Mika 2:1 - Tonga Bible 1986

¹ Owe kwaku wo ŵaghanaghana ubendezi ndi kuchita uheni pa ŵagonapa vita vyawo! Kuchicha ndi mlenji ŵatuwuchita chifukwa we munthazi za janja lawo.

Mika 2:1 ပူးပေါင်းရင်းမြစ်များ

Chiyambo 31:29

Nkhwangu kwaku ine kukuchitiya chiheni; kweni Chiuta wa ausu waŵereŵeta nane usiku waruta, kuti, ‘Chenje ungakamba kwaku Yakobe kamampha pamwenga kaheni cha.’

1 ŴaKaronga 21:7

Ndipo Yezebelu muwoli wake wanguti kwaku iyo, “Kumbi uteruzga Yisraele sono? Yuka, urghe kurgha, ndipo mtima wako usangaruke; ine ndikakupaskanga munda wa mphereska waku Naboti mu Yezerele yo.”

Estere 3:8

Ndipo Hamani wanguti ku karonga Ahaswerusi, “Uliko mtundu unyake wa ŵanthu ŵakuparangikiya ku bwalo kwa charu ndi wakuchapariya mukati mu ŵanthu mu vigaŵa vya ufumu winu, ndipo marangu ghawo ghapambana ndi gha ŵanthu wose chingana nkhuti ŵasunga marangu gha karonga cha, viyo chitumwanduliya kanthu cha karonga kuti walereskepo ŵaka.

Estere 5:14

Ndipo Zeresi muwoli wake, ndi mabwezi ghake ghose ŵanguti kwaku iyo, “Muti wakupayikapo ŵanthu uchitike wa mikono machumi gha nkhonde (50) utali wake, ndipo mawa ukambe ku karonga kuti Mordikayi wapayikike pakuweniwo; iwe ukasere ku dghera wakukondwa pamoza ndi karonga.” Chinthu ichi chingumkondweska Hamani, ndipo wangulangula kuti muti wo ulongosoreke.

Estere 9:25

kweni penipo Estere wanguza paurongo pa karonga wangulangula mu ŵakalata kuti chiŵembu chiheni cho wanguchitiya ŵaYuda chiwere pa mutu wa mweneko, ndi kuti iyo ndi ŵana ŵake ŵapayikike pa muti.

Jobu 15:35

ŵazuwuka masoka ndi ŵapapa uheni, ndi mitima yawo yinozge nkhani upusikizgi.”

Jobu 24:14

Wakubaya wayuka ndi usiku kuti wabaye ŵakavu ndi ŵasauchi, mu usiku watuŵa nge ndi munkhungu.

Sumu 36:4

Watata utimbanizi pa chakurapo chake; wajimiska mu nthowa yo kuti njamampha cha; uheni kuti wapata cha.

Sumu 36:5

Chanju chinu, Ambuya, chisapatiya ku machanya, ukongorekwa winu mpaka ku mitambo.

Sumu 58:3

Ŵaheni ŵaranda kutuliya ku chibali, ŵaranda kutuliya ku kawi, ŵakamba mautesi.

Nthanthi 12:2

Munthu wamampha wasaniya mwaŵi kutuwa ku Ambuya, kweni munthu wa vipangu viheni ŵatumususka.

Nthanthi 14:22

Asi ŵalakwa wo ŵapangizga uheni? Weniwo ŵapangizga umampha ŵakumana ndi kuyithereska ndi kugomekezgeka.

Nthanthi 3:27

Ungakaniliyanga umampha kwaku ŵeniwo utuŵayenere asani nkhwako kuwuchita.

Nthanthi 4:16

Pakuti ŵangagona cha kwambura kuti ŵachita chiheni; ŵapokeka tulo kwambura kuti ŵaguŵiska munthu.

Yesaya 29:20

Pakuti ŵankhaza ŵakachitikanga vyaŵakaŵaka ndi ŵakunyoza ŵakalekanga, ndipo wose wo ŵalereze kuchita uheni ŵakadumulikangako,

Yesaya 3:14

Ambuya asere mu cheruzgu kumikana ndi ŵara ndi nduna za ŵanthu ŵawo: “Ndimwe mwaparghang'a munda wamphereska, muskowo wa ŵasauchi we mu nyumba zinu.

Yesaya 32:7

Mauthyanithyani gha muthyanithyani nkhulakwa; watata vipangu vya utimbanizi, kubwanganduwa ŵasauchi ndi mazu gha utesi, chingana makani gha msokwa ghangarunjika.

