Mika 5:2 - Tonga Bible 1986

² Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Mika 5:2 ပူးပေါင်းရင်းမြစ်များ

Chiyambo 35:16

Pavuli wangwenda lwendo kwamba pa Betele, ndipo penipo wenga weche patali ku Efrata, Rakelo nthumbo yake yinguyuka ndipo wenga ndi unonono.

Chiyambo 35:19

Viyo Rakelo wangufwa ndipo wanguŵikika pa nthowa yakuya ku Efrata (yo ndi Betele),

Chiyambo 48:7

Pakuti penipo ndingutuwa mu Padani, Rakelo ku chitima changu wangufwa mu charu cha Kanani pa nthowa penipo penga peche mtunda wakuya ku Efrata; ndipo ndingumuŵika penipa pakuya ku Efrata (ndiyo Betelehemu).”

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

1 Mikoka 2:54

Ŵana ŵaku Salma: Betelehemu, ŵana ŵaku Netofati, Atroti-beti-Joabu, ndi chigaŵa charwandi chaku Manahati mu Zoriti.

1 Mikoka 4:4

ndi Penuele wiske waku Gedoro, Ezeri wiske waku Husa. Yaŵa ndiwo ŵana ŵaku Huru, wakudanga waku Efrate wiske waku Betelehemu.

1 Mikoka 5:2

nanga Yuda wanguŵa pachanya pa ŵabali ŵake ndi kuti mwaku iyo ndimu mungutuwa karonga mura, kweni ndipuuli ura wenga waku Yosefe).

Sumu 132:6

Ehe, tikulivwa ku Efrata, tikulisaniya mu minda yaku Jara,

Sumu 90:2

Ghenga ghandawe mapiri, mwenga mundawumbe charu chapasi, kutuwa ku muyaya mpaka ku muyaya ndimwe Chiuta.

Chituwa 18:21

Ndipo iwe usankhemo wanthu mukati mwaku wose, ŵeniwo ŵatopa Chiuta, ŵanthu wo mba magomekezgeka ndi wo ŵatinkha vinda. Uŵamike ŵanthu ŵaviyo kuŵa ndi mtufu pa ŵanthu kuŵa ŵeruzgi ŵa vikwi, ŵamachumi pe chumi, ŵamachumi ghankhonde ndi ŵachumi limoza.

Chituwa 18:25

Mosese wangutondo ŵanthu ŵakwenere mu ŵaYisraele wose, ndipo wanguŵamika kuŵa zinduna sa ŵanthu, ŵeruzgi ŵa vikwi, ŵamachumi pe chumi, ŵamachumi ghankhonde, ndi ŵachumi limoza.

Yesaya 11:1

Pakatuwanga chitivwa pa chipandu chaku Jese, ndipo mphanda yikakuwanga kutuwa ku misisi yake.

Yesaya 53:2

Pakuti wangukuwa paurongo pakenge nkhamuti kateta, uli ndi msisi wakutuwa pa nyata yakumira; iyo wengavi kawonekedu pamwenga unozgi kuti timulereske, ndipo wengavi kutowa kuti timukhumbe.

Yesaya 55:4

Ehe, ndingumuchita kuŵa kaboni ku ŵanthu, murongozgi ndi wakulamula, wa ŵanthu.

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

Yeremiya 30:21

Mura wawo wakaŵanga yumoza wa ŵeneko, wakuŵausa wakatuwanga mukati mwawo; ndikamunderezganga pafupi, wakazanga kwaku ine, pakuti njani yo wangesa kuza yija kwaku ine? atiti Ambuya.

Hoseya 6:3

Tiyeni tiziŵe, ndi tifwiririyepo kuziŵa Ambuya; kuruta kwawo nkhwambura kukayika nge nkhumatandakucha; azenge kwaku ifwe nge ndi vuwa, nge ndi vuwa yakudanga yo yizumbwiska charu.”

Amosi 9:11

“Mu zuŵa lo ndamuyuska msasa waku Davidi wo ukuwa ndi kulongoso madangazi ghake; ndi kuyuska vyakubwanganduka vyake, kuwuzenga so nge ndi mu mazuŵa ghakali;

Mika 4:10

Kunkhurukani pasi ndi kutamantha, mwa ŵanthu ŵaku Zioni, nge ndi munthukazi yo wabala; pakuti sono mukatuwanga mu msumba ndi kuja mu dondo; mukarutanga ku Babiloni. Kweniko mwamutaskika ndi kweniko Ambuya amkukuwomboni, mu janja la ŵarwani.

Zekariya 13:7

“Yuka, lipanga, pa mliska wangu, pa munthu yo watuma pafupi ndi ine,” atiti Ambuya ŵa maŵanja. “Koso mliska, kuti mberere zimbininike; ndiwezgiyenge janja langu pa zimana-zimana.

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Mateyu 2:1

Kweni wachipapika Yesu mu Betelehemu waku Yuda mu mazuŵa ghaku Herode karonga yo, wonani, ŵaukwi ŵaku vuma ŵanguza ku Yerusalemu, ŵakuti,

Mateyu 2:6

‘Ndipo iwe Betelehemu, mu charu chaku Yuda, kuti ndiwe mumana limu kose cha mu ŵarongozgi ŵaku Yuda; chifukwa mwaku iwe mutuliyenge chirongozgi, mweniyo wakawusanga khamu langu Yisraele.’ ”

Mateyu 28:18

Ndipo Yesu wanguza, wangurongoro nawo, wakuti, “Wapaskika kwaku ine mtufu wose kuchanya ndi panupasi.

