Mu zuŵa liya Ambuya akarutirizganga mbwenu janja lawo nyengo yachiŵi, kusaniya wakujapo wa ŵanthu ŵawo, kutuwa ku Asiriya, ku Egipiti, ku Patrosi, ku Etiopia, ku Elami, ku Shinari, ku Hamati, ndi ku vyaru vya mu likumba la nyanja.
Chifukwa ichi nditongeko trigu wangu mu nyengo yake, ndi vinyo wangu mu nyengo yake, ndi nkhatonga weya wangu ndi thonji langu, vyenivyo vyamubisanga nkuli yake.
Kweni wakajanga yose musi mumphereska yake ndi musi mwa mkuyu wake, ndipo pakaŵangavi yumoza wakuŵatenthemeska; chifukwa Ambuya ŵa maŵanja akamba viyo.
Ŵakujako ŵaku Yakobe ŵakawanga mukati mu mitundu, mukati mu ŵanthu ŵanandi, nge ndi nkharamu mukati mu mskambu wa nyama za mu dondo, nge ndi nkharamu yamupupuka mukati mu mskambu wa mberere, yeniyo pa yiporotamo, yikanda pasi ndi yiparuwa tumanatumana, ndipo palivi yo waziŵa kutaska.
“Ndipo ndikhozgenge nyumba yaku Yuda, ndi nditaskenge nyumba yaku Yosefe. Ndizenge so nawo; chifukwa nde nawo ndi lisungu, ndipo ŵakaŵanga nge ndengavi kuŵajowo; chifukwa ine nde Ambuya Chiuta wawo ndipo ndiŵamukenge.