Mika 1:8 - Tonga Bible 1986

⁸ Chifukwa ichi ndiliyenge ndikutenje; nkharutanga wakuzuwika ndi wankhuli, nkhatenjenga nge mbakambwe, ndi kuliya nge mbamanchichi.

Mika 1:8 ပူးပေါင်းရင်းမြစ်များ

2 ŴaKaronga 18:13

Mu chirimika cha chumi pachanya vinayi cha karonga Hezekiya Senakaribu karonga wa Asiriya wangukweriyako kuzachirwana ndi misumba yose ya malinga yaku Yuda ndi wanguyipoka.

Estere 4:1

Mordikayi wanguti waziŵa vyose vyo vinguchitika wanguparuwa vyakuvwara vyake, wanguvwara chigudulu ndi wangujidiriya vyoto, wangutuwa mu msumba kuliya ndi kubangura pachanya kwa kuŵaŵa mtima,

Jobu 30:29

Nde mbali wa ŵakambwe, ndi mubwezi wa zingaru.

Sumu 102:6

Ndakozgana ndi tofu wamu bozwa; ndaŵa nge ndi phururu wamu mapopa.

Yesaya 13:21

Kweni nyama za mudondo ndizo zikalanga mo, nyumba zake zikazazikanga ndi vikoko vyakukoroma, muwa ndimu mukajanga viyuni vya makuŵi, ŵangoza ŵawo ŵakavinanga mwenimuwa.

Yesaya 13:22

Ŵapundu ŵakahumanga mu ŵasonjo ŵake, ŵakambwe mu nyumba zake, zakukondweska za chifumu; nyengo yake yaŵandika ye pafupi ndipo mazuŵa ghake kuti ghakarutiriyanga cha.

Yesaya 16:9

Chifukwa chinchi ndiliya ndi kaliridu kaku Jezeri chifukwa cha mphereska ya Sibma; nditukuzumbwiska ndi masozi ghangu, Heshiboni we ndi Eleale, pakuti pa chipasi chako ndi vuna yako chiwawa cha nkhondo cha ŵapo.

Yesaya 21:3

Chifukwa cho chiunu changu chazazika ndi suzgu; urwirwi wandikwetere, uli mburwirwi wa munthukazi yo wapapa; ndakotama pasi viyo kuti nditondeka kuvwa, ndagongowa viyo kuti nditondeka kulereska.

Yesaya 22:4

Chifukwa cho ine ndinguti: “Lereskani kunyake kutuwako kwangu, ndirekeni ndiliyi masozi ghakuŵaŵa; mungatakatakiyanga kundisangaluska cha chifukwa chakumara kwa ŵanthu ŵangu.”

Yesaya 32:11

Tenthemani, mwa ŵanthukazi ŵakufwasa imwe, tenthemani, mwa ŵambura kughanaghanako kanthu; zuwani, mujijarike nkhuli, ndi vwarani vigudulu mu viunu vinu.

Yeremiya 4:19

Kuŵaŵa kwangu, kuŵaŵa kwangu, ndikunkhuwa mu kuŵaŵa! Owe, vimati vya mtima wangu! Mtima wangu upuma mwakofya kuti ndingaja chisisi cha; pakuti ndituvwa kuliya kwa mbata kumemeza kwa nkhondo.

Yeremiya 9:1

Aha, mphanyi mutu wangu wenga maji, ndi maso ghangu chisima cha masozi alinga kuti ndiliye msana ndi usiku chifukwa cha ŵakubayika ŵa ŵanthu ŵangu!

Yeremiya 9:10

“Dangani kuliya ndi kwenjerwa chifukwa cha mapiri, tenjeni chifukwa cha mauliska gha mubozwa, chifukwa ghachitika mapopa palivi yo waporotamo, ndipo kubama kwa ng'ombe kuti kuvwika cha; vyose viyuni vya mude ndi nyama za mudondo vyathaŵa kuti viwoneka so cha.

Yeremiya 9:19

Pakuti chiwawa cha chitenje chivwika mu Zioni: ‘Tapasuka uheni! Talengeskeka kwakufikapo, chifukwa tasiya charu, pakuti ŵabwanganduliya pasi nyumba zidu.’ ”

Ezekiele 32:18

“Mwana wa munthu, soska chitenje, iwe pamoza ndi ŵana ŵanthukazi ŵa ŵamitundu, kuliriya pa umba wa ŵaEgipiti ndi mikoku yake, ŵeniwo ndikaŵasiskiyanga kusi kwa charu chapasi pamoza ndi wose wo ŵasikiya ku muunda:

Mika 2:4

Mu zuŵa liya ŵakambanga sumu yakunyoza imwe, ndi kubongo ndi chitenje chikuru, ndi kuti, “Tapasuka ukongwa; wasintha phandi la ŵanthu ŵangu; mo walituzgiyako kwaku ine! Ŵagaŵiya minda yidu kwaku wo ŵatiko.”

1 Samuele 19:24

Ndipo nayo so wanguzuwa vivwaro vyake, wanguchima paurongo paku Samuele, ndipo wangugona nkhuli zuŵa liya lose ndi usiku wase uwa. Chifukwa ichi ŵatiti, “Kumbi Sauli nayo so we mukati mu ŵamchimi?”