Mateyu 9:28 - Tonga Bible 1986

²⁸ Ndipo po wanguti wazamu nyumba yo ŵanguza kwake ŵachiburumutiya wo; ndipo Yesu wanguti kwaku wo, “Kumbi muvwana kuti nde wanthazi kwachichita chenichi?” Ŵatiti kwaku iyo, “Inya Ambuya.”

Mateyu 9:28 ပူးပေါင်းရင်းမြစ်များ

1 ŴaKaronga 17:16

Chimphuli cha ufwa chengavi kuŵa chiyumu chingana ndi supa ya mafuta nayo kuti yinguphwa cha, kwakulingana ndi mazu gha Ambuya gho angukambiya mwaku Eliya.

Mateyu 13:1

Pazuŵa lenilo wangutuwa Yesu ku nyumba, ndipo wanguja pasi mumphepete mu nyanja.

Mateyu 13:36

Sono wangusiya mizinda yo, ndipo wangusere mu nyumba; ndipo ŵanguza kwake ŵasambizi ŵake, ŵakuti, “Ting'anamuliyeni ntharika yo ya maduru gha mu munda wo.”

Mateyu 13:58

Ndipo kuti wanguchita kweniko vyanthazi vinandi cha, pa chifwa cha uzira chivwanu wawo.

Mateyu 8:14

Ndipo wati wasere Yesu mu nyumba yaku Petro, wanguwona mpongozi wake wakura, wangutama ndi muliŵavu.

Mateyu 8:2

Ndipo, awonani, wamakhati wanguza kwake ndi wangumuŵeyere, wakuti, “Ambuya, asani mukhumba, mwe ŵanthazi kunditozga.”

Mateyu 9:22

Kweni Yesu, wakung'anamuka ndi wakumuwona, wanguti, “Chintha mtima, mwana munthukazi, chivwanu chako chakuchizga.” Ndipo munthukazi yo kutuwa pa ora lenilo wanguchizgika.

Mateyu 9:27

Ndipo wachirutiriya Yesu, ŵangumrondo ŵachiburumutiya ŵaŵi, ŵakubongo ndi ŵakuti, “Tifwiyeni lisungu, mwa mwana waku Davidi.”

Mateyu 9:29

Sono wangukwaska maso ghawo, wakuti, “Kwakuyana ndi chivwanu chinu kukuŵiyeni.”

Yohane 11:26

ndipo yose wamoyo ndi wakuvwana mwaku ine kuti wakafwanga cha muyaya. Kumbi uvwana mwaku ichi?”

Yohane 11:40

Wamnene Yesu, “Asi ndingukunene kuti, asani ungavwana, ukawonanga unkhankhu waku Chiuta?”

Machitidu gha Ŵakutumika 14:9

Yo wavwanga Paulo wachikamba: yo pakumlereska dodoli ndi kuwona kuti wenga ndi chivwanu kuchizgika,