Mika 2:12 - Tonga Bible 1986

¹² Nkhamuwunjikaninga mose, A! Yakobe, nkhawunjikanga ŵakujako ŵaYisraele; ndiŵaŵikenge pamoza nge ndi mberere mu khola, nge ndimberere mu uliska wake, mpingu wa ŵanthu ŵa chiwawa.

Mika 2:12 ပူးပေါင်းရင်းမြစ်များ

Chiyambo 36:33

Bela wangufwa, ndipo Yobabu mwana munthurumi waku Zera waku Bozra wanguwasa mu malo ghake.

1 Mikoka 1:44

Wanguti wafwa Bela, Yobabu mwana waku Zera waku Bozra wanguwusa mu malo ghaeke.

Yesaya 11:11

Mu zuŵa liya Ambuya akarutirizganga mbwenu janja lawo nyengo yachiŵi, kusaniya wakujapo wa ŵanthu ŵawo, kutuwa ku Asiriya, ku Egipiti, ku Patrosi, ku Etiopia, ku Elami, ku Shinari, ku Hamati, ndi ku vyaru vya mu likumba la nyanja.

Yesaya 27:12

Mu zuŵa liya kwamba ku msinji Efrate kwachifika ku kamsinji kaku Egipiti Ambuya akapwanthanga trigu, ndipo mukaunjikikanga yumoza yumoza, mwa ŵanthu mwe waku Yisraele.

Yesaya 34:6

Ambuya ŵendi lipanga; lakhorwa ndi ndopa, lakuruŵika ndi mafuta, ndi mafuta gha ŵana ŵamberere ndi mbuzi, ndi mafuta gha sana za ŵabira. Pakuti Ambuya ŵendi chisopo mu Bozra, kubaya kukuru mu charu cha Edomu.

Yesaya 5:17

Sono ŵana ŵamberere ŵakarghanga uli ndi mu chipozwa chawo, twakututuŵa ndi tumsese tukarghanga mukati mo mwabwanganduka.

Yeremiya 23:3

Pavuli ndikaunjikanga ŵakujapo ŵa mskambu wangu kutuwa ku vyaru vyose kweniko ndinguŵadikiskiya, sono ndikaŵawezgiyanga ku khora lawo, ndipo ŵakaŵanga ŵakupapana ndi ŵakwandana.

Yeremiya 3:18

Mu mazuŵa gho nyumba yaku Yuda yikaŵanga pamoza ndi nyumba yaku Yisraele, ndipo wose pamoza ŵakatuwanga ku charu chaku nkhonde kuza ku charu chenicho ndingupaska auskemwe kuchihara.

Ezekiele 34:11

“Pakuti viyo atiti Ambuya Chiuta: Awonani, ine, ine ndamweni ndindondoroskenge mberere zangu, ndipo ndikazipenjanga.

Ezekiele 34:13

Ndikazituzganga mu ŵanthu, ndikuziwunjika kutuwa mu vyaru, ndipo ndikaziwezgiyanga mu charu chawo; ndikaziliskanga pa mapiri ghaku Yisraele, mufupi ndi visima, ndipo ndi mu malo ghose ghakujamo ŵanthu mu charu.

Ezekiele 34:22

nditaskenge mskambu wangu, kuti zikaŵanga so chakuliwa cha; ndipo nderuzgenge pakati pa mberere ndi mberere.

Ezekiele 34:31

Imwe mwe mberere zangu, mberere za uliska wangu, ndipo ine nde Chiuta winu, atiti Ambuya Chiuta.”

Ezekiele 36:37

“Viyo atiti Ambuya Chiuta; Ichi nacho so ndikazomerezganga kuti nyumba yaku Yisraele ŵandipemphe cho ndingaŵachitiya: kwandaniska ŵanthu ŵawo nge ndi mskambu.

Ezekiele 37:21

uŵanene kuti, Viyo atiti Ambuya Chiuta: Ehe, ndikawezganga, ŵaYisraele kutuwa mu mitundu yose mo ŵakuya, ndikaŵawunjikanga kutuwa uku ndi uku, ndikaŵaserezganga mu charu chawo;

Hoseya 1:11

ŴaYuda ndi ŵaYisraele ŵamuwunjikika pamoza, ndi kujisankhiya murongozgi yumoza; ndipo ŵamukwera kutuwa mu charu, chifukwa zuŵa laku Yezerele likaŵanga likuru.

Amosi 1:12

Viyo nditumenge moto pa Tamani, ndi ukawochanga malinga ghaku Bozra.”

Mika 2:13

Yo wajura dangazi waruta panthazi pawo; wakatoronga ndi kuporota pa likomo, kutuliya kubwalo paku lo. Karonga wawo ndiyo wamudanjiya panthazi pawo, Ambuya akuŵalongozga.

Mika 4:8

Ndipo iwe, chitanthali chamskambu, phiri la msumba waku Zioni ufumu wakudanga, ukazanga kwaku iwe, ufumu wa ŵanthu ŵaku Yerusalemu.

Mika 5:7

Viyo wakujako waku Yakobe wakaŵanga mukati mu ŵanthu ŵanandi nge ndi dungwi lakutuwa kwa Ambuya, nge ndi vuwa pa uteka, kuti yiziulikiya munthu cha, pamwenga kulindizga ŵana ŵa ŵanthu.

Mika 5:8

Ŵakujako ŵaku Yakobe ŵakawanga mukati mu mitundu, mukati mu ŵanthu ŵanandi, nge ndi nkharamu mukati mu mskambu wa nyama za mu dondo, nge ndi nkharamu yamupupuka mukati mu mskambu wa mberere, yeniyo pa yiporotamo, yikanda pasi ndi yiparuwa tumanatumana, ndipo palivi yo waziŵa kutaska.

Mika 7:14

Liskani ŵanthu ŵinu ndi ndodo yinu, mskambu winu wo mwasankha wo uja mu lisuwa mukati mu charu cha minda; muwuleke ukarghenge mu Bashani ndi mu Gileada nge ndi mu mazuŵa gha kali.

Mika 7:18

Ndi yani Chiuta yo wenge ndimwe, wakugowoke maubendezi ndi kureke maulakwi gha ŵakujako ŵa ŵanthu ŵake? Kuti watufya mtima kwakukiyakiya cha, chifukwa wakondwa mu chanju chake.

Zefaniya 3:20

Pa nyengo yo ndikuwezgiyenge kwako, mu nyengo yo ndikuwunjikenge pamoza. Inya ndikuchitenge kuŵa wambiri, ndi wamarumbika mukati mu ŵanthu wose ŵa panu pasi, po ndiwezgiyenge umampha wako paurongo pako,” atiti Ambuya.