Mika 2:6 - Tonga Bible 1986

⁶ “Rekani kutaula,” viyo ŵataula, “munthu kuti watenere kutaula ndi vinthu vya viyo cha; soni kuti zikatikonga cha ifwe.”

Mika 2:6 ပူးပေါင်းရင်းမြစ်များ

Sumu 74:9

Visimikizgu vidu vyose vikuruta, nanga ndi mchimi nayo mulivi, ndipo palivi nanga njumoza mukati mwidu yo waziŵa kuti ichi chikafikanga mpaka zuŵanji.

Yesaya 29:10

Pakuti Ambuya apunguliya paku imwe mzimu wa tulo tuzitu, ndipo ajara maso ghinu, mwa ŵamchimi, ŵavimba mitu yinu mwa ŵakuwukwa imwe.

Yesaya 30:10

ŵeniwo ŵakamba ku ŵakuwona, “Rekani kuwona”; ndi ku ŵamchimi, “Mungatichimiyanga cha ifwe cho nchakurunjika; kambani nafwe vinthu vya koloŵa, chimani vyautesi,

Ezekiele 20:46

“Mwana wa munthu, razga chisku chako kuchiri ku malaŵi, taula kumikana ndi ku malaŵi, uchimiye pa charu cha lisuwa la Negebu;

Ezekiele 21:2

“Mwana wa munthu, urazge chisku chako ku Yerusalemu taula vya mu malo ghakupaturika: uchimi ndi charu chaku Yisraele.

Ezekiele 3:26

ndipo ndikabatikiskanga lilime lako kunena kwa mlomo wako, alinga kuti uŵe wa mbuwu ndi wambura kuziŵa kuŵachenya; pakuti mba nyumba ya chigaruka.

Amosi 2:12

“Kweni ŵaNaziri munguŵamweska vinyo; ndi mungulanguliya ŵamchimu kuti, ‘Mungachimanga cha.’

Amosi 7:13

kweni ungachimanga so cha ku Betele chifukwa ndi malo ghakupaturika gha karonga, ndipo ndi kasopi wa ufumu.”

Amosi 7:16

Viyo sono, uvwi mazu gha Ambuya. Iwe utiti, ‘Ungachimanga cha ku mikana ndi Yisraele, ndi ungasambizganga cha kususka nyumba yaku Yisaki.’

Mika 3:6

Chifukwa ichi ukaŵanga usiku kwaku imwe, wambura chiwona, ndi kuŵenge mdima kwaku imwe, kwambura kuroska. Dazi lamuserere ŵamchimi, ndi zuŵa likaŵanga la mdima bi, paku iwo.

Mika 6:16

Chifukwa mwasunga vilayizgu vyaku Omri, ndi vyakuchita vyose vya nyumba yaku Ahabu; ndi mwayenda mufundu zawo; ndi mupasuweninge, ndi ŵakujamo ŵinu wakafyonyekanga; viyo mukayeyekanga ndi ŵanthu.”

Machitidu gha Ŵakutumika 4:17

Kweni alinga kuti chingawandiya kwakuruska mu khamu lo cha, tiŵachenjezgenge kurongoro so cha mu zina lenili, chingana nkhu munthu yumoza.”

Machitidu gha Ŵakutumika 5:28

wakuti, “Kulangula tingulanguliya imwe kusambizgiya mu zina lo cha: ndipo, awonani mwazaza Yerusalemu ndi chisambizgu chinu, ndipo mukhumba kutole paku ifwe ndopa za munthu mweniyo.”

Machitidu gha Ŵakutumika 5:40

Ndipo ŵangukopeka ndi iyo: ndipo ŵati ŵadana ŵakutumika ndi ŵati ŵaŵakwechuwa, ŵanguŵakanizga kukamba mu zina lo laku Yesu, ndipo ŵanguŵafwatuwa.

Machitidu gha Ŵakutumika 7:51

“Mwanononu ku singu, ndi mwambura kuchinjika ku mtima ndi makutu, nyengo zose mumikana ndi Mzimu Wakupaturika: nge mbauskemwe, namwe viyo.