Mika 1:7 - Tonga Bible 1986

⁷ Vikozgo vyake vyose vikatekenyekanga, mphoto zake zose zochekenge ndi moto, ndi ndipasuwenge ŵangoza ŵake wose. Chifukwa wanguwunjika kutuliya mu mphoto ya munthukazi mureŵi, ndi ku munthukazi mureŵi vikawerenga.

Mika 1:7 ပူးပေါင်းရင်းမြစ်များ

2 Mikoka 31:1

Sono vinguti vyamarapo vyose ivi, ŵaYisraele wose wo ŵengapo ŵanguruta ku misumba yaku Yuda ndi ŵanguswa vikozgo ndi kudumuliya pasi ŵachiuta ndi ŵangubwanganduwa malo gha pachanya ndi majochero mu Yuda yose, mu Benjamini, mu Efraimu ndimu Manase, mpaka ŵangubwanganduwa vyose. Viyo ŵanthu wose ŵaku Yisraele ŵanguwere ku misumba yawo, munthu yose ku malo ghake.

Yesaya 2:18

Ndipo ŵangoza ŵakamaranga, kujako so cha.

Yesaya 23:17

Pa umari wa virimika machumi ghaŵi, Ambuya akachezganga ndi Turo, ŵakawerenga ku nchitu yake ya mphoto, ndipo ŵakachitanga dama ndi maufumu ghose gha charu pa chisku cha charu chapasi.

Yesaya 27:9

Chifukwa cho, paku ichi kulakwa kwaku Yakobe kukapepeskekiyanga, ndipo ichi chikaŵanga chipasi chakufikapo cha kutuzgapo uheni wake: wachichita mya yose ya viguŵa vya sembe nge ndi mya yituŵa yakupereka tumana-tumana, palivi kuti Asherimi pamwenga viguŵa vya vyachema vyo vikajaririyanga kuma.

Ezekiele 6:6

Kweniko kose muja misumba yinu yikapasukanga, malo ghinu gha pachanya ghazgokenge mapopa, viyo kuti majochero ghinu ghakapasukanga ghakaŵanga mayiyi, ŵangoza ŵinu kufyoka ndi kuparghangika, majochero ghinu gha vyakusunkhizga ghakadumulikiyanga pasi, nchitu zinu zikamaranga.

Hoseya 2:12

Ndipo ndinangenge mphereska zake, ndi miti yake ya mkuyu vyenivyo wanena kuti, ‘Ivi nchihara changu cho wakundanja wangu wandipaska.’ Nkhavisanduskanga lisuwa, ndipo nyama zamu dondo zikavirghanga.

Hoseya 2:14

“Chifukwa ichi ndimunyengenge, ndi kuruta nayo ku lisuwa ndi kukamba nayo kwakufwasa.

Hoseya 2:5

Chifukwa nyinawo wachita ureŵi; yo wanguŵapapa wachita chilengesku. Chifukwa wanguti, ‘Ndirondonge ŵakundanja, wo ŵandipaska vyakurgha vyangu ndi maji ghagu, weya wangu ndi thonji langu, mafuta ghangu ndi chakumwa changu.’

Hoseya 8:5

Ndazira mwana wa ng'ombe yako, O Samaria. Ukari wangu ukole kumikana nawo. Kuŵenge viyo mpaka zuŵanji, mpaka penipo mulivi kalema mu ŵaYisraele?

Hoseya 8:6

Ichi chapangika ndi mupangi; kuti ndi Chiuta cha. Mwana wa ng'ombe waku Samaria watekenyikenge.

Yoele 3:3

ndipo ŵanguchitiya ŵanthu ŵangu mphenduzga, ŵangupereka mwana mhurwa kugulizgana ndi munthukazi mureŵi, ndi kuguliska mwana musungwana ndi vinyo kuti wamwe.

ŴaLevi 26:30

Nkhaparghang'anga malo ghinu gha pachanya ndi kugumuliya pasi majochero ghinu gha vyachema ndi kupong'a viŵanda vinu pachanya pa viŵanda vya ŵangoza ŵinu mtima wangu umukaneninge.

Marangu 23:18

Mungasaskanga mureŵi cha, pamwenga mtengo wa garu mu nyumba ya Ambuya Chiuta winu kulipiya rapu le lose, pakuti viŵi viyo ivi mbukazuzi ku Ambuya Chiuta winu.

Marangu 9:21

Ndingumurombe so nayo aroni pa nyengo yeniyo. Viyo ndinguto chinthu cha mphurupuru, chikozgu cha thole chiya mungupanga, ndinguchocha ndi moto. Ndinguchidina ndi kuchisira ukongwa nge ndi choto, ndipo ndingudira choto chake mu msinji weniwo watuliyanga mu phiri.

Chivumbuzi 18:3

Pakuti mitundu yose yamwapo vinyo wa ufyu wa ureŵi wake; ndipo ŵakaronga ŵa panupasi ŵareŵana nayo, ndi ŵamaronda ŵa pasi ŵasambasa pa chifukwa cha nthazi ya chinthemwanthemwa chake.”

Chivumbuzi 18:9

Ndipo ŵaliyenge ndi kutenje paku iyo ŵakaronga ŵa panupasi wo ŵare ŵananga ndi ŵafwenkhiyanga paku iyo, ŵachilereska usi wakufya kwake,

1 Samuele 5:4

Kweni ŵanguti ŵaza so ku mlenji unyake, awonani, Dagoni wawa kavunama pasi paurongo pa bokosi la Ambuya, mutu waku Dagoni ndi manja ghake ghose ghaŵi vingudumuka ndi kugona mukhomo: Dagoni wanguja chipiriŵiri pe.