Mika 5:7 - Tonga Bible 1986

⁷ Viyo wakujako waku Yakobe wakaŵanga mukati mu ŵanthu ŵanandi nge ndi dungwi lakutuwa kwa Ambuya, nge ndi vuwa pa uteka, kuti yiziulikiya munthu cha, pamwenga kulindizga ŵana ŵa ŵanthu.

Mika 5:7 ပူးပေါင်းရင်းမြစ်များ

2 Samuele 17:12

Mwaviyo tamukumubuchizga mu malo ghanyake ko wangaziŵa kusanirika, ndipo takumuwiya nge ndimo dungwi liwiya pasi, sono iyo ndi ŵanthu wose wo wenawo kuti wakasiyikanga nanga njumoza cha.

Sumu 110:3

Wanthu ŵako ŵakajiperekanga ndi mtima mu zuŵa lo urwani ndi ŵakupindikana ŵako. Nge ndi dungwi la kumatandakucha, ŵanyamata ŵako ŵakakuziyanga pa mitunthu yakupaturika.

Sumu 133:3

Kwe nge ndi dungwi laku Hermoni, lakuwiya pa mapiri ghaku Zioni. Chifukwa kwenikuwa ndiko Ambuya akupangana chitumbiku chawo, umoyo wambura kumara.

Sumu 72:6

Karonga waŵe ulaka nge ndimo vuwa yitung'iya pa minda, nge ndimo vuwa yiwazgiya pa charu.

Nthanthi 19:12

Ukari wa karonga we uli nkhukoroma kwakamanakamana kwa nkharamu, kweni lisungu lake le uli ndi dungwi pa uteka.

Yesaya 32:15

mpaka penipo Mzimu wakutuliya kuchanya wadika paku ifwe, ndi bozwa lisanduka munda wakupasa, ndi munda wakupasa uneneka kuti ndi lisuwa.

Yesaya 44:3

Pakuti ndikadiranga maji pa charu cha chiparamba, ndi tumisinji pa charu chiyumu; ndikapunguliyanga Mzimu wangu, pa mphapu zinu, ndi chitumbiku changu pa, wakupakika ŵinu.

Yesaya 55:10

“Pakuti mo vuwa ndi chiuli viziya pasi kutuwa kuchanya, ndipo kuti viwere so kuwa cha kweni vizumbwiska charu chapasi, kuti chituzgenge ndi kumezga, kupaska mbeu ku wakumija ndi kurgha ku wakurgha,

Yesaya 66:19

ndikamikanga chisimikizgu mukati mwawo. Ndipo kutuwa mwaku wo ndikatumanga ŵakujapo ku mitundu, ku Tarshishi, Puti, ndi Ludi, ŵeniwo ŵatweŵa uta, ku Tubala ndi Javani, ku vyaro vya mu malikumba kutali ukongwa, wo ŵalivi kuvwa mbiri yangu pamwenga kuwona unkhankhu wangu; ndipo wakataulanga unkhankhu wangu mukati mu mitundu.

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.

Ezekiele 14:22

Ndipuuli, asani ŵangasiyikamo mwenimo ŵakujapo wo ŵangarongozga ŵana ŵanthurumi ndi ŵana ŵanthukazi, ŵachiza kwaku iwe, ndipo iwe uwona nthowa zawo ndi nchitu zawo, mukasangaruskikanga pa uheni wo ndatore pa Yerusalemu, inya paku vyose vyo ndataliyapo.

Ezekiele 47:1

Sono wangundiwezge ku khomo la kasopi; awonani, maji ghatuwanga kusi ku chiwundu cha kasopi kuchiri ku vuma (pakuti kasopi wangulereska ku vuma); sono maji ghasikanga kutuwa kusi kuumari wa chiwundu kuchiri ku malaŵi kwa kasopi, ku malaŵi kwa jochero.

Ezekiele 5:5

“Viyo atiti Ambuya, Chiuta: Uyu ndi Yerusalemu; ndamujarika pakati pa mitundu, ndi vyaru vyakumuzunguliya.

Danyele 11:32

Wapusikenge wose ndi uchenjezi wo wananga phanganu kweni ŵanthu wo ŵaziŵa Chiuta wawo ŵakamanga nganganga ndi kutakataka ndi nthazi.

Hoseya 14:5

Ndiŵenge nge ndi dungwi kwaku Yisraele, wakaŵanga ndi maluŵa nge ndi lombo; ndi kuthaza misisi yake nge ndi mukongwe.

Hoseya 6:3

Tiyeni tiziŵe, ndi tifwiririyepo kuziŵa Ambuya; kuruta kwawo nkhwambura kukayika nge nkhumatandakucha; azenge kwaku ifwe nge ndi vuwa, nge ndi vuwa yakudanga yo yizumbwiska charu.”

Yoele 2:32

Ndipo kuŵenge kuti, yose yo wadanenge pa zina laku Chiuta wataskikenge; chifukwa mu phiri Zioni ndi mu Yerusalemu ŵakaŵangamo wo ŵapozomokenge, nge ndimo Ambuya anene; ndipo mwaku wo ŵajako ndi umoyo, muŵenge wo Ambuya atuŵandana.

Amosi 5:15

Tinkhani uheni, ndi yanjani umampha, ndi mumike urunji mulikomo; pamwenga Ambuya, Chiuta wa maŵanja, wangaŵa ndi lisungu, ndi ŵakujako ŵaku Yosefe.

