Maŵerengedu 1:3 - Tonga Bible 1986

³ kuŵerenga wo ŵendi virimika machumi ghaŵi ndi kuruska po, wose wo mbakwenere kurwa nkhondo mu Yisraele, iwe ndi Aroni muŵaŵerenge mpingu ndi mpingu.

Maŵerengedu 1:3 ပူးပေါင်းရင်းမြစ်များ

2 Samuele 24:9

Ndipo Yoabu wangupereka unandi wa ŵanthu ku karonga: mu Yisraele mwenga ŵanthurumi vinkhara ŵakuko lipanga vikwi machumi pe chumi ghankhonde ndi ghatatu, (800,000) ŵaku Yuda ŵenga vikwi machumi pe chumi ghankhonde (500,000).

1 Mikoka 5:18

Ŵina Rubene, Gadi, ndi nusu la fuku laku Manase ŵenga ndi zingwazi wo ŵangupinga nguru ndi lipanga, ŵakutweŵa uta ŵakuziŵa nkhondo, unandi wawo wenga vikwi machumi ghanayi pachanya vinayi, ndi machumi pe chumi ghankhondo ndi ghaŵi pachanya vinayi, ndi machumi pe chumi gha­nkhonde ndi ghaŵi pachanya machumi ghankhonde ndi limoza (44,760) ŵakunozgeke nkhondo.

2 Mikoka 25:5

Viyo Amaziya wanguwunganiska ŵanthu ŵaku Yuda, ndipo wanguŵaŵika kwakuyana ndi nyumba za auskeu, pasi pa ŵakulamula wa vikwi ndi ŵa machumi pe chumi mu Yuda mose ndi mu Benjamini. Wanguŵerenga wose ŵa virimika machumi ghaŵi ndi ŵapachanya pake, ndi wangusaniya kuti ŵenga vikwi machumi pe chumi ghatutu (300,000) ŵakusankhika, ŵakwenere kurwa nkhondo, ŵakuziŵa kuko mkondo, ndi nguru.

Chituwa 12:17

Ndipo mukasunganga dghera la chiŵande chambura mtupu, pakuti pa zuŵa lenili ndilo ndingutuzgiyamo maŵanja ghinu mu charu cha Egipiti viyo mukasunganga zuŵa ili, mu migonezi yose, nge ndi dangu muyaya.

Chituwa 30:14

We yose yo waŵerengeka watenere kuŵa wa virimika machumi ghaŵi ura wake, ndi kujumpha yapa, wakapaskanga mpasku wa Ambuya.

Chituwa 38:26

beka limoza pa munthu yumoza (ndiku kuti ndrama ya nusu, ndrama yaku hema lakupaturika), ya ŵanthu wose wo ŵangulembeka mu buku, kwamba wavirimika machumi ghaŵi pa ura wake kuya kunthazi, ndiwo ŵanthu ŵanthurumi vikwi machumi pe chumi ghankhonde ndi chimoza ndi vikwi vitatu, pachanya machumi pe chumi ghankhonde ndi machumi ghankhonde (603,550).

Maŵerengedu 14:29

viŵanda vinu vikawanga mu bozwa ili; wose ŵaku imwe wo ŵanguŵerengeka kwamba kwa virimika machumi ghaŵi ndi kuruska po, wo ŵadinginika pa kumikana ndi ine.

Maŵerengedu 26:2

“Muŵerenge wumba wose wa ŵaYisraele, kutuwa paŵa virimika machumi ghaŵi ndi kuruska po, mu nyumba za auskeu wose wo mbakwenere kuruta ku nkhondo mu Yisraele.”

Maŵerengedu 3:15

“Ŵerenga ŵina Levi pa nyumba za uskeu mu mbumba zawo; uŵaŵerenge munthurumi yose kwamba wa mwezi umoza kurata pachanya.”

Maŵerengedu 32:11

‘Kwakuneneska palivi nanga njumoza wa ŵanthu wo ŵakutuwa mu Egipiti, kutuliya pa ŵamoyo ŵavirimika machumi ghaŵi ndi kuruska po, ŵakachiwonanga charu cho ndingurapiya kumupaska Abrahamu, Yisaki ndi Yakobe, chifukwa kuti ŵandirondo ine ndi mtima wose cha;

Maŵerengedu 33:1

Yagha ndi maulendo gha ŵa Yisraele, ŵachituwa mu charu cha Egipiti mu mafuku ghawo pasi pa urongozgi waku Mosese ndi Aroni.

Maŵerengedu 4:3

kutuwa pa ŵa virimika machumi ghatatu mpaka ŵavirimika machumi ghankhonde, wose wo ŵangaziŵa kuteŵeta mu hema lakuwunganamo.”

Marangu 24:5

“Penipo munthurumi wato sono, kuti wakarutanga pamoza ndi liŵanja la nkhondo cha, pamwenga kudanika kuŵa ndi nthangwanika yinyake, wakaŵanga mwanangwa pa muzi wake chirimika chimoza, kukondwa ndi muwoli wake mweniyo wato.

Marangu 3:18

“Ndipo ndingukuneniyani nyengo yiya kuti, ‘Ambuya Chiuta winu wakupaskani charu ichi kuŵa chinu, ŵanthurumi ŵinu wose ŵanozgeke ndi vidya pakulowoka ndi kwenda panthazi pa ŵabali ŵinu ŵaYisraele.