Mika 1:9 - Tonga Bible 1986

⁹ Chifukwa chironda chake nchambura machizgika; ndipo chaza kwaku Yuda, chafika ku likomo la ŵanthu ŵangu, ku Yerusalemu.

Mika 1:9 ပူးပေါင်းရင်းမြစ်များ

Yesaya 3:26

Ndipo malikomo ghake ghakatenjenga ndi kuliya; wakubwanganduka, wakajanga pa dongo.

Yesaya 36:1

Mu chirimika cha chumi ndi vinayi cha karonga Hezekiya, Senakaribu karonga wa Asiriya wanguza kuzachilimbana ndi mizi yose ya malinga yaku Yuda ndi wanguyito.

Yesaya 36:2

Ndipo karonga wa Asiriya wangutuma mathenga kutuliya kwaku Lakishi ku karonga Hezekiya pa Yerusalemu, pamoza ndi liŵanja la nkhondo. Ndipo wanguma pafupi ndi ngalande ya thaŵali la panena pa nthowa yakuya ku munda wa wakuchapa.

Yeremiya 15:18

Chifukwa chine kuŵaŵa kwangu kureka kumara, bala langu ndambura mapoleka likana kupo? Kumbi mukandiŵiyanga ine nge nkhamsinji kakupusika, nge ndi maji ghenigho ghatondeka?

Yeremiya 46:11

Kwere ku Gileada kato munkhwala, wa mwana munthukazi wa Egipiti! Wachita mankhwala ghanandi watondeka, kulivi kuchizgika kwaku iwe.

Mika 1:12

Pakuti ŵakuja mu Maroti ŵalindizga chamampha ndi linweka likuru, chifukwa uheni wasikiya pasi kutuwa ku Ambuya, kuza ku likomo laku Yerusalemu.

Mika 6:13

Chifukwa ichi ndayamba kumupumani, kumupa suwani chifukwa cha maulakwi ghinu.

Nahumu 3:19

Kulivi kupozga kupweteka kwako, bamba lako liŵaŵa. Wose wo ŵavwenge makani ghako ŵakumbiyenge manja. Chifukwa mphakuyani palivi kuza uheni wako wambura kureka?