Mateyu 9:17 - Tonga Bible 1986

¹⁷ Chingana nkhuti ŵapunguliya vinyo mufya mu vikuli vyakuguga cha, iku viphwatukenge vikuli vyo, vinyo wadikenge ndi vikuli vikanangikanga: kweni vinyo mufya ŵapunguliya mu vikuli vifya, ndipo visungika umampha vyose viŵi.”

Mateyu 9:17 ပူးပေါင်းရင်းမြစ်များ

Jobu 32:19

Wonani, mtima wangu ulingana ndi vinyo yo walivi, pakupunguliya; nge ndi thumba lifya la vinyo lo likhumba kuphwatuka.

Sumu 119:83

Pakuti ndasanduka wa waka nge ndi thumba la chikopa la vinyo lakuguga; kweni ndipuuli kuti ndaruwa vilangulu vinu cha.

Mateyu 9:16

Ndipo palive yumoza wagambika chigamba cha saru yifya pa raya lakuguga; chifukwa chigamba cho chidodomokenge paraya lo, ndipo kuparuka kwake kukaŵanga kuheniko.

Mateyu 9:18

Wachirongoro vyenivyo kwaku wo, awonani, wanguza mura ndi wangumlambiya, wakuti, “Mwana munthukazi wangu sosonukweni wafwa: kweni muzichiŵika pake janja linu, ndipo waŵenge wamoyo.”

Marko 2:22

Ndipo palive yumoza wapunguliya vinyo mufya mu vikuli vyakale: iku vinyo yo waphwatuwenge vikuli viyo, vinyo wadikenge, ndi vikuli viphwatukenge! Kweni vinyo mufya ŵapunguliya mu vikuli vifya.”

Luka 5:37

Ndipo palive munthu wapunguliya vinyo mufya mu vikopa vyakuguga; iku vinyo mufya yo waphwatuwenge vikopa vyo, ndi iyo wadikenge, ndi vikopa vyo vinangikenge.

Luka 5:38

Kweni vinyo mufya watenere kupungulikiya mu vikopa vifya.

Yoswa 9:4

iwo pa mtima wawo ŵanguchita mwawuchenjezi ŵanguruta ndi ŵangurongoso vyakurgha, ŵanguto mathumba ghakuparuka, kuŵika pa mbunda zawo, ndi mathumba gha vikopa gha vinyo, ghakuguga ndi ghakuparuka ŵangusonamosonamo,