Yesaya 5:8

Owe kwaku wo ŵalungizgana nyumba ku nyumba, wo ŵasazga munda ku munda, mpaka penipo malo ghalivi kujapo, ndipo mwachitika kuja paku mwija mukati mu charu cho.

Yesaya 59:3

Pakuti manja ghinu ghakazuzgika ndi ndopa ndi minwe yinu ndi uheni; milomo yinu yirondoro mautesi, lilime linu ling'ung'uta utimbanizi.

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Ezekiele 11:2

Ndipo wangunena nane, “Mwana wa munthu, yaŵa mbanthu wo ŵaghanaghana utimbanizi ndi kupereka fundu ziheni mu msumba uwu;

Ezekiele 33:26

Munyamuwa lipanga, muchita maunyakazi, ndipo yumoza ndi yumoza waku imwe walakwa ndi muoli wa mwanasi wake; kumbi mungaziŵa kuchihara charu viyo?

Ezekiele 38:10

“Viyo atiti Ambuya Chiuta: Pa zuŵa liya maghanghaano ghakazanga mu mtima wako, ndipo ukarungurukanga chiŵembu chiheni.

Ezekiele 46:18

Karonga wareke kuto che chose chihara cha ŵanthu, kuŵatuzgamo mu usambasi wawo ndi wawo; wapaske ŵana ŵake nge nchihara chawo usambasi wakutuwa mu chuma chaku iyo mweneko, alinga kuti pawulevi yumoza yo wakaphangikanga usambasi mu ŵanthu ŵangu.”

Mika 6:12

Ŵanthu ŵinu ŵasambasimba kuzazika ndi nkhaza; ŵakuja mwaku imwe ŵakamba mautesi, ndi lilime lawo ndakupusika mu mlomo wawo.

Nahumu 1:11

Kumbi kuti yumoza wangutuliya mwaku imwe cha, yo wanguchita uheni kumikana ndi Ambuya, ndikupereka fundu yakupusika?

Zekariya 7:10

mungasuzganga choko, chingana ngwambura wiske, mlendo pamwenga mukavu; kuwulevi yumoza waku imwe waghanaghaniye uheni munyake mu mtima winu.”

Marko 15:1

Ndipo sosonukweni ku mlenji-lenji ŵangupanga upu ŵazukuru ŵara pamoza ndi ŵara ndi ŵalembi, ndi upu wose, ndipo ŵangumumanga Yesu ndi kuruta nayo, kwaku Pilato,

Luka 20:19

Ndipo ŵalembi ndi ŵazukuru ŵara ŵangulembe kumko ku manja mu ora leniliya; ndipo ŵangopa khamu lo; chifukwa ŵanguziŵa kuti paku iwo wangutayiya ntharika yeniyi:

Yohane 19:11

Yesu wangumwamuka, “Kuti ungaziŵa kuŵa ndi mtufu kose paku ine cha, kwambura kuti wapaskika kwako kutuwa kuchanya: chifukwa chenichi wakundikombole kwaku iwe we nawo ulakwi ukuru kwakuruska.”

Machitidu gha Ŵakutumika 23:12

Ndipo kwati kwaŵa msana, ŵaYuda wo ŵangumotoka, ndipo ŵangujirapiya ndi tembu, ndi kukamba kuti ŵangargha chingana nkhumwa cha mpaka ŵambaya Paulo.

Machitidu gha Ŵakutumika 23:15

Viyo sono imwe, pamoza ndi upu wo, muvumbuliye nduna yira yo, alinga ŵamsiskiye kwaku imwe, nge mwe ŵakukhumba kwarwana kuziŵa vyapaku iyo; ndipo ifwe, wenga wandaŵandike iyo, te ŵakurongosoleka kumbaya.”

ŴaRoma 1:30

ŵakusuza, ŵakutinkha Chiuta, ŵaphuzu, ŵajanu, ŵakhakatu, ŵakwata viheni, ŵakutafuliya ŵapapi ŵawu,

Marangu 28:32

Ŵana ŵinu ŵanthurumi ndi ŵana ŵinu ŵanthukazi ŵakaŵanga ŵaŵanda kunyake kweniko mwakuŵawona, kweni mukatondekanga kuya kwaku wo zuŵa lose, ndipo kuti manja ghinu ghakaŵanga ndi nthazi cha kuŵataska.