Mika 2:7 - Tonga Bible 1986

⁷ Kumbi ichi chitenere kukambika, imwe mwa nyumba yaku Yakobe? Kumbi kuti mzimu wa Ambuya ngwa kuzika cha? Kumbi iyi ndiyo milimu yake? Kumbi mazu ghangu kuti ghachita umampha cha kwaku yo watenda kwakurunjika?

Mika 2:7 ပူးပေါင်းရင်းမြစ်များ

Sumu 119:65

Ambuya, kwakuyana ndi mazu ghinu, mwachita umampha, kwaku ndamteŵeti winu.

Sumu 119:68

Mwe amampha, ndi aulemu; ndisambizgeni vilangulu vinu!

Sumu 15:2

Wakwenda kwambura kalema, ndi wakuchita cho mburunji, wakurongoro uneneska mu mtima wake;

Sumu 18:26

ku ŵakutowa mukajirongonga akutowa; ndipo ku muchenjezi mukajirongonga akunyongoroka.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

Nthanthi 10:29

Ambuya ndi linga kwaku mweniyo nthowa yake njakunyoroka, kweni ndi phasulu ku wakuchita uheni.

Nthanthi 10:9

Mweniyo watenda mu ukongorekwa watenda ndi kuvikirika kweni wanyongoroska nthowa zake wabowozgekenge.

Nthanthi 14:2

Mweniyo watenda mu kunyoroka watopa Ambuya, kweni mweniyo ngwakupatuka mu nthowa zake watiŵayeya.

Nthanthi 2:7

aŵikiya mbiku ya chinjeru chakufikapo ŵakunyoroka; iwo ndi nguru kwaku ŵeniwo ŵatenda mu urunji;

Nthanthi 28:18

Mweniyo watenda muukongorekwa wakataskikanga, kweni mweniyo ngwakulandizga mu nthowa zake wakawanga mu zenje.

Yesaya 50:2

Chifukwa chine, penipo ndinguza, pengavi munthu? Po ndadananga pengavi wakwamuka? Kumbi janja langu likufupiskika, kuti litondeka kuwombo? Pamwenga kumbi ndilivi nthazi za kutaskiya? Ehe, ndi kuchenya kwangu ndimizga nyanja, misinji ndiyisanduska bozwa; somba zawo zinunkha chifukwa chakuwura maji, ndipo zitufwa chiparantha.

Yesaya 58:1

“Bongoni ukongwa, kurekezga cha, kwezgani mazu ghinu uli ndi mbata; taulani ku ŵanthu ŵangu mautimbanizi ghawo, ku nyumba yaku Yakobe mauheni ghawo.

Yeremiya 15:16

Mazu ghinu ghangusanirika ndipo ndingughargha; mazu ghinu ghangundiŵiya likondwa ndi kuyereyeta mu mtima wangu; pakuti ndadanika ndi zina linu, Ambuya mwe, Chiuta wa maŵanja.

Yeremiya 2:4

Vwani mazu gha Ambuya, mwa nyumba yaku Yakobe, ndi mphapu zose za nyumba yaku Yisraele.

Hoseya 14:9

We yose yo ngwazeru, wawemo vinthu ivi, we yose yo ngwakuchenje waziŵi ivi, chifukwa nthowa za Ambuya zakunyoroka ndipo wakurunjika watenda mwakuzo, kweni ŵabudi ŵaguŵamo.

Mika 3:9

Vwani ichi, imwe mwaŵarongozgi ŵa nyumba yaku Yakobe, ndi mwa mafumu mwa nyumba yaku Yisraele, imwe mutinkha weruzgi ndi kubendezga urunji wose.

Zekariya 4:6

Viyo wangunena nane, “Yagha ndi mazu gha Ambuya kwaku Zerubabele; ndi nkhondo cha, pamwenga ndi nthazi cha, kweni ndi Mzimu wangu, atiti Ambuya ŵa maŵanja.

Maŵerengedu 11:23

Ndipo Ambuya anguti kwaku Mosese, “Kumbi janja la Ambuya ndakufupiskika? Ukawonanga sono vinu mazu ghangu ghakakufiskikiyanga pamwenga awa.”

Mateyu 3:8

Viyo pasani vipasi vyakwenere ching'anamuka,

Yohane 8:39

Wangwamuka, wangumnene, “Auskefwe mba Abrahamu.” Yesu waŵanene, “Ne mwenga ŵana ŵaku Abrahamu, mphanyi mwachitanga nchitu zaku Abrahamu.

ŴaRoma 7:13

Viyo kumbi cho nchamampha chingundiŵiya nyifwa? Kungaŵa viyo cha! Kweni ulakwi ndi wo, wakuchitiya nyifwa mwaku ine mwaku cho nchamampha, mwakuti ulakwi uwoneke kuti mbulakwi, kuti ulakwi mwa langulu lo ungaŵadi ulakwi ukuru.

2 ŴaKorinte 6:12

Kuti mufinyikizgika mwaku ifwe cha, kweni mufinyikizgika mu mitima yinu.

2 Timote 3:5

ŵakuŵa ndi chikozgu cha uwopa Chiuta kweni ŵakukana nthazi yake; kwaku ŵeniwo nawo gaukako.