Mika 1:12 - Tonga Bible 1986

¹² Pakuti ŵakuja mu Maroti ŵalindizga chamampha ndi linweka likuru, chifukwa uheni wasikiya pasi kutuwa ku Ambuya, kuza ku likomo laku Yerusalemu.

Mika 1:12 ပူးပေါင်းရင်းမြစ်များ

Jobu 30:26

Kweni penipo ndingupenja umampha, uheni unguza; ndipo penipo ndingurindizga ukweru, mdima unguza.

Yesaya 45:7

Ndiumba ukweru ndi kulenga mdima, ndiŵika umampha ndilenga soka, ndine Ambuya mweniyo wachita vinthu ivi vyose.

Yeremiya 14:19

Kumbi mwamukaniya limu Yuda? Kumbi mzimu winu wamutinkha Zioni? Kumbi mwatipumiyanji mwakuti kulivi kuchizgika kwaku ifwe? Tingupenja chimangu, kweni kamampha kakuwoneka cha; nyengo ya kuchizgika, kweni ehe, chofyu.

Yeremiya 8:15

Tingulereze chimangu, kweni kuti tinguwona umampha cha, tingupenja nyengo yakuchizga, kweni ehe, kofya.

Amosi 3:6

Kumbi mbata yingambika mumsumba, ndipo ŵanthu ŵangareka kopa? Kumbi chiheni chingaŵamo mu msumba, kwambura kuti chachitika ndi Ambuya?

Mika 1:9

Chifukwa chironda chake nchambura machizgika; ndipo chaza kwaku Yuda, chafika ku likomo la ŵanthu ŵangu, ku Yerusalemu.

Ruti 1:20

Iyo wanguti kwaku wo, “Rekani kundidana kuti Naomi kweni mundidanenge kuti Mara, pakuti Wanthazizose wachita nane kwakuŵaŵa ukongwa.

1 Samuele 4:13

Wanguti wafika, Eli wajanga pa mpando wake mu mphepete mu nthowa kulereze, pakuti mtima wake wambwambwanthiyanga chifukwa cha bokosi la phanganu la Ambuya, ndipo munthu uyu wanguti wasere mu msumba kutaula makani, ŵanthu wose ŵanguliya.