Mika 3:11 - Tonga Bible 1986

¹¹ Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”

Mika 3:11 ပူးပေါင်းရင်းမြစ်များ

Nthanthi 17:23

Munthu wa mphulupulu waronda vinda ndi mtima wose kutimbanizga nthowa za cheruzgu chirunji.

Yesaya 1:23

Ŵaraŵara ŵinu ŵaŵa vigaruka ndi mabwezi gha ŵankhungu. We yose watanja vinda ndipo ŵaunukiya vyaulera. Kuti ŵavikiriya ŵana ŵaranda cha, ndipo makani gha choko ŵatighaphwere cha.

Yesaya 48:2

Pakuti ŵatijidaniya ŵija mu msumba wakupaturika, ndi kujijarika ŵija paku Chiuta waku Yisraele; Ambuya ŵa maŵanja ndilu zina lake.

Yesaya 5:23

wo ŵapozomoska ŵakulakwa chifukwa cha vinda, ndipo ŵatimuvinda wambura mlando, pa urunji wake!

Yesaya 56:11

Ŵagaru ŵendi nja yanthazi; kuti ŵagutapo nanga nkhamoza cha. Waliska nawo ŵalivi zeru; wose ŵawere ku nthowa yapa mtima wawo, we yose ku kwanduwa kwake wose pamoza.

Yeremiya 23:17

Ŵakamba kwakukiyakiya kwaku wo ŵanyoza mazu gha Ambuya, ŵatiti, ‘Kukaŵanga umampha kwaku imwe,’ ndi kwaku yose wakuchita vyamu mtima wake, watiti, ‘Palivi uheni wo ukakuziyanga.’ ”

Yeremiya 26:7

Ŵazukuru, ŵamchimi ndi ŵanthu wose ŵangumuvwa Yeremiya wachikamba mazu yagha mu nyumba ya Ambuya.

Yeremiya 5:12

Ŵakamba vya utesi pa Ambuya, ndipo ŵatiti, ‘Kuti wachitenge kanthu cha; palivi chiheni cho chikazanga paku ifwe, chingana nkhuti tikawonanga lipanga pamwenga chilala cha.

Yeremiya 6:13

“Pakuti kwamba ku mumana kwachifika ku mura wawo, we yose ndi msusi chifukwa cha chanduwu chakupusika; ndipo kutuwa ku mchimi mpaka ku mzukuru we yose wachita kwakupusika.

Yeremiya 7:4

Mungagomezganga mu mazu yagha ghakupusika cha: ghakuti, ‘Uyu ndi kasopi wa Ambuya, kasopi wa Ambuya, kasopi wa Ambuya.’

Yeremiya 8:10

Chifukwa cho ndipaskenge kuŵanyake ŵawoli ŵawo, ndi minda yawo ku ŵakuŵathereska, chifukwa kwamba ku wakumariya kufika ku mura wakuruska we yose ndi msusi chifukwa cha chanduwu chakupusika; kutuwa ku mchimi kufika ku mzukuru, we yose wachita kwakupusika.

Ezekiele 22:12

Mwaku iwe ŵanthu ŵaronda vimbundi vya kudiskiya ndopa, uronde chanduwu ndi chakusazgiyapo upindula vya ŵanasi ŵako mwa nkhaza; ndipo wandiruwa ine, atiti Ambuya Chiuta.

Ezekiele 22:27

Mafumu ghawo mukati mwake ghayana ndi mphumphi zakuparuwa nyama, kudiska ndopa, kuparghang'a ma umoyo chifukwa chakupenja chanduwu chakupusika.

Ezekiele 34:2

“Mwana wa munthu, uchimi kumikana ndi ŵaliska ŵaku Yisraele, chima, uŵanene kuti, inya ku ŵaliska, Viyo atiti Ambuya Chiuta: Owe, ŵaliska ŵaku Yisraele imwe mwajiriska mwaŵeni! Kumbi asi ŵaliska ŵatenere kuliska mberere?

Hoseya 4:18

Mpingu wa ŵaloŵevu, wajipereka ku maureŵi; ŵatanja kulengeskeka kwakuruska unkhankhu wawo.

Hoseya 4:8

Waturgha kwananga kwa ŵanthu ŵangu; ŵaŵika mtima pa kulakwa kwawo.

