Mika 5:10 - Tonga Bible 1986

¹⁰ Ndipo mu zuŵa lo, atiti Ambuya, nkhadumuwanga ŵakavalo mukati mwako, ndipo nkhabwanganduwanga magareta ghako;

Mika 5:10 ပူးပေါင်းရင်းမြစ်များ

Yesaya 2:7

Charu chawo chazazika siliva ndi golide, ndipo mu mbiku zawo mulivi umari; charu chawo chazazika ndi ŵakavalo, ndipo magareta ghawo kuti ghamara cha.

Yeremiya 3:23

Kwakuneneska tumapiri nthwakupusika, vyakupuruska pa mapiri. Kwakuneneska mu Ambuya Chiuta widu mwe utaski waku Yisraele.

Hoseya 1:7

Kweni nkhaŵanga ndi lisungu ndi nyumba yaku Yuda, ndipo ndiŵataskenge ndi nthazi ya Ambuya Chiuta wao; kuti nkhaŵataskanga ndi uta cha, pamwenga lipanga, pamwenga nkhondo, pamwenga ŵakavalo, pamwenga ŵakukwera pa ŵakavalo.”

Hoseya 14:3

Asiriya kuti watitaskenge cha, kuti tikwerenge pa ŵakavalo cha. Ndipo tinenenge so cha kuti, ‘Chiuta widu,’ ku nchitu ya manja ghidu. Mwaku imwe mranda wasaniya lisungu.”

Hagayi 2:22

ndi kubwanganduwa chitengu cha mafumu, nde pafupi kubwanganduwa nthazi za gha mitundu, ndi kubwanganduwa magareta ndi ŵakukwerapo ŵawo; ndi ŵakavalo ndi ŵakukwerapo ŵawo ŵawenge pasi, yose wakawanga pa lipanga la mwanasi wake.

Zekariya 9:10

Ndidumuwenge gareta lakutuwa kwaku Efraimu ndi kavalo wankhondo wakutuwa ku Yerusalemu; uta wankhondo nawo udumulikenge; ndipo wakambenge chimangu ku ŵa mitundu. Ukaronga wake wambenge kutuwa ku nyanja kwachifika ku nyanja, kutuwa ku Msinji kwachifika ku vigoti vya charu.

Marangu 17:16

Kweni wangadaniskanga ŵakavalo cha, pamwenga kutumizga ŵanthu ku Egipiti cha mwakuti wandaniske ŵakavalo, pakuti Ambuya akumukambiyani kale imwe kuti, ‘Mukawerenga so ku nthowa yiya cha.’