Mika 4:3 - Tonga Bible 1986

³ Ŵakayeruzganga ŵanthu ŵanandi, ndipo wakachenyanga mitundu yanthazi yo yekutali; ndipo ŵasulenge malipanga ghawo kuŵa mayembe, ndi mikondo yawo kuŵa vimayi vyakuvuniya. Mtundu ukarekanga kupong'a nkhondo pa mtundu unyake, chingana nkhuti usambiri so zankhondo.

Mika 4:3 ပူးပေါင်းရင်းမြစ်များ

Sumu 46:10

“Jani chete, ndipo ziŵani kuti ine ndine Chiuta. Ndikutumphuskika mukati mu mitundu, ndikutumphuskika mu charu chapasi!”

Sumu 46:9

Arekeska zinkhondo mpaka ku chigoti cha charu chapasi; uta afyo, ndi kuwaruwa mkondo, magareta atocha ndi moto!

Sumu 72:3

Charu chikondwe chisakatiskike; chiziŵe wo mburunji.

Sumu 72:7

Urunji usapatiye mu mazuŵa ghose gha umoyo wake, ndipo usakati ulutiriye pose po mwezi uŵaliya.

Sumu 82:8

Zani, A Chiuta, muwusi charu; mitundu yose ya ŵanthu njinu.

Sumu 96:13

paurongo pa Ambuya, chifukwa, atuza kweruzga charu chapasi. Ŵeruzgenge charu mu urunji, ndi makhamu mu ukongorekwa wawo.

Sumu 98:9

chifukwa atuza kuzacheruzga charu chapasi. Ŵeruzgenge charu mu urunji, ndi makhamu mu kunyoroka.

Yesaya 2:4

Weruzgenge pakati pa makhamu, wazamujarika umampha ŵanthu ŵanandi, ndipo ŵazamsula malipanga ghawo kuŵa vyakulimiya, ndi mikondo yawo kuŵa vimayi vyakupanthiya; mtundu kuti wazamsoske lipanga pa mtundu cha; chingana nkhusambira so nkhondo nako cha.

Yesaya 25:3

Chifukwa ichi ŵanthu vilimbi ŵakakankhuskanga imwe; misumba ya mitundu ya nkhaza yopenge imwe.

Yesaya 51:5

Uwobozi wangu undere ruŵi pafupi, utaski wangu watuwa, ndipo manja ghangu ghakeruzganga ŵanthu; vyaru vya malikumba vitindilindizga, ndi vigomekezgu mu janja langu.

Yesaya 60:12

Pakuti mtundu ndi ufumu wo urekenge kumutataliyani ukamaranga; mitundu yaviyo yikachitikanga mapopa kumariya limu.

Yesaya 65:25

Mphumphi ndi mwana wa mberere vikarghiyanga pamoza, nkharamu yikarghanga uteka nge ndi ng'ombe; fuvu likaŵanga kurgha kwa njoka. Kuti vikapwetekanga pamwenga kwananga cha, mu phiri langu lose lakupaturika, atiti Ambuya.”

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Hoseya 2:18

Ndipo mu zuŵa lo ndamukukuchitiya phanganu ndi nyama zamu dondo, ndi viyuni vya mude, ndi vithu vyakukwaŵa pasi. Ndipo nkhabwanganduwanga uta, lipanga ndi nkhondo mu charu ndi nkhamugonekanga kwakufwasa.

Hoseya 2:20

Ndikujaliyenge kuti uŵe wangu wamagomekezgeka ndipo uziŵenge Ambuya.

Yoele 3:2

ndiunjikenge mitundu yose, ndisikiyenge nayo ku dambo laku Yehoshafati, ndilimbana nayo chifukwa cha, ŵakusankhika ŵangu ŵaYisraele, wo ŵambininiskika mukati mu mitundu, ndi kugaŵana charu changu,

Mika 5:15

Ndipo ndi ukari ndi kandundu ndiwezgiyenge nduzga pa mitundu yo yengavi kuvwiya.

Zekariya 14:3

Ndipo Ambuya atuwenge kurwana ndi mitundu yo nge ndi pa ŵaturwa mu zuŵa la nkhondo.

Zekariya 8:20

“Viyo atiti Ambuya ŵa maŵanja: Kukaŵanga so kuti ŵanthu ŵazenge, ŵanthu ŵamu misumba yinandi.

Zekariya 9:10

Ndidumuwenge gareta lakutuwa kwaku Efraimu ndi kavalo wankhondo wakutuwa ku Yerusalemu; uta wankhondo nawo udumulikenge; ndipo wakambenge chimangu ku ŵa mitundu. Ukaronga wake wambenge kutuwa ku nyanja kwachifika ku nyanja, kutuwa ku Msinji kwachifika ku vigoti vya charu.

Machitidu gha Ŵakutumika 17:31

chifukwa watema zuŵa, mwaku lo wakhasa kweruzgiya charu mu urunji mu munthu yo wamumika; wati wapaska chimbondu kwaku wose pakumyuska ku ŵakufwa.”

Chivumbuzi 19:11

Ndipo ndinguwona kuchanya kwakujurika; ndipo, onani, kavalo wakuti tu, ndi mweniyo wangugara pake wanguzumbulika, Wamagomekezgeka ndi Mneneska; pakuti mu urunji wateruzga ndi waturwa.

1 Samuele 2:10

Wakupindikana ndi Ambuya ŵakadumukanga tumana-tumana; ndipo akadiririskanga kuchanya pa kumikana nawo. Ambuya ŵeruzgenge vigoti vya charu chapasi; apaskenge nthazi ku karonga wawo, ndipo ŵasoskenge nthazi za wakupakika wawo.”