Mika 3:4 - Tonga Bible 1986

⁴ Viyo ŵakaliyanga ku Ambuya, kweni kuti amukenge cha; akabisanga chisku chawo kwaku iwopa nyengo yiya, chifukwa nchitu zawo ŵazisanduska kuŵa ziheni.

Mika 3:4 ပူးပေါင်းရင်းမြစ်များ

Jobu 27:9

Kumbi Chiuta wakavwanga kuriya kwake. Penipo masuzgu ghatuza paku iyo?

Jobu 35:13

Nadi Chiuta kuti watuvwa kuriya kwaŵaka cha, nanga ndi Wanthazizose kuti waphwereko cha.

Sumu 18:41

Ŵanguliriya chovyo, kweni kwengavi wakutaska, ŵangubongore ku Ambuya, kweni kuti anguŵamuka cha.

Nthanthi 1:28

Pa nyengo yo ŵakadananga kwaku ine; kweni kuti ndamukenge cha: ŵakandipenjanga kwarwana kweni kuti ŵakandibowozganga cha.

Nthanthi 28:9

Asani munthu watuzgako gutu lake kukuvwa dangu chingana ndi rombu lake ndi kazuzi.

Yesaya 1:15

Muchitambaruwa manja ghinu, ndikabisanga maso ghangu kwinu, inya chingana mungachita marombu ghanandi, kuti nditegherezgenge cha, manja ghinu ghazara ndi ndopa.

Yesaya 3:11

Owe ku muheni! Kukamuŵiyanga uheni, pakuti vyo manja ghake ghachita vikachitikiyanga kwaku iyo.

Yeremiya 11:11

Chifukwa cho atiti Ambuya, Ehe, ine nditole uheni paku iwo, weniwo kuti angaziŵa kuwuthaŵa cha; chingana ŵangandiliriya, kuti ndikaŵategherezganga cha.

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Yeremiya 33:5

ŴaKaldiya ŵakazanga kuzachirwa ndi kuzizaza ndi viŵanda vya ŵanthu ŵeniwo ndikakosonga mu kukwiya kwangu ndi ukari wangu; pakuti ndabisa chisku changu ku msumba uwu chifukwa cha mautimbanizi ghawo ghose.

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Ezekiele 8:18

Muchifukwa ichi ndikachitanga mwa ukari; jiso langu kuti likasiyangapo cha, nanga nkhuchita chitima; ndipo nanga ŵaliya mu makutu ghangu ndi kubangura kukuru, kuti ndikaŵavwanga cha.”

Mika 3:7

Ŵawoni ŵazamuchita soni, ndi ŵakuloska nawo ŵazamuchita soni; wose ŵakajaranga milomo yawo, chifukwa kulivi kwamuka kuturiya kwaku Chiuta.

Mika 7:13

kweni charu chikaŵanga chakupasuka chifukwa cha ŵakujamo ŵake, chifukwa cha vyakutuwa mu milimu yawo.

Zekariya 7:13

“Nge ndimo ine ndingukambiya ndipo kuti ŵanguvwa cha, viyo ŵangudanirizga kweni kuti ndinguvwa cha,” atiti Ambuya ŵa maŵanja.

Mateyu 7:22

Ŵanandi ŵanenenge nane mu zuŵa liya, ‘Ambuya, Ambuya, asi tingutauliya mu zina linu, ndi mu zina linu tingutuzgiya ŵademone, ndi mu zina linu tinguchitiya vyanthazi vinandi?’

Luka 13:25

Kwanda penipo mweninyumba wangayuka, ndi wangajarako ku khomo, ndipo mungamba kuma kubwaro ndi kugong'oska chisasa cho, ŵakuti, ‘Ambuya, tijuriyeniko’; ndipo wakwamukawanenenge namwe, ‘Kuti ndiziŵa cha, kweniko mutuliya.’

Yohane 9:31

Tiziŵa kuti Chiuta wareka kuvwa ŵalakwi; kweni asani yumoza ndi muwopa Chiuta, ndi wachita khumbo lake, watumuvwa mweniyo.

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.

1 Samuele 8:18

Ndipo mu zuŵa liya mwazamuliya chifukwa cha karonga winu, mweniyo mwasankha mwaŵeni; zuŵa liya kuti mwazamukuvwa kwamuka kwa Ambuya cha.”