Mika 4:7 - Tonga Bible 1986

⁷ ŵakupunduka ndiŵachitenge kuŵa ŵakujako; ndi ŵakudikiskika kuŵa mtundu wanthazi. Ndipo Ambuya akaŵausanga mu phiri la Zioni kutuwa sono mpaka muyaya.

Mika 4:7 ပူးပေါင်းရင်းမြစ်များ

Sumu 2:6

“Ndamika karonga wangu pa Zioni, phiri langu lakupaturika.”

Yesaya 16:5

po ndipo chitengo cha ufumu chikamikikanga mu chanju chizirima ndipo paku cho ŵakajangapo mu ukongorekwa mu hema laku Davidi yo wateruzga ndi wapenja cheruzgu chirunji ndi ngwakukankhamika kuchita urunji.”

Yesaya 24:23

Sono mwezi ukatimbanizgikanga lumwi likachitanga soni; pakuti Ambuya ŵa maŵanja akausanga pa phiri Zioni ndi mu Yerusalemu ndipo paurongo pa ŵara ŵake akavumbuwanga unkhankhu wawo.

Yesaya 6:13

Ndipo chingana mungaja chigaŵa chimoza pe cha vigaŵa chumi, nacho chikafyanga so, uli ndi muti wa muŵanga pamwenga wa nthunthu, wo chipandu chake chijaririya kuma asani wadumulika.” Mbutu yakupaturika ndiyo chipandu chake.

Yesaya 60:22

Yo ngwakumariya wakaŵanga khamu, mumana ukongwa wakaŵanga mtundu wakulimba; ndine Ambuya; pa nyengo yake ndikachitinthimiskanga.

Yesaya 66:8

Njani wakuvwapo chinthu cha viyo? Njani wakuviwona vinthu vya viyo? Kumbi charu chikapapikanga mu zuŵa limoza? Kumbi mtundu ukapapikanga pa nyengo yimoza? Pakuti penipo Zioni wenga mu kuŵaŵa wangupapa ŵana ŵake ŵanthurumi.

Ezekiele 43:7

wakuti, “Mwana wa munthu, yagha ndigho malo gha chitengo changu ndi gha chitambaliro cha marundi ghangu, mwenimo nkhajanga mukati mu ŵaYisraele muyaya. Ndipo ŵaYisraele kuti ŵakafipiskanga so zina langu lituŵa cha, iwo, nanga ndi mafumu ghawo, chifukwa cha maubendezi ghawo, ndipo ndi viŵanda vya ŵakaronga ŵawo,

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Danyele 4:34

Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;

Danyele 7:14

Ndipo mtufu, unkhankhu, ndi ufumu, vingupaskika kwaku iyo, kuti ŵanthu wose, mitundu yose, ndi makambidu ghose ŵamutataliye, muwusu wake ndi muwusu wamuyaya, wo kuti umarenge cha. Ndipo ufumu wake kuti ubwangandukenge cha.

Danyele 7:27

Ufumu ndi mtufu ndi ukuru wa maufumu mu charu chose chapasi vipaskikenge kuŵanthu ŵatuŵa ŵaku Wapachanya Limu; ufumu wawo ukaŵanga ufumu wambura kumara ndi mtufu yose yikaŵateŵetiyanga ndi kuŵavwiya.’

Hoseya 1:10

Ndipuuli unandi wa ŵaYisraele uŵenge nge ndi mchenga wamu nyanja weniwo kuti ungapimika chingana nkhuŵerengeka cha; ndipo mu malo mwenimo mungukambikiya kwaku iwo, kuti, “Ndimwe ŵanthu ŵangu cha,” mwenimo so ndimo kukakambikiyanga kwaku iwo kuti, “Ŵana ŵaku Chiuta wamoyo.”

Yoele 2:32

Ndipo kuŵenge kuti, yose yo wadanenge pa zina laku Chiuta wataskikenge; chifukwa mu phiri Zioni ndi mu Yerusalemu ŵakaŵangamo wo ŵapozomokenge, nge ndimo Ambuya anene; ndipo mwaku wo ŵajako ndi umoyo, muŵenge wo Ambuya atuŵandana.

Yoele 3:17

“Viyo mukaziŵanga kuti ine ndine Ambuya Chiuta winu, yo waja mu Zioni, phiri langu lakupaturika. Ndipo Yerusalemu waŵenge wakupaturika ndipo ŵalendo ŵaporotengemo so cha.

Obadiya 1:21

Ŵakutaska ŵakakweriyanga ku phiri Zioni kweruzga phiri laku Esau; ndipo ufumu uŵenge wa Ambuya.

Mika 2:12

Nkhamuwunjikaninga mose, A! Yakobe, nkhawunjikanga ŵakujako ŵaYisraele; ndiŵaŵikenge pamoza nge ndi mberere mu khola, nge ndimberere mu uliska wake, mpingu wa ŵanthu ŵa chiwawa.

Mika 2:13

Yo wajura dangazi waruta panthazi pawo; wakatoronga ndi kuporota pa likomo, kutuliya kubwalo paku lo. Karonga wawo ndiyo wamudanjiya panthazi pawo, Ambuya akuŵalongozga.

Mika 5:3

Viyo wakaŵajowonga mpaka yize nyengu kuti yo we pafupi kubara wabare; penipo ndipo ŵakujako ŵa ŵabali ŵake ŵakawerenga ku ŵanthu ŵaku Yisraele.

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Zefaniya 3:13

Ŵakujako mu Yisraele; kuti ŵachitenge kanthu kaheni cha, pamwenga kukamba utesi, chingana ndi mu mlomo mwawo kuti lisanirikengemo lilime la utesi cha. Chifukwa ŵarghenge ndi kugona pasi, ndipo pakaŵangavi wakuŵawofya.”

Zefaniya 3:20

Pa nyengo yo ndikuwezgiyenge kwako, mu nyengo yo ndikuwunjikenge pamoza. Inya ndikuchitenge kuŵa wambiri, ndi wamarumbika mukati mu ŵanthu wose ŵa panu pasi, po ndiwezgiyenge umampha wako paurongo pako,” atiti Ambuya.

Luka 1:33

ndipo wakausanga nyumba yaku Yakobe muyaya; ndipo muwusu wake kuti umarenge cha.”

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”