Mika 5:1 - Tonga Bible 1986

¹ Sono mwazingirizgika ndi linga urwani watijarizga; ŵapuma ndi nthonga pa dakama la fumu yaku Yisraele.

Mika 5:1 ပူးပေါင်းရင်းမြစ်များ

Chiyambo 35:19

Viyo Rakelo wangufwa ndipo wanguŵikika pa nthowa yakuya ku Efrata (yo ndi Betele),

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

1 ŴaKaronga 22:24

Sono Zedekiya mwana waku Kenani wangundere kufupi, wangupuma Mikaya pa dakama, wanguti, “Ungutuwako uli Mzimu wa Ambuya kwangu kwachirongoro ndi iwe?”

2 ŴaKaronga 24:2

Ndipo Ambuya angutuma maŵanja gha ŵaKaldiya ŵaSiriya, ŵaMoabu ndi maŵanja gha ŵa Amoni ghanguza kurwana ndi Yuda kuwupasuwa. Kwakuyana ndi mazu gha Ambuya gho angurongolole mu ŵateŵeti ŵawo ŵamchimi.

Jobu 16:10

Ŵanthu ŵandiyasamiya milomo yawo, ŵandipamantha pa dakama kwakuyeya, ŵawunjikana pamoza kumikana nani.

Nthanthi 8:23

Mu migonezi ya kale ndingumikika, pakudanga, chenga chindayambe charu chapasi.

Yesaya 10:6

Nditimutuma ku mtundu wambura Chiuta, ku ŵanthu ŵakundikaraliska ndiku nditumulanguliya, kwachito vyakuskoŵa ndi kuronda vyakuphanga, kuvipwatiya pasi nge mbulambwi, wamu miseu.

Yesaya 33:22

Pakuti Ambuya ndi mweruzgi widu, Ambuya ndiwo akutiusa, Ambuya ndi karonga widu, akatitaskanga.

Yesaya 8:9

Muŵe ŵakusweka mwa ŵanthu mwe, muzizwe; tegherezgani gutu, mwa vyaru vyakutali mose, jimangeni likwamba, muzizwe, jimangeni ndipo muzizwe.

Yesaya 9:5

Pakuti chiyato chose cha wankhondo wakuphwataphwata chifukwa chakuruska kwa nkhondo, ndi chivwalo chose chakubizgika mu ndopa vikawochekanga nge ndi nkhuni za moto.

Yeremiya 25:9

ehe, ndikadananga mitundu yose yaku nkhonde atiti Ambuya, ndi Nebukadanezara karonga wa Babiloni, mteŵeti wangu, ndikaŵatoliyanga kuzachilimbana ndi charu ichi ndi ŵakujamo ŵake, kulimbana ndi mitundu yose iyi yakuchizingiriya. Ndikaŵamaranga tetete ndi kuŵachita chakofya, cha kusekeka, ndi chakuyeyeka muyaya.

Yeremiya 4:7

Nkharamu yatuwa mu thundu lake, wakupasuwa mitundu wasoka; waruta kutuwa ku malo ghake kwachichita mapopa, charu chinu; mizi yinu yikaŵanga yakubwanganduka, yambura wakujamo.

Chitenje 3:30

wang'anamukiye dakama lake ku wakumupuma, ndi wazazike ndi kunyozeka.

Ezekiele 21:32

Ukaŵanga nge ndi mafuta ku moto; ndopa zako zikaŵanga mukati mu charu kuti ukakumbukikanga so cha; chifukwa ine Ambuya ndakamba.”

Ezekiele 24:2

“Mwana wa munthu, ulembe zina la zuŵa ili, inya zuŵa lenili ili. Karonga waku Babiloni wagoŵa ku Yerusalemu zuŵa lenili.

Danyele 9:25

Viyo uziŵi ndi uwemu, kwamba kutuwa kwa mazu ghakuwezga ndi kuzenga so Yerusalemu, kufika kukuza kwa wakupakika yo karonga, kuŵenge ŵasabata ŵankhonde ndi ŵaŵi. Viyo wazengekenge so ndi zinthowa ndi linga mu ŵasabata machumi ghankhonde ndi limoza pachanya ŵaŵi (62) kweni munyengo ya suzgu.

Yoele 3:9

Wandiskani ichi mu mitundu: nozgani nkhondo; yuskani vinkhara. Ŵarekeni ŵankhondo wose ŵandere pafupi; ŵarekeni ŵakwere.

Amosi 2:3

nkhawiskanga mweruzgi mukati mwake, ndipo ndibayenge mafumu ghake ghose pamoza ndi iyo,” atiti Ambuya.

Habakuku 1:6

Chifukwa wonani; ndiyuska ŵaKaldiya, mtundu ukari ndi upusu, wo wendenge mu usani wa charu, kwachironda malo ghakujamo gho kuti ngawo cha;

Habakuku 3:16

Ndituvwa, ndi liŵavu langu litenthema, mlomo wangu umbwambwantha pa mazu ghinu; chiwozga chisere mu viwanga vyangu, nditenthema mukati mwangu. Ndirindizgenge kwa chisisi zuŵa la suzgu lo liziya wo ŵasere kwaku ifwe ndi nkhondo.

Mateyu 26:67

Penipo ŵangumufunyiya mata ku maso, ndipo ŵangumjenyeska: ndipo ŵanyake ŵangumpuma makofi,

Mateyu 27:30

Ndipo ŵangumfunyiya mata, ndipo ŵangulito dete, ŵangumkoso ku mutu.

Mateyu 5:39

Kweni ine ndikuneniyani, Ungamikana nayo mheni cha. Ndipo yose yo wakupamantha pa dakama lako lamarghe, umung'anamuliye linyake nalo;

Yohane 18:22

Ndipo wachikamba ichi, yumoza wa ŵamirizi ŵakumapo wangumjenyeska Yesu khofi, wakuti, “Kumbi utumwamuka mzukuru mura viyo?”

Yohane 19:3

Ndipo wamziyanga, wakuti, “Mauleni, Karonga mwe wa ŵaYuda!” Ndipo ŵampamanthanga.

Machitidu gha Ŵakutumika 23:2

Ndipo mzukuru mura yo, Hananiya, wangulanguliya wo ŵanguma pafupi pake kumpamantha pa mlomo.

2 ŴaKorinte 11:20

Chifukwa mukunthiyapo, asani munthu wakusanduskani ŵaŵanda, asani munthu wakumezani, asani munthu wakukoleni urghargha, asani munthu wajitumphuska, asani munthu wakupamanthani ku maso.

Marangu 28:49

Ambuya akazanga ndi mtundu wa ŵanthu kutuwa ku mpherekezgu za charu chapasi, upusu wawo nge nkhaphururukidu ka nombo, mtundu wo mazu ghake kuti mungavwa cha,

Marangu 33:27

Chiuta wa muyaya ndiyo malo ghako ghakujamo, ndipo kusi kwe manja ghake gha muyaya. Ndipo wadikiska ŵakupindikana ŵinu paurongo pinu, ndipo watiti, ‘Parghang'a’.

Ŵeruzgi 17:7

Sono kwenga munyamata waku Betelehemu mu Yuda, wamu mbumba yaku Yuda yo wenga muLevi; ndipo wenga mulendo kwenikuwa.