Maŵerengedu 1:2 - Tonga Bible 1986

² “Ŵerenga wumba wose wa ŵaYisraele, mbumba zawu, ndi nyumba za auskeu, kuŵerenga ndi mazina, gha ŵanthurumi wose, yumoza yumoza;

Maŵerengedu 1:2 ပူးပေါင်းရင်းမြစ်များ

Chituwa 38:26

beka limoza pa munthu yumoza (ndiku kuti ndrama ya nusu, ndrama yaku hema lakupaturika), ya ŵanthu wose wo ŵangulembeka mu buku, kwamba wavirimika machumi ghaŵi pa ura wake kuya kunthazi, ndiwo ŵanthu ŵanthurumi vikwi machumi pe chumi ghankhonde ndi chimoza ndi vikwi vitatu, pachanya machumi pe chumi ghankhonde ndi machumi ghankhonde (603,550).

Chituwa 30:12

“Uchiŵerenga unandi wa ŵaYisraele, penipo munthu we yose wakaperekanga thumba la kuwombokwa lapa mweneko ku Ambuya, alinga kuti muulevi kuŵa chideru mukati mwawo uchiŵaŵerenga.

Maŵerengedu 1:18

Ndipo ŵanguwungana wose pamoza pa zuŵa la kudanga la mwezi wa chiŵi, wanguwakonkhoske ŵaseko ŵawo mbumba ndi mbumba kwakuyana ndi nyumba za auskeu wanguŵaŵerenga yumoza yumoza, ndi kuzumbuwa mazina ghawo kwamba wa umoyo wa virimika machumi ghaŵi ndi kuruska po,

Maŵerengedu 1:22

Ŵina Simeoni, migonezi yawo ndi mbumba zawo, mu nyumba za auskeu, wo ŵanguŵerengeka, kwakuyana ndi unandi wa mazina ghawo, yumoza yumoza munthurumi yose wa virimika machumi ghaŵi ndi kuruska po, wose wo ŵanguziŵa kurwa nkhondo:

Chituwa 12:37

Ndipo Yisraele wangwenda lwendo kutuwa ku Ramasese kuya ku Sukoto, akhumba ŵanthurumi vikwi machumi pe chumi ghankhonde ndi limoza (600,000) ŵakwenda pasi ndi ŵanthukazi ndi ŵana so.

Chituwa 38:25

Ndi siliva wakutuwa ku ŵa mpingu yo wanguŵerengeka wenga matalente machumi pe chumi (100), ndi ndrama chikwi chimoza, ndi machumi pe chumi ghankhonde ndi ghaŵi pachanya machumi ghankhonde ndi ghaŵi ndi zinkhonde (1775), ndrama za hema lakupaturika;

Maŵerengedu 1:19

ndimu Ambuya angulanguliya Mosese. Ndimu wanguŵaŵerenge mu bozwa la Sinai.