanthi 21:6

Kusaniya mauromba ndi lilime la utesi ndi mvuchi wakuyingayinga ndi chiŵana cha nyifwa.

Amosi 3:10

“Kuti ŵaziŵa cha kuchita urunji,” atiti Ambuya, “wo ŵalonga vivurupi ndi kuphanga mu malinga ghawo.”

Amosi 3:9

Wandiskani mu malinga mu Asiriya ndi mu malinga mu charu cha Egipiti, kuti, “Unganani pa mapiri gha Samaria, ndi muwone vivurupi vikuru mukati mwake, ndi visuzgu mukati mwake.”

Mika 6:9

Mazu gha Ambuya ghadanirizga ku msumba ndipo ndi vinjeru vyamampha kopa zina linu: “Vwani, mwa fuku ndi mwakuwungana mu msumba!

Zefaniya 1:9

Mu zuŵa lo ndirangenge yose yo wajumpha pa khomo, ndi wo ŵazaza nyumba ya mbuyawo ndi nkhaza ndi utesi.”

Zekariya 5:6

Ndipo ndinguti, “Kumbi nchine?” Iyo wanguti, “Ichi ndi sokora yo yituwa.” Ndipo wanguti, “Uku ndiko kunanga mu charu chose.”

Yoswa 7:1

Kweni ŵaYisraele ŵangutaya kugomezgeka pa vinthu vyakupaskikiya ku unangiku; pakuti Akani mwana waku Karimi, mwana waku Zabdi, mwana waku Zera, wa fuku laku Yuda, wangutopo vinthu vyakupaskikiya ku unangiku, sono ukari wa Ambuya ungukore pa ŵaYisraele.