Amosi 5:14

Penjani umampha, uheni cha, kuti muŵe ŵamoyo; viyo Ambuya Chiuta wa maŵanja, wakaŵanga namwe, nge ndimo mwakambiya.

Amosi 9:10

Ŵakulakwa wose ŵa ŵanthu ŵanguŵambubayika ndi lipanga ŵeniwo ŵatiti, ‘Uheni kuti ungatisaniya cha chingana nkhukumana nafwe.’

Mika 3:5

Viyo atiti Ambuya kunena ndi ŵamchimi wo ŵalandizga ŵanthu ŵangu, wo ŵadanirizga kuti, “Chimangu,” po ŵe ndi kanthu kakurgha, kweni ŵalongoso nkhondo paku yo walivi kuŵika kanthu mu milimu yawo.

Mika 7:3

Manja ghawo ghe paku chonchiheni, kuchichita ndi phamphu; ŵakaronga ndiŵeruzgi ŵapenja vinda, ndi munthu wakuziŵa wakamba khumbu liheni la mu mtima wake; viyo ŵatiuchita pamoza.

Zefaniya 3:3

Nduna zake mukati mwake ze nge ndi nkharamu yakukoroma; ŵeruzgi ŵake ndi mphumphi za mazulo zo kuti zisiya kanthu cha mpaka ndi mlenji.

Zefaniya 3:4

Ŵamchimi ŵake mbanthu ŵakupusika; ŵambura magomekezgeka; ŵazukuru ŵake ŵafipiska malo ghatuŵa, ŵabendezga dangu.

Malaki 1:10

Ndikhumba kuti wangaŵapo yumoza waku imwe wakuti wajale makhomo kuti ŵareke kupemba moto waŵaka pa jochero langu! Ndilivi likondwa mwaku imwe, atiti Ambuya ŵa maŵanja; ndipo kuti nkharondiyanga cha mpasku wakutuwa mu janja linu.

Malaki 2:9

viyo ndimusanduskeninga kuŵa ŵakunyozeka, ndi ŵakuyuyulika pa maso pa ŵanthu wose, kwakuyana nge ndimo mwareke kusungiya nthowa zangu, kweni mwapenevya mu chisambizgu chinu.”

Maŵerengedu 16:15

Ndipo Mosese wangukwiya ukongwa, wanguti ku Ambuya, “Mungaphwerenga mpasku wawo. Ndirivi kutoko mbunda nanga njimoza kwaku iwo, chingana nkhuti ndapwetekako yumoza waku wo cha.”

Maŵerengedu 22:7

Viyo ŵara ŵaMoabu ndi ŵaMidiani ŵanguruta pamoza ndi mphoto ya kwachiwombeze; ŵangufika kwaku Balamu, ŵangumukonkhome uthenga waku Balaki.

Mateyu 3:9

ndipo mungapimanga cha kunena mwaku mwaŵeni, ‘Uskefwe te nayo Abrahamu,’ chifukwa ndikuneniyani kuti ngwanthazi Chiuta ku mya yeniyi kumyuskiya Abrahamu ŵana.

1 Timote 3:3

wabwawatu cha, wambembe cha; kweni mpovu, wambura lisonji, mwanja ndrama cha;

Tito 1:11

Watenere kusunamiskika; ŵeniwo ŵabwanganduwa chivwanu cha nyumba zamphumphu, pakusambizga vyambura kwene chifukwa cha chanduka chasoni.

1 Petro 5:2

liskani muskambu waku Chiuta wo we mwinu, pakuulereze kwakupemberezgeka cha, kweni kwakukhumba, kwakuyana ndi kukhumba kwaku Chiuta; kwaupiripiri nako cha, kweni kwaphamphu;

Yuda 1:11

Owe wo nawo! Pakuti ŵangukiya mu nthowa yaku Kaine, ndipo ŵangutunthwiya ku urandizgi waku Balamu chifukwa cha mphotu, ndipo ŵayowe mu chigaruka uli nchaku Kora.

1 Samuele 8:3

Kweni ndipuuli ŵana ŵake kuti ŵangwenda mu nthowa zake cha, ŵangupatukiya ku chanduwu chiheni ŵanguronde vimbundi ndipo ŵangutimbanizga kweruzga.