Luka 23:2

Ndipo ŵangwanda kumsumuwa, ŵakuti, “Uyu tingumsaniya wakunyongo mtundu widu, ndi wakukanizga kupaska mthulu kwaku Kaisare, ndi wakujinena mwenecho kuŵa Kristu Karonga.”

Luka 23:38

Ndipo kwenga so lembo pachanya pake, “UYU NDI KARONGA WA ŴAYUDA.”

Yohane 7:42

Asi lembo lo linguti, kutuwa ku mbeu ndiku Betelehemu ku muzi ko wenga Davidi, watuza Kristu?”

Marangu 1:15

Viyo ndinguto ŵaraŵara ŵa mafuku ghinu, ŵazeru ndi ŵanjezga kuŵa ŵarongozgi ŵinu ŵa vikwi, ndi ŵa machumi pe chumi ndi machumi ghankhonde ndi ŵa machumi ndi ŵarongozgi ŵara wose mu mafuku ghinu.

ŴaKolose 1:17

Ndiyo wakudanga pa vinthu vyose, ndipo mwaku iyo vyose vikorana pamoza.

ŴaHebere 13:8

Yesu Kristu zana ndi le ndi mweniyo pe, ndi so ku muyaya.

ŴaHebere 7:14

Chifukwa kuwoneka kuti Mbuyafwe wanguburika mwaku Yuda, kwaku lenilo fuku Mosese wengavi kukamba kanthu kapa ŵazukuru.

1 Yohane 1:1

Cho chengako kutuliya ku mtendeku, cho tavwa, cho tawona ndi maso ghidu, cho tinguthoŵa, ndi manja ghidu ghangukwaska, chapa Mazu gha Umoyo,

Chivumbuzi 19:16

Ndipo we nalo pa munjirira wake ndi pa chigha chake zina lakulembeka, Karonga wa ŵaKaronga, ndi Mbuya wa ŵaMbuya.

Chivumbuzi 2:8

“Ndipo ku mungelo wa mpingu wamu Smurna lembapo: ‘Vyenivi watiti wakudanga ndi wakumariya yo, yo wanguŵa wakufwa ndipo wanguwere ku umoyo.

Chivumbuzi 21:6

Wangunena nane, “Vyachitika! Ndine Alfa ndi Omega, chandu ndi umari. Ine ndimpaskenge wanyota kwawezi ghamu chisima cha maji gha umoyo.

Ŵeruzgi 17:7

Sono kwenga munyamata waku Betelehemu mu Yuda, wamu mbumba yaku Yuda yo wenga muLevi; ndipo wenga mulendo kwenikuwa.

Ruti 1:1

Mu mazuŵa mwaku gho ŵeruzgi ŵayeruzgiyanga mwenga chilala mu charu, ndipo munthu yumoza wamu Betelehemu waku Yuda wanguruta mu charu cha Moabu, iyo ndimuwoli wake ndi ŵana ŵake ŵaŵi ŵanthurumi.

Ruti 4:11

Sono ŵanthu wose wo ŵenga pa likomo, ndi ŵara ŵanguti, “Te ŵakaboni. Mphanyi Ambuya amuchita munthukazi uyu wakazanga mu nyumba yako kuŵa uli ndi Rakelo ndi Leya, ŵeniwo pamoza ŵanguzenga nyumba yaku Yisraele. Mphanyi mwasakata mu Efrata ndi kuŵa ŵalumbiri mu Betelehemu;

1 Samuele 10:19

Kweni pa nyengo yino imwe mwakana Chiuta winu, yo watimupozomoskani mu masoka ndi masuzgu ghinu; ndipo mwakamba kuti, ‘Awa! Timikiyeni karonga pachanya pidu.’ Viyo sono jiwoneskeni mwaŵeni panthazi pa Ambuya mu mafuku ghinu ndi mu unandi winu.”

1 Samuele 17:12

Davidi wenga mwana wamu Efrata waku Betelehemu mu Yuda, zina lake Jese, you wenga ndi ŵana ŵankhonde ndi ŵatatu. Mu mazuŵa ghaku Sauli ndipo Jese wakota kali wakuŵa ndi virimika vinandi.

1 Samuele 17:18

ndipo so uto viyato ivi chumi upingiye nduna yawo ya pachanya pa ŵankhondo chikwi (1,000). Uwone, mo ŵabali ŵako ŵaliri; ndipo ukandipingiyeko ndindira kutuwa kwawo.”

1 Samuele 23:23

Chifukwa ichi wonani, ndipo muziŵiske malo ghose gho wagwenthiyako ndi kubisamamo, mukawere so kunu ndi makani ghauneneska ndipo asani wemu charu cho ndazamupenja mukati mu vikwi vyose vyaku Yuda.”

1 Samuele 8:12

wakajisankhiyanga zinduna za nkhondo za vikwi ndi zinduna za machumi ghankhonde, ŵanyake kukulima ndi kuvuna vyakurgha vyake, kupanga vidya vyake vya nkhondo ndi vyakunozge magareta ghake.