Mika 3:7 - Tonga Bible 1986

⁷ Ŵawoni ŵazamuchita soni, ndi ŵakuloska nawo ŵazamuchita soni; wose ŵakajaranga milomo yawo, chifukwa kulivi kwamuka kuturiya kwaku Chiuta.

Mika 3:7 ပူးပေါင်းရင်းမြစ်များ

Sumu 74:9

Visimikizgu vidu vyose vikuruta, nanga ndi mchimi nayo mulivi, ndipo palivi nanga njumoza mukati mwidu yo waziŵa kuti ichi chikafikanga mpaka zuŵanji.

Chituwa 9:11

Ndipo ŵamayera kuti ŵanguziŵa kuma cha paurongo paku Mosese chifukwa cha vitupatupa, pakuti vitupatupa vyenga pa ŵamayera ndi pa ŵaEgipiti wose.

Yesaya 44:25

Yo wasuska vyakuloska vya ŵatesi, ŵakombezi wati ŵasanduska ŵabeleŵeza; mweniyo wawezge vuli ŵanthu ŵazeru, ndipo zeru yawo yisanduka kupusa;

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Ezekiele 24:17

Fwifwinthiya, kweni kwakuvwika cha; kuchita kutenjere wakufwa cha. Manga chilemba chako, vwara viyato vyako; ungajaranga milomo yako cha, nanga nkhurgha chiŵande cha ŵakutenje.”

Ezekiele 24:22

Imwe mukachitanga mo ine ndachitiya kuti mukajaranga milomo yinu cha, pamwenga kurgha vya ŵakutenje.

ŴaLevi 13:45

“Yo we ndi nthenda ya makhate wavwarenge malizwazwa, sisi laku mutu wake liŵenge lambura kumanga, ndipo wabenekeriyenge mlomo wake wanena, ndi kukambura kuti, ‘Wambura kutozgeka, wambura kutozgeka’;

Amosi 8:11

“Wonani, mazuŵa ghakazanga,” atiti Ambuya Chiuta, “penipo nkhatumanga nja mu charu; kuti ndi nja ya sima cha, pamwenga nyota ya maji; kweni yakuvwiya mazu gha Ambuya.

Mika 3:4

Viyo ŵakaliyanga ku Ambuya, kweni kuti amukenge cha; akabisanga chisku chawo kwaku iwopa nyengo yiya, chifukwa nchitu zawo ŵazisanduska kuŵa ziheni.

Mika 7:16

Mitundu yikawonanga ndikukoreka soni chifukwa cha nthazi zawo zose; ŵakaŵikanga manja ghawo pa milomo yawo; makutu ghawo ghakagatanga;

Zekariya 13:4

Mu zuŵa lo mchimi yose walengenge soni ndi chiwona chake wachichima; kuti wavwarenge munjilira waweya cha kujipusika nawo.

1 Samuele 14:37

Ndipo Sauli wangufumba Chiuta, “Kumbi ndisikiye ku ŵaFilisti? Kumbi asi muŵaperekenge mu janja la ŵaYisraele?” Kweni kuti angumwamuka cha zuŵa liya.

1 Samuele 28:15

Ndipo Samuele wangunena ndi Sauli, “Chifukwa nchine wandisuzga pakundikwezge kuno?” Wangwamuka, “Ndaŵa musuzgu yikuru pakuti ŵaFilisti ŵarwana nane nkhondo, ndipo Chiuta watuwako kwangu kuti watindamuka so cha, chingana ndi mu ŵamchimi pamwenga mu maloto; chifukwa ichi ndamudanani kuti mundinene cho nditenere kuchita.”

1 Samuele 28:6

Ndipo wanguti wafumba ku Ambuya kuti angumwamuka cha, chingana ndi mu maloto pamwenga mu Urimi, chingana ndi mu ŵamchimi;

1 Samuele 9:9

(Kali mu ŵaYisraele, asani munthu wanguruta kwachifumbiriya kwaku Chiuta, watinge, “Zanga, tiye tikenge ku muona”; chifukwa yo le wadanika mchimi, kali wangudanika muona.)