Mika 4:4 - Tonga Bible 1986

⁴ Kweni wakajanga yose musi mumphereska yake ndi musi mwa mkuyu wake, ndipo pakaŵangavi yumoza wakuŵatenthemeska; chifukwa Ambuya ŵa maŵanja akamba viyo.

Mika 4:4 ပူးပေါင်းရင်းမြစ်များ

1 ŴaKaronga 4:25

Ndipo Yuda ndi Yisraele ŵanguja mwambura suzgu, kwamba ku Dani mpaka Beresheba, munthu yose wanguja pasi pa mphereska yake ndi pasi pa mkuyu wake, mazuŵa ghose ghaku Solomoni.

1 ŴaKaronga 5:5

Viyo ndighanaghana kuzenge zina la Ambuya Chiuta wangu, nge ndimo Ambuya angukambiya kwaku Davidi ada, ‘Mwana wako, mweniyo ndikajarikanga chitengo chako mu malo ghako wakazengiyanga nyumba zina langu.’

Jobu 11:19

Ugonenge pasi ndi paŵengevi yumoza wakukutenthemeska; ŵanandi ŵakaweyeriyanga kwaku iwe.

Sumu 72:3

Charu chikondwe chisakatiskike; chiziŵe wo mburunji.

Nthanthi 3:25

Ungopanga kofya kwa mabuchibuchi pamwenga phasulu la muheni yo lichiza;

Yesaya 1:20

Kweni asani mukana ndi kugaruka, mukamaranga ndi lipanga, pakuti mlomo wa Ambuya wakamba.”

Yesaya 17:2

Misumba yake yikathaŵanga muyaya; yikaŵanga ya viŵetu, vyenivyo vikalanga pasi, ndipo paulengevi wakuvyofya.

Yesaya 22:25

Mu zuŵa liya, atiti Ambuya ŵa maŵanja, chichiri cho chingujinthika mu malo gheneko chikajinthukanga; chikadumulikanga ndi kuwa, ndipo uzitu wo wenga paku cho ukadumulikanga, pakuti Ambuya ndiwo akamba.”

Yesaya 26:16

Ambuya mwe, mu suzgu ŵangukupenjani, ŵangupereka rombu, penipo likhwechu linu lenga paku iwo.

Yesaya 32:17

Ndipo ukongorekwa ukabaranga viyo chimangu, ndipo chakutuwa mu ukongorekwa, nchisisi, ndi chigomezgu muyaya.

Yesaya 36:16

Mungategherezganga kwaku Hezekiya; pakuti karonga wa Asiriya watiti: Chitani chimangu ndi ine ndipo muzi kwangu, po ndipo we yose waku imwe wakarghanga vya mphereska yapa mtima wake, ndi we yose vya mkuyu wapa mtima wake, ndipo we yose waku imwe mukamwanga maji gha chisima chapa mtima wake;

Yesaya 40:5

Ndipo unkhankhu wa Ambuya ukavumburikanga, ndipo nyama yose yikawuwoniyanga pamoza, pakuti mlomo wa Ambuya warongoro.”

Yesaya 54:14

Ukajarikikanga mu urunji, ukaŵanga kutali kukuyuzgika, pakuti kuti ukawopanga cha; ndi ku chakofya, pakuti kuti chikazanga kufupi nawe cha.

Yesaya 58:14

po ndipo mukakondwerenga mu Ambuya, ndipo ine ndikakugariskaninga pa machanya gha charu chapasi; ndikamuliskaninga ndi chihara chaku Yakobe uskemwe, pakuti Ambuya akamba.”

Yeremiya 23:4

Ndikamikanga ŵaliska ŵeniwo ŵakaŵaphwerenga, ndipo ndi kuti ŵakaŵanga ndi mantha cha, chingana nkhudika nthazi; chingana nkhusoŵapo nanga njumoza nako so cha, atiti Ambuya.

Yeremiya 30:10

Viyo reka kopa, Yakobe we, mteŵeti wangu, atiti Ambuya, chingana nkhufipa mtima, Yisraele we; pakuti ehe, ndikakutaskanga kutuwa kutali, ndi mbeu yako kutuwa ku charu cha uŵanda wawo. Yakobe wakawenga ndi kuja mu chisisi ndi kufwasa, ndipo kukaŵangavi wakumofya.

Ezekiele 34:25

“Ndikapangananga nazo phanganu la chimangu ndi kudikiskamo vikoko mu charu, alinga kuti zije kwakufwasa mu bozwa ndi kugona mu miti.

Ezekiele 34:28

Kuti zikaŵanga so chakuliwa ku mitundu cha, pamwenga vikoko vyo vye mu charu kuti vikazirghanga cha; zikajanga kwakufwasa paŵengevi nanga njumoza yo wakazitenthemeskanga.

Ezekiele 38:11

Kuti, ‘Ndikakweranga kulimbana ndi charu cha mizi yambura malinga; ndikarotokiyanga pa ŵanthu ŵachisisi wo ŵaja kwa kufwasa, wose ŵaja mwambura malinga, ŵalivi mipiringizgu pamwengamalikomo.’

Ezekiele 39:26

Ŵaruwenge soni zawo, ndi utimbanizi wose wo ŵachitiya ine, penipo ŵaja kwakudekha mu charu chawo kwambura nanga njumoza wakuŵatenthemeska,

ŴaLevi 26:6

Ndikapaskanga chimangu mu charu mwakuti mukaranga pasi kwakufwasa, ndipo paulengevi nanga njumoza wakumofyani. Ndikatuzgangamo vikoko vyakofya mu charu ndipo lipanga kuti likaporotanga mu charu chinu cha.

Mika 5:3

Viyo wakaŵajowonga mpaka yize nyengu kuti yo we pafupi kubara wabare; penipo ndipo ŵakujako ŵa ŵabali ŵake ŵakawerenga ku ŵanthu ŵaku Yisraele.

Zefaniya 3:13

Ŵakujako mu Yisraele; kuti ŵachitenge kanthu kaheni cha, pamwenga kukamba utesi, chingana ndi mu mlomo mwawo kuti lisanirikengemo lilime la utesi cha. Chifukwa ŵarghenge ndi kugona pasi, ndipo pakaŵangavi wakuŵawofya.”

Zekariya 3:10

Mu zuŵa lo, atiti Ambuya ŵa maŵanja, munthu yose wadanenge mwanase wake kuja pasi mu mphereska yake ndi mkuyu wake.”