Mika 1:6 - Tonga Bible 1986

⁶ Chifukwa ichi ndisanduskenge Samaria ndundu ya mu munda, malo ghakulimamo munda wa mphereska. Ndipo nkhapong'anga mya ya nyumba zake mu dambo, ndikubanuwa viŵanja vyake.

Mika 1:6 ပူးပေါင်းရင်းမြစ်များ

2 Samuele 17:13

Ndipo asani wasere mu msumba, penipo ŵaYisraele wose ŵazenge ndi maruzi kumuzi wuwa ŵauguziyenge mu dambo, mpaka po karekenge kuwonekako nanga nkha mwa kamanavi.”

2 ŴaKaronga 18:10

Ndipo pa umari wa virimika vitatu ŵanguwupoka. Mu chirimika cha chinkhonde ndi chimoza chaku Hezekiya cho chenga chirimika cha chinkhonde ndi vinayi chaku Hosheya karonga waku Yisraele Samaria wangutoreka.

2 ŴaKaronga 18:9

Mu chirimika cha chinayi cha karonga Hezekiya, cho chenga chirimika cha chinkhonde ndi chiŵi chaku Hosheya waku Ela, karonga waku Yisraele, Shalmanezara karonga waku Asiriya ŵangukwera kuzachirwa ndi Samaria ndi ŵanguwuzinga.

2 ŴaKaronga 19:25

“Kumbi wenga undavwe kuti ndikuchichita kale ukongwa? Ndikulongoso mu mazuŵa gha mwaka chenicho sono ndifiska kuŵako kuti muyisanduskenge misumba ya malinga kuŵa viza vya phasulu,

Yesaya 17:1

Vyakukambika vya paku Damasko. Ehe, Damasko wakamaranga kuŵa msumba, wakaŵanga mulu wa vyakwanangika.

Yesaya 25:12

Ndipo utali wa vimati vya malinga ghake akasiskiyanga pasi, kuŵa vifupi, kuvipong'a pasi, ndi ku fuvu viyo.

Yesaya 25:2

Pakuti muzi mwauchita chiza, msumba wa malinga waŵa phasulu; nyumba ya ufumu ya ŵalendo sono ndi muzi so cha, kuti ukazengekanga so cha.

Yeremiya 31:5

Mukapandanga so minda ya mphereska pa mapiri gha Samaria; ŵakupanda ŵakapandanga ndipo ŵakarghanga vipasi.

Yeremiya 51:25

Ehe, ine ndilimbana ndi iwe, waphiri laku bwanganduwa we, atiti Ambuya, lo libwanganduwa charu chose chapasi; ndikatambaruliyanga janja langu paku iwe, ndi kukukunkhuzga pa mya yakujemuka, ndi kukuchita kuŵa phiri la kufya.

Yeremiya 51:37

Babiloni wakaŵanga vimbumira vya phasulu, mwakuja ŵakambwe, chakofya, ndi chakusekeka mwambura munthu wakujamo.

Yeremiya 9:11

Ndikachitanga Yerusalemu ndundu, ya vyakunangika, mphanji mwakugona ŵakambwe; ndipo ndikayichitanga mizi yaku Yuda kuŵa mapopa, yambura ŵakujamo.”

Chitenje 4:1

Owe mo wagugiya golide, mo golide mweneko wang'anamukiya! Mya yakupaturika yala pasi kwakuparghanikana, pakuserere mu gurwi we yose.

Ezekiele 13:14

Ndiwiskiyenge pasi linga lo mwamata ndi utoto, kulibwanganduliya pasi ske mwakuti chiŵanja chake chiŵenge pakweru; lichiwa, imwe mukamariyanga mukati mwake; ndipo mukaziŵanga kuti ine ndine Ambuya:

Hoseya 13:16

Samaria wasuskikenge chifukwa wagaruka kwaku Chiuta wake; wakabayikanga ndi lipanga, ŵamujedu ŵawo ŵatekenyulikenge tumanatumana ndi ŵanthukazi ŵawo ŵa nthumbu ŵakapangulikanga.

Amosi 5:11

Chifukwa nchakuti mukandirizga ŵakavu, ndi kupoka mithulu yawo ya trigu, mwazenga nyumba za mya yakusema; kweni kuti mujengemo cha; mwalima minda ya mphereska yakukondweska; kweni kuti mukamwanga vinyo wake cha.

Amosi 6:8

Ambuya Chiuta wajirapiya iyo mweneko (atiti Ambuya, Chiuta wa maŵanja), “Ndichita unyakazi ndi kujikuzga kwaku Yakobe, ndi nditinkha malinga ghake; viyo ndiperekenge msumba ndi vyose vyo virimo!”

Mika 3:12

Viyo chifukwa chaku imwe Zioni wakalimikanga nge ndi munda; Yerusalemu wakaŵanga ndundu ya vyakupasuka, ndi phiri la nyumba nge ndi miti yitali mulisuwa.

Habakuku 3:13

Mungutuwa chifukwa cha kutaska ŵanthu ŵinu, chifukwa cha kutaska wakupakika winu. Munguphwanya mutu wa muheni, ndi kumlarika wankhuli kwamba ku chigha kufika ku khosi.

Mateyu 24:2

Kweni wakwamuka wanguŵanene, “Asi muwona vyose vyenivi? Ndikuneneskiyani, kuti usiyikengepo cha panu mwa pa mwa, wo urekenge kupong'eka pasi.”