Mika 3:6 - Tonga Bible 1986

⁶ Chifukwa ichi ukaŵanga usiku kwaku imwe, wambura chiwona, ndi kuŵenge mdima kwaku imwe, kwambura kuroska. Dazi lamuserere ŵamchimi, ndi zuŵa likaŵanga la mdima bi, paku iwo.

Mika 3:6 ပူးပေါင်းရင်းမြစ်များ

Sumu 74:9

Visimikizgu vidu vyose vikuruta, nanga ndi mchimi nayo mulivi, ndipo palivi nanga njumoza mukati mwidu yo waziŵa kuti ichi chikafikanga mpaka zuŵanji.

Yesaya 29:10

Pakuti Ambuya apunguliya paku imwe mzimu wa tulo tuzitu, ndipo ajara maso ghinu, mwa ŵamchimi, ŵavimba mitu yinu mwa ŵakuwukwa imwe.

Yesaya 59:10

Tipapaska chimati nge ngwachiburumutiya, tipapaska nge ndiwo ŵalivi maso; tiguŵa ndi msana pakati uli ndi mazulo pa kwafipa; mukati mwaku wo mbanthazi kwakufikapo tituŵa uli mbanthu ŵakufwa.

Yeremiya 13:16

Paskani unkhankhu ku Ambuya Chiuta winu, wenga wandaze ndi mdima, marundi ghinu ghenga ghandaguŵe pa mapiri gha mdima, penipo imwe mupenja ukweru iyo wasanduskiyako mdima, watiusanduska mdima uzitu.

Yeremiya 15:9

Yo wangupapa ŵankhonde ndi ŵaŵi wadengenduka, walakatuka; lumwi lake lasere kweche msana; wachita soni ndipo walengeskeka. Ndipo ŵakujapo ŵaku wo ndikaŵaperekanga ku lipanga, paurongo pa ŵakupindikana wawo, atiti Ambuya.”

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Ezekiele 13:9

Janja langu likamikananga ndi ŵamchimi wo ŵawona viwona vyawaka ndi kupereka mawula gha utesi; Kuti ŵakaŵangamo cha mu upu wa ŵanthu ŵangu, nanga nkhulembeka mu buku la nyumba yaku Yisraele cha, pamwenga nanga nkhusere mu charu cha Yisraele naku so cha; ndipo mukaziŵanga kuti ine ndine Ambuya.

Ezekiele 7:26

Soka lituza pa soka, mbiri yirondo mbiri; ŵapenja chiwona ku mchimi, kweni dangu limara ku mzukuru, ndi fundu ku ŵara.

Amosi 8:11

“Wonani, mazuŵa ghakazanga,” atiti Ambuya Chiuta, “penipo nkhatumanga nja mu charu; kuti ndi nja ya sima cha, pamwenga nyota ya maji; kweni yakuvwiya mazu gha Ambuya.

Mika 2:6

“Rekani kutaula,” viyo ŵataula, “munthu kuti watenere kutaula ndi vinthu vya viyo cha; soni kuti zikatikonga cha ifwe.”