Mika 2:11 - Tonga Bible 1986

¹¹ Asani munthu wangenda ndi mtima wakupusika ndi kukamba utesi, ndi kuti, “Nkhataulanga kwaku iwe ndiza vinyo ndiso ndi vyakumwa vyakuloŵeleska,” ndiyo wangaŵa wakutaula wa ŵanthu yaŵa!

Mika 2:11 ပူးပေါင်းရင်းမြစ်များ

1 ŴaKaronga 13:18

Ndipo wanguti kwaku iyo, “Ine nane ndine mchimi nge ndiwe, ndipo mungelo wangurongoro nane ndi mazu gha Ambuya, wanguti, ‘Kamuwezge uzi nayo pamoza mu nyumba yako kuti wazirghe chiŵande ndi kumwa maji.’ ” Kweni wangumunene utesi.

1 ŴaKaronga 22:6

Sono karonga ŵaYisraele wanguwungang'a pamoza ŵamchimi, akhumba ŵanthu machumi pe chumi ghanayi, wanguti kwaku wo, “Kumbi ndirutenge ku nkhondo kwachirwa ndi Ramoti-gileada, pamwenga ndireke?” Ndipo iwo ŵanguti, “Kweriyaniko; chifukwa Ambuya akawuperekanga mu janja la karonga.”

Jobu 31:5

“Asani ndenda ndi utesi, ndipo rundi langu lathaŵiriya ku upusikizgi;

Nthanthi 25:14

Uli ndi mitambo ndi mphepo yambura vuwa, ndimu walili munthu yo watijikuzga chifukwa cha chaulera chenicho iyo kuti watichipaska cha.

Yesaya 28:7

Yaŵa nawo ŵazendazenda ndi vinyo ŵazendazenda ndi vyakumwa vyakuloŵereska; mzukuru ndi mchimi ŵazendazenda ndi vyakuloŵereska, ŵatimbanizgika ndi vinyo, ŵazendazenda ndi vyakuloŵereska, ŵananga mu chiwona, ŵaguŵa pakupaska cheruzgu.

Yesaya 9:15

Mura ndi munthu wa ulemu ndiyo mutu, ndipo mchimi yo wasambizga utesi ndiyo mchiya;

Yeremiya 14:14

Ndipo Ambuya anguti kwaku ine: “Ŵamchimi ŵachima mautesi mu zina langu: ine kuti ndinguŵatuma, chingana nkhuti ndinguŵalanguliya cha, nanga nkhurongoronawo cha. Ŵachima kwaku imwe viwona vya utesi, ŵabwebweta waka, ndi kupisika kwa mu mitima yawo.

Yeremiya 23:14

Ndipo mu ŵamchimi ŵa Yerusalemu ndawonamo chinthu chakofya: ŵachita ureŵi ndipo ŵatenda mu mautesi; ŵalimbiska manja gha ŵakuchita uheni, viyo kuti palivi yumoza yo waweko ku mautimbanizi ghake; wose ŵaŵa nge ndi Sodomu ndipo ŵakujamo ŵake nge ndi Gomora.”

Yeremiya 23:17

Ŵakamba kwakukiyakiya kwaku wo ŵanyoza mazu gha Ambuya, ŵatiti, ‘Kukaŵanga umampha kwaku imwe,’ ndi kwaku yose wakuchita vyamu mtima wake, watiti, ‘Palivi uheni wo ukakuziyanga.’ ”

Yeremiya 23:25

Ndavwa vyo ŵakamba ŵamchimi wo ŵachima mautesi mu zina langu, ŵatiti, ‘Ndalota, ndalota!’

Yeremiya 23:32

Inya, ndimikana ndi wo ŵachima maloto ghatesi, atiti Ambuya, ndi ŵeniwo ŵati ŵanene ndi kuŵarongozge ŵanthu ŵangu kwaŵaka ndi mautesi ghawo ndi mphwayi zawo, penipo ine kuti ndinguŵatuma, chingana nkhuŵalanguliya cha; viyo kuti ŵatiŵanduliya ndi keni kamoza ŵanthu yaŵa cha, atiti Ambuya.

Yeremiya 28:15

Ndipo Yeremiya wanguti kwaku Hananiya, “Ayivwa, Hananiya, Ambuya alivi kututuma, ndipo ŵanthu yaŵa ŵagomekezga mu utesi wako.

Yeremiya 5:31

ŵamchimi ŵachima vyautesi, ndipo ŵazukuru ŵateruzga mo ŵakhumbiya iwo; ŵanthu ŵangu ŵatanja vyaviyo, kweni mwazamchitanji utakuti waza umari?

Chitenje 2:14

Ŵamachimi ŵako ŵakuwone iwe vyakuwona vyakupusika ndi vitesi; ŵalivi kuvumbuwa uheni wako, alinga kuti ŵawezge umampha wako, kweni ŵakuwone iwe vyakuwona vyakupusika ndi vyakukurandizga.

Ezekiele 13:22

Chifukwa kwautesi mwachitiska chitima wakurunjika nanga ine kuti ndamuchitiska chitima cha, ndi mwalimbiska muheni, kuti ndamuchitiska chitima cha, ndi mwalimbiska muheni, kuti wareke kung'anamukako ku nthowa yake yiheni mwakuti wataske umoyo wake;

Hoseya 7:14

Kuti ŵaliya kwaku ine ndi mtima wawo wose cha; kweni ŵatenje pa vita vyawo, ŵawunganirana chifukwa cha trigu ndi vinyo; ŵagaruka kwaku ine.

Mika 3:11

Ŵarongozgi ŵake ŵateruzgiya chimbundi, ŵazukuru ŵake ŵasambizgiya mphoto, ŵamchimi ŵake ŵaloska chifukwa cha ndrama; ndipuuli ŵayegeme ku Ambuya ndi ŵatiti, “Kumbi Ambuya ŵe mukati mwidu cha? Uheni kuti ukatiwiyanga cha.”

Mika 3:5

Viyo atiti Ambuya kunena ndi ŵamchimi wo ŵalandizga ŵanthu ŵangu, wo ŵadanirizga kuti, “Chimangu,” po ŵe ndi kanthu kakurgha, kweni ŵalongoso nkhondo paku yo walivi kuŵika kanthu mu milimu yawo.

ŴaRoma 16:18

Chifukwa ŵaviyo kuti ŵateŵete Ambuyafwe Kristu cha, kweni linweka laku ŵija; ndipo ndimakambidu ghausarazi ndi ghakufyafyalika ŵafuvya mitima ya ŵakujiyuyuwa.

ŴaFilipi 3:19

Ŵeniwo kamaridu kawo nkhutayika, waku ŵeniwo chiuta ndi rufu lawo, ndi unkhankhu wawo we mu soni yawo, wo ŵaghanaghaniya vyapanupasi.

1 Yohane 4:1

Mwaŵakwanjiwa, mungavwaniyanga cha mu mzimu we wose, kweni yesani mizimu yo, asani vinu njakutuliya kwaku Chiuta. Pakuti ŵamchimi ŵatesi ŵanandi ŵaburika mu charu.