Mika 1:1 - Tonga Bible 1986

¹ Mazu gha Ambuya gho ghanguza kwaku Mika waku Moresete mu mazuŵa ghaku Yotamu, Ahazi, ndi Hezekiya, ŵakaronga ŵaku Yuda; ndivyo wanguwona kunena vya Samaria ndi Yerusalemu.

Mika 1:1 ပူးပေါင်းရင်းမြစ်များ

2 ŴaKaronga 15:32

Mu chirimika cha chiŵi chaku Peka mwana waku Remaliya, karonga waku Yisraele, Yotamu mwana waku Uziya karonga waku Yuda wangwamba kuwusa.

2 ŴaKaronga 15:5

Ambuya angukoso karonga viyo kuti wanguŵa wa makhate mpaka nyifwa yake, ndipo wajanga mu nyumba ya pade. Ndipo Yotamu mwana wa karonga ndiyu watufuliyanga ŵamunyumba yo, ndikweruzga ŵanthu ŵa charu cho.

2 ŴaKaronga 16:1

Mu chirimika cha chumi pachanya vinkhonde ndi viŵi chaku Peka mwana waku Remaliya, Ahazi mwana waku Yotamu, karonga waku Yuda, wangwamba kuwusa.

2 ŴaKaronga 18:1

Mu chirimika cha chitatu chaku Hosheya mwana waku Ela, karonga waku Yisraele, Hezekiya mwana waku Abazi, karonga waku Yuda wangwamba kuwusa.

2 Mikoka 28:1

Ahazi wenga ndi virimika machumi ghaŵi po wangwamba kuwusa, ndipo wanguwusa virimika chumi pachanya vinkhonde ndi chimoza mu Yerusalemu, ndipo kuti wanguchita cho chenga chamampha cha mu maso gha Ambuya nge ndi wiske Davidi,

2 Mikoka 29:1

Hezekiya wenga wa virimika machumi ghaŵi pachanya vinkhonde (25) po wangwamba kuwusa, wanguwusa virimika machumi ghaŵi pachanya vinkhonde ndi vinayi mu Yerusalemu. Zina la anyina lenga Abija, mwana munthukazi waku Zekariya.

Yesaya 1:1

Chiwona chaku Yesaya mwana waku Amozi, cho wanguwona chakukamba ndi Yuda ndi Yerusalemu mu mazuŵa ghaku Uziya, Yotamu, Ahazi, ndi Hezekiya, ŵakaronga ŵaku Yuda.

Yesaya 1:2

Vwani, mwa machanya mwe, tegherezga gutu, wa charu chapasi; pakuti Ambuya akamba: “Ŵana wo ndahiŵa ndi kuŵakuzga, kweni ŵandigarukiya.

Yesaya 7:1

Mu mazuŵa ghaku Ahazi mwana waku Yotamu, mwana waku Uziya, karonga wa ŵaYuda, Rezini, karonga wa Siriya ndi Peka mwana waku Remaliya karonga waku Yisraele ŵangukwere ku Yerusalemu kwachipong'a nkhondo paku wo, kweni kuti ŵanguwupunda cha.

Yesaya 7:9

Ndipo mutu waku Efraimu ndi Samaria, ndipo mutu wa Samaria ndi mwana waku Remaliya. Asani kuti mukavwananga cha, kwakunenenska kuti mukajarikikanga cha.’ ”

Yeremiya 26:18

“Mika waku Moreshete wanguchima mu mazuŵa ghaku Hezekiya karonga waku Yuda, ndipo wanguti ku ŵanthu wose ŵaYuda, ‘Viyo atiti Ambuya ŵa maŵanja, Zioni wakalimikanga nge ndi munda; Yerusalemu wakasandukanga chimbumira cha vyakunangika, ndipo phiri la nyumba likaŵanga nge ndi malo gha pachanya gha dondo.’

Hoseya 1:1

Mazu gha Ambuya gho ghanguza kwaku Hoseya, mwana waku Beri mu mazuŵa ghaku Uziya, Yotamu, Ahazi, ndi Hezekiya ŵakaronga ŵaku Yuda mu mazuŵa ghaku Yeroboamu waku Yoasha, karonga wa ŵaYisraele.

Hoseya 4:15

Chingana muchita maureŵi, imwe ŵaYisraele, kweni Yuda wangananganga cha. Mungazanga ku Gilgala cha chingana nkhukwere ku Betavene, pamwenga kurapa, “Ambuya wamoyo.”

Hoseya 8:14

Chifukwa Yisraele waruwa mulengi wake, ndi wazenga nyumba zikuru, ndipo Yuda wandaniska misumba ya malinga; kweni nditumenge moto pa misumba yake, ndipo wamukocha malinga ghake.

Amosi 1:1

Mazu ghaku Amosi, yo wenga yumoza wa ŵaliska ŵaku Tekoa, ghenigho wanguvwa ghakunena Yisraele mu mazuŵa ghaku Uziya karonga waku Yuda, ndi mu mazuŵa ghaku Yeroboamu, mwana waku Yoashi, karonga waku Yisraele. Kunguja virimika viŵi chenga chindazi chidiririzi.

Amosi 6:1

“Owe kwaku wo ŵaja ndi kufwasa mu Zioni, ndi kwaku wo ŵakudeka pa phiri la Samaria, ŵanthu ŵakuziŵika ŵa mitundu yakudanga, kwaku ŵeniwo nyumba yaku Yisraele yituza!

Mika 1:5

Ivi vyose vyaŵako chifukwa cha ulakwi waku Yakobe ndi mauheni gha nyumba yaku Yisraele. Kumbi ulakwi waku Yakobe ngune? Kumbi kuti ndi Samaria cha? Ndipo ulakwi wa nyumba yaku Yuda ngune? Kumbi kuti ndi Yerusalemu cha?

Mika 3:9

Vwani ichi, imwe mwaŵarongozgi ŵa nyumba yaku Yakobe, ndi mwa mafumu mwa nyumba yaku Yisraele, imwe mutinkha weruzgi ndi kubendezga urunji wose.

Habakuku 1:1

Uvumbuzi waku Chiuta wo Habakuku mchimi wanguwona.

2 Petro 1:21

Chifukwa kuti umchimi wengavi kuza kali ndi khumbo la munthu: kweni ŵanthu ŵakambanga gho ghatuliyanga kwaku Chiuta, pakututuzgika ndi Mzimu Wakupaturika.