Mika 4:5 - Tonga Bible 1986

⁵ Pakuti mitundu yose ya ŵanthu, ŵe wose utenda mzina laku Chiuta wake, kweni ifwe tendenge mzina la Ambuya Chiuta widu muyaya ndi muyaya.

Mika 4:5 ပူးပေါင်းရင်းမြစ်များ

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

2 ŴaKaronga 17:29

Kweni mtundu ndi mtundu ungujichitiya ŵachiuta ŵapa mtima wawo, ŵanguŵaŵika mu malo ghakupaturika gha visopo gho wanguchita wa Samaria, mtundu wose mu misumba mwenimo wajanga.

2 ŴaKaronga 17:34

Kufika ku zuŵa lino ŵachita uli ndi malusu ghakudanga. Kuti ŵatopa Ambuya cha, kuti ŵarondo vyeruzgu pamwenga malangulu gha dangu pamwenga malangu gho Ambuya angulanguliya ŵana ŵaku Yakobe cha, mweniyo angumudana Yisraele.

Sumu 20:6

Sono ndiziŵa kuti Ambuya akawovyanga wakupakika wawo; amukenge iyo kutuwa kuchanya kwawo kwakupaturika ndi nthazi za upundi za janja lawo la marghe.

Sumu 48:14

kuti uyu ndiyu Chiuta, Chiuta widu muyaya ndi muyaya. Wakaŵanga murongozgi widu muyaya.

Sumu 71:16

Nditamikenge nthazi yinu, Ambuya Chiuta; nditaulenge urungi winu, urunji winu pe mbwenu.

Yesaya 2:5

Wa nyumba yaku Yakobe we, zanga, tiye tendenge mu ukweru wa Ambuya.

Yesaya 26:13

Ambuya Chiuta widu, ambuya ŵanyake ŵatiusa ifwe, kweni zina linu pe ndilo ifwe tizomera.

Yesaya 26:8

Mu nthowa ya vyeruzgu vinu, Ambuya, titumulindizgani, zina linu lakukumbukika ndilo linweka la mzimu widu.

Yeremiya 32:40

Ndikapangananga nawo phanganu la muyaya, lakuti ine kuti ndikatuwangako cha ku kuŵachitiya umampha iwo; ndipo ndikaŵikangamo kopa mu mitima yawo, ndipo kuti ŵakatuwangako cha kwangu.

Zekariya 10:12

Ndipo ndiŵakhozgenge mu Ambuya ndipo ŵakakankhuskikanga mu zina lake,” atiti Ambuya.

Machitidu gha Ŵakutumika 14:16

mweniyo mu migonezi yaruta wanguyileka mitundu yose kukamu mu mendedu ghaku yija.

Marangu 27:10

Chifukwa cho mukavwiyanga mazu gha Ambuya Chiuta winu, musungenge marangu ghake ndi malangulu ghake, ghenigho ndakulanguliyani msana wale.”

ŴaKolose 2:6

Viyo uli ndimo mungurondere Kristu Yesu Ambuya, ndimo mujariyenge mwaku iyo,

ŴaKolose 3:17

Ndipo chose cho mungachita, mu mazu pamwenga mu nchitu, chitiyani vyose mu zina la Mbuya Yesu, ndipo muwongeni Chiuta Dada mwaku iyo.

Yoswa 24:15

Ndipo asani kuti mukakhumbanga cha kutataliya Ambuya, sankhani msana wale mweniyo mukatataliyanga, manyi mba chiuta wo auskemwe ŵangutataliya kusirgha liya la Msinji, pamwenga ŵachiuta waAmori ŵeniwo imwe muja mu charu chawo; kweni nge nkhwaku ine ndi wose ŵamu nyumba yangu titataliyenge Ambuya.”