Mika 3:9 - Tonga Bible 1986

⁹ Vwani ichi, imwe mwaŵarongozgi ŵa nyumba yaku Yakobe, ndi mwa mafumu mwa nyumba yaku Yisraele, imwe mutinkha weruzgi ndi kubendezga urunji wose.

Mika 3:9 ပူးပေါင်းရင်းမြစ်များ

Nehemiya 13:17

Sono ndingususkana ndi ŵaraŵara ŵaku Yuda, ndinguti kwaku wo, “Mbuheni wa mtundu uli uwu muchita, kukazuzga zuŵa la sabata?

Chituwa 3:16

Ruta, ukaŵawunjike pamoza ŵaraŵara ŵa ŵaYisraele, ndipo ukaŵanene kuti, ‘Ambuya, Chiuta wa auskwemwe Chiuta waku Abrahamu, waku Yisaki, ndi waku Yakobe, wandiwoneke ine, wakati, “Ndakuwonani, ndi vyo vyachitikiya imwe mu Egipiti;

Nthanthi 17:15

Yo wazomerezga wa mphurupuru ndi yo wasuska wakurunjika wose ŵaŵi mbakukozgana mu ukazuzi ku Ambuya.

Nthanthi 17:23

Munthu wa mphulupulu waronda vinda ndi mtima wose kutimbanizga nthowa za cheruzgu chirunji.

Nthanthi 18:5

Kuti nchamampha cha kuŵa wakususka kumanavi wamphulupulu, pamwenga kumuzgerera cheruzgu chamampha wakurunjika.

Nthanthi 21:7

Ukari wa wamphulupulu ukaŵapeyiyanga kutali, chifukwa ŵakana kuchita chenicho nchakurunjika.

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

Yeremiya 5:28

ŵakuwa ndi kututuŵa, ŵali bwitubwitu. Kuti ŵaziŵa po ŵamurekezga nchitu zawo za mphurupuru cha; kuti ŵateruzga ndi urunji cha mlando wa ŵaranda ŵatuwendeska mwakwenere cha, ndipo kuti wavikiriya vyakurunjika ku ŵasauchi cha.

Ezekiele 44:23

Ŵakasambizganga ŵanthu ŵangu kupambana kwa pakati pa vinthu vituŵa ndi vyakufipiskika, ndi kuŵarongo mo ŵangapatuliya pakati pa vyambura kuphotoka ndi vyakuphotoka.

Hoseya 5:1

Vwani ichi, mwa ŵazukuru! Vwiyani, mwa ŵanyumba yaku Yisraele! Vwiyani, mwa ŵanyumba ya karonga! Chifukwa cheruzgu nchinu; pakuti mwenga chiŵana pa Mizipa, ndi ukonde wakupong'eka pa Taboro.

ŴaLevi 26:15

asani mukayeyanga malangulu ghangu, mtima winu ukakananga vyeruzgu vyangu, mwakuti, kuti mukachitanga marangu ghangu ghose cha kweni muswenge phanganu langu.

Amosi 5:7

Imwe musanduska cheruzgu kuŵa cha kuŵaŵa, ndi kutaya pasi urunji!

Mika 1:1

Mazu gha Ambuya gho ghanguza kwaku Mika waku Moresete mu mazuŵa ghaku Yotamu, Ahazi, ndi Hezekiya, ŵakaronga ŵaku Yuda; ndivyo wanguwona kunena vya Samaria ndi Yerusalemu.

Mika 3:1

Ndipo ndinguti: Vwani, imwe mwaŵarongozgi waku Yakobe, ndi mafumu gha nyumba yaku Yisraele! Kumbi kuti nkhwaku imwe cha kuziŵa weruzgi?

Marangu 27:19

“ ‘Watembeke yo watimbanizga kweruzgika kwa mlendo, kwa wambura awiske, ndi kwa choko.’ Ndipo ŵanthu wose ŵanenenge, ‘Ameni.’