Mika 2:3 - Tonga Bible 1986

³ Chifukwa ichi, viyo atiti Ambuya: Ndirunguruka chiheni kumikana ndimbumba iyi, kwaku chenicho kuti muziŵa kuwezgako masingo ghinu cha; ndipo kuti mukayendanga kwakujikuzga cha, pakuti yikaŵanga nyengo ya uheni.

Mika 2:3 ပူးပေါင်းရင်းမြစ်များ

Yesaya 29:20

Pakuti ŵankhaza ŵakachitikanga vyaŵakaŵaka ndi ŵakunyoza ŵakalekanga, ndipo wose wo ŵalereze kuchita uheni ŵakadumulikangako,

Yesaya 3:16

Ambuya anguti: Chifukwa ŵanthukazi ŵaZioni mbakujikuzga ŵatenda ndi makhosi ghakunyutuka, ŵavwikuwa ndi dama maso ghawo, ŵachita kuchakatuka ŵachenda, ŵaswaya ndi marundi ghawo;

Yesaya 5:19

Ŵeniwo ŵatiti, “Murekeni watinthimike, murekeni wakankhamiske nchitu yake alinga kuti tiyiwone; yirekeni fundu ya Wakupaturika Yo waku Yisraele yindere pafupi, ndipo yirekeni yize, alinga kuti tiyiziŵe!”

Yeremiya 18:11

Sono, chifukwa cho, kamba ku ŵanthu ŵaYuda ndi ŵakuja mu Yerusalemu, atiti Ambuya, ‘Ehe, ndirongosole chiheni paku imwe, ndighanaghana fundo yakumikana namwe. Weniko, we yose ku nthowa yake yiheni, ndipo nozgani nthowa zinu ndi machitidu ghinu.’

Yeremiya 27:12

Kwaku Zedekiya karonga waku Yuda ndingukamba viyo: “Ŵikani makhosi ghinu mu gori la karonga wa Babiloni mumutataliye iyo ndi ŵanthu ŵake, mwakuti muŵe ŵamoyo.

Yeremiya 34:17

Chifukwa cho, viyo atiti Ambuya: Mulivi kundivwiya ine kumemeza we yose ku mwana munyake ndi ku mzengezgani wake; wanangwa, ehe, nditikupaskani wanangwa waku lipanga, waku chideru, ndi wanangwa waku chilala, atiti Ambuya. Ndikamuchitaninga kuŵa chakofya ku maufumu ghose gha charu chapasi.

Yeremiya 36:23

Yehudi wanguti waŵerenga vigaŵa vitatu pamwenga vinayi, karonga wangucheketa ndi chimayi ndi kutaya pa moto mu chiyaŵi, mpaka po buku lose lakuzinga lingumaliya pa moto wo wenga mu chiyaŵi, cha mkuŵa.

Yeremiya 43:2

Azariya mwana waku Hoshaya ndi Yohanani mwana waku Kareya ndi ŵanthu wose ŵamuyuyu ŵanguti kwaku Yeremiya, “Ukamba utesi. Ambuya Chiuta widu wengavi kukutuma kukamba kuti, ‘Rekani kuya ku Egipiti kwachija kwenikuwa.’

Yeremiya 8:3

Nyifwa yikarumbikanga kwakuruska umoyo ndi wose ŵakujapo wo ŵakajangapo ŵa mbumba iyi yiheni mu malo ghose mwenimo ndaŵadikiskiya, atiti Ambuya ŵa maŵanja.

Chitenje 1:14

“Mautimabanizi ghangughangumangika mu goli; ndi janja lake vingumangika pamoza; vinguŵikika pa khosi langu; angugongoweska nthazi yangu; Ambuya angundipereka mu manja ghaku ŵeniwo kuti ndingapindana nawo cha.

Chitenje 2:17

Ambuya achita cho angulongoso, afiska kufinga kwawo, uli ndimo anguteme kale ukongwa, abwanganduliya pasi kwambura lisungu; aŵakondweska ŵakupindikana ŵako, ndipo akuzga nthazi ya ŵarwani ŵinu.

Chitenje 5:5

Tidikiskika ukongwa ndi gori pa makhosi ghidu tavuka tilivi kupumuzgika.

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Amosi 2:14

Kutaskika kwamutondeka kwaku yo ndi mupusu, ndipo wanthazi kuti wakachinthiskanga nthazi zake cha, chingana nchinkhara nacho kuti chamutaska umoyo wake cha;

Amosi 3:1

Vwani mazu yagha Ambuya akamba kususka imwe, mwa ŵanthu ŵaku Yisraele kususka mbumba yose yo ndikutuzga mu charu cha Egipiti:

Amosi 3:2

“Imwe pe ndimwe ndakuziŵani mu mbumba zose zapa charu chapasi; mu chifukwa ichi ndimulangeninge chifukwa cha mauheni ghinu ghose.

Amosi 5:13

Chifukwa ichi ŵakuchenje ŵamujachete mu nyengo yeniyo; chifukwa ndi nyengu yiheni.

Mika 2:1

Owe kwaku wo ŵaghanaghana ubendezi ndi kuchita uheni pa ŵagonapa vita vyawo! Kuchicha ndi mlenji ŵatuwuchita chifukwa we munthazi za janja lawo.

ŴaRoma 16:4

ŵeniwo chifukwa cha moyo wangu ŵanguŵika pasi makhosi ghaku iwo ŵija; wo kuti ndine pe cha ndiŵawonga, kweni mipingu yose nayo ya ŵaMitundu;

ŴaEfeso 5:16

ŵakujiwombole nyengo, pakuti ngaheni mazuŵa gho.

Marangu 28:48

chifukwa ichi mukatewetiyanga ŵamawongo ŵinu ŵeniwo Ambuya akatumanga kurwana namwe, mu nja, mu nyota, mu ukavu, ndi mu usauchi wa vinthu vyose; akaŵikanga goli la chisulo mu khosi linu, mpaka penipo amuparghang'ani.

Yakobe 2:13

Chifukwa cheruzgu nchambura lisungu ku wakureka kuchita lisungu: ndipo lisungu litumbwiya pa cheruzgu.