Mika 2:12

Nkhamuwunjikaninga mose, A! Yakobe, nkhawunjikanga ŵakujako ŵaYisraele; ndiŵaŵikenge pamoza nge ndi mberere mu khola, nge ndimberere mu uliska wake, mpingu wa ŵanthu ŵa chiwawa.

Mika 4:13

Yukani ndi mukhweme, mwa ŵanthu ŵaku Zioni; pakuti ndisanduskenge sengwe lino kuŵa chisulu, ndi vikandiro vino kuŵa vyamkuŵa; mukapikitanga ŵanthu ŵanandi, ndi kupatuliya Ambuya chanduwu chawo, usambasi wawo mukapatuliyanga Ambuya wa charu chose chapasi.

Mika 4:7

ŵakupunduka ndiŵachitenge kuŵa ŵakujako; ndi ŵakudikiskika kuŵa mtundu wanthazi. Ndipo Ambuya akaŵausanga mu phiri la Zioni kutuwa sono mpaka muyaya.

Mika 5:3

Viyo wakaŵajowonga mpaka yize nyengu kuti yo we pafupi kubara wabare; penipo ndipo ŵakujako ŵa ŵabali ŵake ŵakawerenga ku ŵanthu ŵaku Yisraele.

Mika 5:8

Ŵakujako ŵaku Yakobe ŵakawanga mukati mu mitundu, mukati mu ŵanthu ŵanandi, nge ndi nkharamu mukati mu mskambu wa nyama za mu dondo, nge ndi nkharamu yamupupuka mukati mu mskambu wa mberere, yeniyo pa yiporotamo, yikanda pasi ndi yiparuwa tumanatumana, ndipo palivi yo waziŵa kutaska.

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Zefaniya 3:13

Ŵakujako mu Yisraele; kuti ŵachitenge kanthu kaheni cha, pamwenga kukamba utesi, chingana ndi mu mlomo mwawo kuti lisanirikengemo lilime la utesi cha. Chifukwa ŵarghenge ndi kugona pasi, ndipo pakaŵangavi wakuŵawofya.”

Zekariya 14:8

Mu zuŵa lo maji gha umoyo ghendenge kutuwa ku Yerusalemu, chigaŵa chimoza kulazga ku nyanja yaku vuma; ndi chigaŵa chinyake kulazga ku nyanja yaku zambwe; ghendenge nyengo ya chihanya ndi chifuku.

Zekariya 9:13

Chifukwa ndamupinda Yuda, nge ndi uta wangu, Efraimu ndamuchita muvwi wake. Ndiyuskenge ŵana ŵako, Zioni, kukulimbana ndi ŵana ŵako, iwe Girisi, ndikukuchita iwe nge ndi lipanga la ngwazi.

Mateyu 28:19

Viyo rutani, sambizgani mitundu yose, ŵakuŵabatiziya mu zina la Dada ndi la Mwana ndi la Mzimu ŵakupaturika:

Machitidu gha Ŵakutumika 11:15

Kweni ndichamba ine kukamba, Mzimu Wakupaturika iyo wanguwiya paku wo uli mphaku ifwe so pa mtendeku.

Machitidu gha Ŵakutumika 13:46

Kweni Paulo ndi Barnaba ŵangugangiya, kuti “Kungwenere kuti mazu ghaku Chiuta ghakambike danga kwaku imwe. Kweni imwe mutighapata ndipo mujesa ŵambura kwenere umoyo wo wamuyaya, awonani, ting'anamukiya ku Mitundu yo.

Machitidu gha Ŵakutumika 16:9

Ndipo chiwona chinguwoneka kwaku Paulo ndi usiku; munthurumi yumoza waku Makedonia wamanga, ndi wamuŵeyerenga, wakuti, “Yambukiya kuno ku Makedonia, ndi mutovye.”

Machitidu gha Ŵakutumika 9:15

Kweni Ambuya angumunene, “Rutanga, pakuti mweniyo nchiyaŵi chakusankhikiya ine, kwachipingiya zina langu pa Mitundu yo ndi so ŵakaronga, ndi ŵana ŵaku Yisraele;

ŴaRoma 10:20

Kweni Yesaya wagangiya ukongwa, ndipo watiti, “Ndasanirika ndi wo ŵengavi kundipenja. Ndaŵa wakuwoneka kwaku ŵeniwo ŵalive kundilembe.”

ŴaRoma 11:12

Ndipo asani mamphuru ghawo mbusambasi wa charu, ndi uporopotu wawo mbusambasi wa ŵaMitundu; uli ukongwako uzari wawo?

ŴaRoma 9:30

Viyo tikambengenji? Ndi chenichi, chakuti ŵaMitundu wo ŵambura kundondoloska urunji, ŵangufikapo pa urunji, urunji nawo wakutuwa ku chivwanu:

1 ŴaKorinte 3:6

Ine ndingupanda, Apolo wangudiriya maji; kweni Chiuta ndiyo wangumezga.

Marangu 32:2

Mphanyi kusambizga kwangu kungunthona uli ndi vuwa, fundu yangu mphanyi yingusongonoka uli ndi dungwi; uli ndi vuwa ya wenguwengu pa uteka wakutefwatefwa, ndipo uli nkumeme pa vyakume.

Ŵeruzgi 6:36

Sono Gideoni wanguti kwaku Chiuta, “Asani mukawombonga Yisraele ndi janja langu, nge ndimo mwakambiya,